QARABAĞ UĞRUNDA HƏLAK OLANLAR: ELMƏDDİN MƏMMƏDLİ

Elməddin Ələddin oğlu Məmmədli — (26 aprel 1995; Göyşaban, Lənkəran rayonu, Azərbaycan- 24 oktyabr 2020, Qubadlı rayonu, Azərbaycan) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

 Elməddin 26 aprel 1995-ci ildə Lənkəranda anadan olub. Göyşaban kənd tam orta məktəbini 2012-ci ildə bitirib. Ağır atletika ilə məşğul olub. Milli Ordunun tərkibində hərbi xidmət borcunu yerinə yetirib qayıtdıqdan sonra xırda ticarətlə məşğul olub, müxtəlif sahələrdə çalışmaqla ailəsinə kömək edib.

Elməddin Məmmədlinin döyüş yolu Cəbrayıl, Füzuli, Zəngilan və Qubadlıdan keçib. 24 oktyabr 2020-ci ildə cəsur döyüşçümüz Qubadlıda döyüş tapşırığını yerinə yetirərkən düşmənin endirdiyi minomyot zərbəsi nəticəsində həlak olub.