Category Archives: felyetonlar

XATİRƏ CƏBRAYILOVA: ALVERÇİ? KİMYAÇI? FSB AGENTİ?

Стандартный

Kozma Prutkovun 74-cü aforizmi deyir: “Единожды солгавши, кто тебе поверит?” Yəni bircə dəfə yalan danışandan sonra sənə kim inanar.

Qurban Məmmədli bütün şübhəsiz istedadlarına baxmayaraq bircə dəfə yox, çox yalan danışıb, çox manipulyasiyalar etsə də elə onun bədii istedadlarına görə, həmçinin mübarizəsində inadına, türmə çəkdiyinə, əyilmədiyinə görə ona inanmaq istəyirsən. Təəssüf ki, Qurban Məmmədli səndə ona qarşı az-çox inam yaranan anda ya yekə bir yalan danışır, ya gözünün qabağında üskük oynadır. Bu adama əlac yoxdur.

Yanvarın dördündə özünün YouTube kanalına Xatirə Sabir qızı Cəbrayılova adlı qəribə bir gənc qadını çıxarıb onun yaraım saatdan artıq çəkən çıxışını yayıb. Çıxış canlı deyildi. Ekrana xanım Cəbrayılovonın ya Tsereteli ya da Şilov tərəfindən çəkilən parad portreti qoyulmuşdu. Tamaşaçılar bu rəngkarlıq şedevrinə baxa-baxa xanım Cəbrayılovanın səs yazısını dinləyirdilər.

Bu çıxış tonuna, leksikasına görə Cəfər Cabbarlının “1905-ci ildə” pyesində erməni Eyvazın məhkəmədəki nitqinə bənzəyirdi. İttiham olunan bolşevik Eyvaz öz pafoslu monoloqunda çar prokurorlarına, çar hakiminə özü ağır ittihamlar irəli sürürdü. Hətta çar hakimiyyətini damğalayırdı: “Mən düşmənəm sizin insan əti yeyən ikibaşlı qartalınıza!” Eyvaz xəbərdarlıq edirdi ki, tezliklə bu rejimin sonu çatacaq, onu indi mühakimə edənlərin özləri qandallanacaqlar.

Xatirə Cəbrayılovanın da çıxışı təxminən bu ruhda idi. Ancaq onun ittihamı əsasən bir nəfərə — Məleykə Abbaszadəyə qarşı yönəlmişdi. Xatirə Cəbrayılovanın fikrincə bir vaxt onu ali məktəbə qəbul etməyən Məleykə Abbzadənn əsas amalı Azərbaycan gəncliyini kor etməkdir. Xatirə Cəbrayılova Məleykə Abbaszadəyə ultimatum verərək dedi ki, tezliklə Azərbaycana gəlib onu “вынесет из кабинета вперед ногами». Bunu rusca dedi bilindi ki, Cəbrayılova Moskvada dissertasiya müdafiə etsə də, rus dilini elə gözəl də bilmir. Dediyinin azərbaycanca tərcüməsi budur ki, o gəlib Məleykə xanımın ölüsünü kabinetdən çıxaracaq. Və öz dediyindən məlum olurdu ki, bunu FSB-nin köməyi ilə edəcək.

Başqa nə cür edə bilər?

Qurban Məmmədov öz opponentlərinin çoxunu, Azərbaycan ordusunun generallarını və zabitlərini Moskva ilə, FSB ilə əlaqədə ittiham edir. Ancaq onun efirdə az qala buir saat vaxt verdiyi bu azərbaycanlı qız çıxışının yarısını FSB-nin tərifinə həsr edib. Bu xanım utanmadan, abır-həya bilmədən iddia edir ki, “FSB sutkada 24 saat alimləri qoruyur”.

Mənim bu xanımın FSB agenti və informatoru olduğuna şübhəm yoxdur.

FSB alimləri qoruyur? Yalansa sənin…Rusiyada son illər nə qədər görkəmli alim FSB təqiblərinin qurbanı olub? Ali İqtisadiyyat məktəbi, “Vışka”, əslndə darmadağın edilib. Ordan qovulanlar arasında Çingiz Hüseynovun oğlu professor Həsən Hüseynov da var.

Nə qədər tələbə qondarma ittihamlar əsasında tutulub uzun müddətə türməyə salınıb!

FSB-yə deyilən bu təriflər, FSB-nin tərənnümü, əllbəttə, Xatirə Cəbrayılovanın bu orqanla əlaqəsini göstərir. Biokompozitlərlə işləyən Azərbaycan vətəndaşının FSB ilə hökmən əlaqəsi olmalıdır. Ancaq Qurban Məmmədli niyə bu güman edilən FSB agentini və informatorunu Azərbaycanın ən şərəfli qızı kimi təqdim edir? Bundan sonra Qurban Məmmədlinin özünü FSB adam sayanlar haqlı olmayacaqmı?

Bu Cəbrayılova çox qəribə arvaddır. Doğrudan da kimyadan dissertasiya müdafiə edib. Moskvada bir vaxt paltar, mebel satan fərdi sahibkar olduğu barədə də İnternetdə məlimat var. Bu disertasiyanın keyfiyyəti barədə yalnız mütəxəssislər fikir deyə bilərlər. (Google-da  çap olunmuş əsəri yoxdur, bircə patent göstərilir onun da beş müəllifi var, dördü Qubkin institutundan yerli adamlar, beşinci Cəbrayılovadır. Belə kollektiv «ixtiraları»ın qiyməti məlumdur, çox vaxt iş bir nəfərə məxssus olur, qalanlarə ya vəzifəsinə görə qoşulur, ya da «maya qoyur). Ancaq bu xanımın abır-həya bilmədən, özü də Qarabağda FSB hakimiyyətdə olduğu bir vaxt Rusiyanin bu bəd reputasiyalı xüsusi xidmət orqanına təriflər deməsi ona qarşı ikrah doğurur. Bu xanımın fonunda hətta Məleykə Abbaszadə kimi məmurlar da rəğbətli görünə bilərlər…

Qurban Məmmədlinin FSB agenti olduğu güman dedilən Xatirə Cəbrayılova ilə çıxardğı hoqqa göstərir ki, bu istedadlı insanın ciddi əxlaq problemləri var və onun ipinin üstünə odun yığmaq olmaz. İndi bu ipdə rus biokompozit tərkibinin olduğu da görünür…

Xatirə Cəbrayılovanın çıxışı ərzində ekranda hörmətli vəkil İlham Aslanoğlu statik vəziyyətdə oturub heyranlıqla FSB difirambına qulaq verirdi. Deyəsən bu cənab özünü necə FSB poxuna batırdığını hiss eləmirdi…

Mirzə ƏLİL

05.01. 2022, Samara

ЯЙЦА ЛУКАШЕНКО ДЛЯ ВЛАДИМИРА ВЛАДИМИРОВИЧА

Стандартный

ПРОТАСЕВИЧ: Про яйца? Готов сказать! Давайте сразу и про молоко, чтобы два раза…
ЛУКАШЕНКО: Щенок, я не про куриные яйца!
ПОТАСЕВИЧ: А про чьи яйца?
ЛУКАШЕНКО: Про мои яйца! Про мои!
ПРОТАСЕВИЧ: А что сказать про ваши яйца? Я о ваших яйцах представления не имею…
ЛУКАШЕНКО: Скажешь, что у Александра Григорьевича Лукашенки яйца стальные!
ПРОТАСЕВИЧ: Скажу, С радостью, Это тоже для Запада?
ЛУКАШЕНКО: Нет, это для Владимира  Владимировича. Чтобы он мне еще пятьсот миллионов долларов дал и чтобы по всем морям катал…
Мирза АЛИЛ

İ. MIXLININ NAMƏLUM “AĞILLI KÜR” ROMANI TAPILIB

Стандартный

ismayıl şıxlı

Məşhur yazıçı İsmayıl Mıxlının naməlum romanı müəllifin ölümündən sonra tapılıb. Əlyazma Mıxlının bağında qazıntı aparılan zaman çıxdığığndan roman Qazarlar Burliyinin səksən beş yaşlı gənc sədri Danara verilib və hazırda Danar müəllim  əsəri nəşrə hazırlayır.

İndiyədək oxuculara naməlum qalmış roman “Ağıllı Kür” adlanır. Bu roman əlli il bundan qabaq yazılıb, ancaq İsmayıl Mıxlı uzaqgörəm mütəfəkkir yazıçı olduğundan öz əsrini qabaqlayıb və indi əlahəzrət İlham Əliyevin həyata keçirdiyi “Ağıllı kənd”, “Ağıllı məhəllə”, “Ağıllı bazar” layihələrini qabaqlayıb.

İsmayıl Mıxlının romanındakı Kür doğrudanda da ağıllı çaydır. Çay öz sularını pambıq, tütün, taxıl  sahələrinə özü axıdır, anaşa, marixuana, xaşxaş əkilən yerlərə girmir. Çayın suları laızımi məntəqələrdə turbinsiz elə fırlanır ki, İsmayıl Mıxlının yerlisi Səməd Vurğun demişkən, “işıqlanır hər dağ-dərə”. Ağıllı çay öz sularında ağıllı balıqlar yetişdirir. Bu balıqlar adam kimi dil bilir, suyun aıtında müxtəlif idman yarışları keçirir və AzTV-nin verilişlərinə baxırlar. Bu balıqlar hamısı gözəl tərbiyə alır və hər biri öz yerini bilir. Kübar balıqlar imötəbər nsanların, dövlət məmurlarının toruna düşür. Əsil-nəcabətsiz balıqlar isə kasıb-kusubun qarmağına ilişir.

Romanda balıqların keçirdiyi elmi-tətbiqi konfransdan söz açılır. “Əlahəzrət prezidentinə alternativ varmı? “ sualına bir naqqa bitərəf qalmaqla bütün balıqlar yekdilliklə “Yoxdur. Nida işarəsi!” cavabını veriblər. O vaxtdan qərara  alınıb ki, naqqa balıq sayılmasın.

Ağıllı Kürün sahilində yaşayan insanların hamama ehtiyacı yoxdur, çünki bu ağıllı çayda çimən insanları ağıllı sular özü sabunsuz-zadsız təmizə çıxarır.

Ağıllı Kürün sahilində yaşayanlar arzu və istəklərini prezidentə və onun xanımına poçta yox, çaya atırlar, Ağıllı Kürün ağıllı suları xalqın məktubunu operativ şıkildə ünvana çatdırır. Prezidentin və arvadının xalqa cavab verib-vermədiyi barədə İsmayıl Mıxlı yazmır.

Kürün sularında çimmək üçün üzməyi bilmək lazım deyil. Bu ağıllı sularda yalnız ölkənin naz-nemətindən, ailədəki mehribanlqdan boğazacan doyub könüllü həyatdan getmək istəyənlər özləri özlərini boğurlar. Boğulanların meyitlərini ağıllı sular yubanmadan mərhumların yaxınlarına çatdırırlar.

Romanın əsas süjet xətlərindən biri də sevgi macərasıdır. İ. Mıxlı bir erkək nərənin Araz vasitəsilə Kürə girmiş ermən çəkisinə olan faciəvi məhəbbətindən məharətlə söz açır. Əlyazma ilə taış olmuş görkəmli mətbuat xadimi Aynur Qavalqızı yazır ki, iki balığın faciəsi onu elə kövrəltdi ki, “göz yaşlarına hakim ola bilmədi”.

Roman eyni zamanda çoxlu dildə nəşr ediləcək. Tərcümə mərkəzinin rəhbəri  Qapaq Məsud əsəri balıq dilinə çevirir, hərçənd balıqlar özləri dilimizi yaxşı bilirlər.

Qazarlara, yəni romanı qazıb çıxaranlara prezident “Laçın dəhlizi” medalını verib.

Mirzə ƏLİL

17-18 mart 2021, Samara

DİASPORA İLƏ İŞ ÜZRƏ DÖVLƏT KOMİTƏSİNƏ AÇIQ MƏKTUB

Стандартный

Ramiz Mikayılov

Ürəyim əsə-əsə dövlət komitəsinə müraciət edirəm!

Nə gizlədim, hansı adda “dövlət” sözü varsa, hər eşidəndə ürəyim əsir!

Hərdən öz-özümə fikirləşirəm ki, niyə mənin adım oldu Mirzə Əlil? Kaş mənim adım olaydı… Məsələn, olaydı Dövlətalı… Bəlkə bu adla taleyim də ayrı cür olardı.

Ancaq başa düşürəm ki, mənə Dövlətalı adı qoya bilməzdilər. Çünki bizim kənddə Dövlətalı adlı bir kişi vardı. Bizim kənddə də başqasının adını götürəndə dava düşürdü. O qədər davalar olub ki, o qədər başlar yarılıb ki ad üstündə… İndi də neçə adam qanlı-bıçaqlıdır…

Dövlətalı da atıb-vuran kişi idi. Düzdür, mənim ağlım kəsən vaxtlar kənddən çıxmışdı, ancaq hərdən gəlib-gedirdi. Bir dəfə bu rəhmətlik kənd yoluyla gedir, mən də bunun dalınca gedirəm məktəbə. Yolda rəhmətlik Gözəl kişi bunu saxlayıb soruşdu ki, “Dövlət, necəsən?» Dövlətalı kişi dayanıb əlindəkiləri qoydu yerə və acıqla dedi: “Necə olacam? İstəyirən dayandoldurumu götürəm, arvad-uşağı qıram…”

Allah, sən saxla…

Mən hərdən prezidentə müraciət edib icazə almaq istəyirəm ki, adıma “Dövlət” sözünü əlavə edim və olum “Dövlətəlil”… Bilmirəm icazə verər ya verməz. Özü də indi acıqlıdır. Rayon başçıları etimadını doğrultmayıblar, oğurluq eləyibələr. Deyirlər ki, prezident baxıb keçmiş ofisiant və Biləsuvarın keçmiş başçısı Mahir Quliyevin şəklinə, yanğılı-yanğılı deyib: “Ah, sənə güvəndiyim dağlar…”

Hörmətli və əziz Dövlət komityəsi! Ürəyim əsə-əsə keçirəm mahiyyətə.

Bildiyiniz ki, Rusiyada yaşayan azərbaycanlılar YouTube-da kanallar açıblar və gecə-gündüz efirə çıxırlar.Bu münasibətlə bir neçə problem yaranıb.

Birincisi, bunlar arvadlarının yanına getmirlər və arvadları qalıblar başılovlu, Putinə məktub yazırlar, xahiş edirlər ki, ərlərini kamera qabağından qoparıb evlərinə qaytarsın. Sonda arvadlar yazırlar: «Yoxsa biz özümüzə cavabdeh deyilik!»

İkinci problem odur ki, bu təzə doğulmuş əlli-altmış yaşlı bu televiziya ulduzlarının verilişlərinə üzdəniraq qonşularımz, yəni ermənilər də baxırlar və bizə gülürlər.Yəni bunların savadsızlığı, heyvərəliyi, heyvanlığı erməniləri bizim millətiə güldürür. Bu qırışmallar deyirlər ki, guya Mirzə Əlil erməniləri azərbaycanlılara güldürür. Yalançının lap…  Qurban olasınız dövlət komitəsinə, yoxsa demişdim… Mirzə Əlil televizora çıxmır axı erməniləri də güldürə…

Deyilənlərə görə, bu günlərdə iki erməni Ramiz Mikayılova və Elsevər Məmmədova baxa-baxa o qədər gülüblər ki, axırda qarınları partlayıb. Elsevər Məmmədov hətta Bakıya məktub yazıb Zakir Həsənovdan tələb edib ki, ona “İgidliyə görə” medalı versin. Zakir müəllim cavab verib ki, əyə, qələt eləmə, ermənilər koronavirusdan ölüblər…

Hörmətli Dövlət komitəsi!

Mirzə Əlil (Dövlətəlil) sizdən acizanə xahiş edir ki, bunların verilişlərini bağlatdırasınız, ya da bunları heyvanlıq səviyyəsindən qaldırmaq üçün Bakıda kurs açasınız…Bəlkə döyə-döyə bunlara bir abır-həya öyrədəsiniz…

Qorkinin bir İtaliya nağılı var. Yerli qadının eybəcər uşağına baxan xaricilərdən biri nə isə deyir. Ana həmin sözləri yadında saxlayır və dil bilən birinin yanına gedib onların mənasını soruşur. Dilbilən tərcümə edir: “Они значат: Италия вымирает впереди всех романских рас”. Yəni İtaliya bütün  Roma irqlərindən qabaq  məhv olub gedir”.

Səhəri gün eybəcər uşaq ölür…

Bəlkə də ana öz uşağını öldürür…

Yəni İtaliyanın şərəfi bu sadə arvad üçün oğlunun canından əziz olur.

İnd özünüz fikirləşin…

Mirzə ƏLİL (Dövlətəlil)

19.05. 2020. Samara

MƏHƏRRƏM ƏLİYEVİN ƏSGƏR GETMƏKLİYİ

Стандартный

məhərrəm_əliyev.jpg

Məhərrəm Əliyevin hərbi işlər üzrə prezident köməkçisi təyin edilməyini onun doğma kəndi Maxtada bir az yanlış başa düşüblər, yəni kənd adamları, xüsusən arvadlar yanlış başa düşüblər. Onlar elə biliblər ki, prezident İlham Əliyev onu əsgər çağırıb və bu gün-sabah göndərəcək Qarabağa. Və Maxta arvadları kəndin şadlıq evinə yığışıb bir şivən qoparıblar ki, səsləri gedib Ermənistana gedib çatıb. Ermənilər də fikirləşiblər ki, yəqin Vasif Talıbov dünyasını dəyişişib.

Maxta arvadları isə üz-gözlərini cıraraq ağlaşıblar:

— Məhərrəm müəllimi saldat aparacaqlar, vay!

— Məhərrəm müəllimi uçtel aparacaqlar, vay!

— Məhərrəm müəllimi nadzor aparacaqlar, vay!

— Ay Məhərrəm müəllim, kaş sən elə sovetin vaxtında əsgər gedəydin! O vaxt əsgərliyini çəksəydin, indi İlham Əliyevin sənə gücü çatmazdı!

— Ay qız, Məhərrəm müəllimi saldat göndərən İlham Əliyev deyil, Mehriban xanımdır. Biz naxçıvanlıları onun gözü götürmür!

— Ay Məhərrəm müəllim, sən heç institut da qurtarmamısan, il yarım gedirsən, bacın qurban!

— Ay qız, necə institut qurtarmayıb? Sovetin institutunu qurtarmamışdımı?

— Ay qız, o institut qiyabi idi, yalançı institut idi, kimdi onu sayan?

— Ala gözlü Məhərrəm,
Şirin sözlü Məhərrəm.

Görüm heç yarımasın,

Səni əsgər göndərən…

— Ay qız, ürəyimin başı soyuldu. Dayan, birini də mən deyim.

— Enli kürək Məhərrəm,
Yoğun bilək Məhərrəm.

Bizə Qarabağda yox,

Burda gərək Məhərrəm.

— Ay Məhərrəm müəllim, sən yetmiş yaşında tüfəng atmağı necə öyrənəcəksən? Ay zalım dünya! Ətirli yorğan-döşəyə öyrəşən insan, indi səngərdə nə qayıracaq!

— Ay qız, deyirəm çörək tapmayan qədər kasıb-kusub var ki, özləri Allaha yalvarırlar ki, uşaqları əsgər getsin, hökumətin çörəyini yesin. Niyə bizim Məhərrəm müəllimdən yapışıblar, onun çörəyini iranlılara versın, küçələrdən yığışarlar.

— Özü də halal çörək. Məhərrəm müəllim həmişə halal yeyib…

Beləcə Maxta arvadları bir neçə saat ağlayıb-sızlayıblar. Şama yaxın onları axtarıb Şadlıq sarayında tapan ərləri başa salıblar ki, Məhərrəm müəllim əsgər getmir, onu bütün əsgərlərin böyüyü qoyublar…

Deyilənə görə, arvadlar ordan qalxıb məscidə gediblər, nəzir verib Məhərrəm müəllimin canına dua elətdiriblər…

Biz də Məhərrəm müəllimin əziz canına dua eləyirik, öz başımıza isə kül sovururuq.

O ki qaldı ermənilərə, kirvələr indiyəcən çaş-başdırlar, bilmirlər Maxtada arvadlar niyə ağlayırmış, Vasif  Talıbov dünyasını dəyişib ya ayrı bir şey olub. Geci-tezi ancaq biləcəklər Məhərrəm Əliyevin hərbi müşavir təyin olunmağını. Onda yüz faiz şalvarlarını isladacaqlar.

Gülməkdən…

Mən Mirzə Əlil isə şəxsən belə fikirləşirəm ki, daha Azərbaycanla Ermənistan arasında müharibə olmayacaq. İlham Əliyev özü Ermənistanın rəhbəriylə vuruşacaq. Yəni yumruq davası olacaq. Qoyacaqlar bir-birlərinin ənginə.  Ona görə Məhərrəm Əliyevi özünə köməkçi götürüb. Çünki Məhərrəm Əliyev hərbiçi olmasa da, polis olub, yumruq davasından başı yaxşı çıxır…

Mirzə ƏLİL

30.11. 2019, Samara

“DƏRYADA OYNAYIR NUHUN GƏMİSİ…”

Стандартный

BƏY TƏRİFİ.jpg

Məni çoxdan tanıyanlar tez-tez deyirlər ki, Mirzə, nahaq səsinə qiymət vermədin, oxumağı atdın. Yoxsan indiyəcən xalq artisti olmuşdun, prezident təqaüdü alırdın, “Mirzə Əlil segahın” dillər əzbəri olardı…

Bura bir dəfə Mirələm Mirələmov gəlmişdi, “mən ölüm” vurub məni oxutdurdu, heyran qaldı. “Mirzə, dedi, sən bu səslə niyə toylara getmirsən? Millət yazıq olur axı!”

Dedim oğul, mən toylara bir şeyə görə getmirəm: bəy tərifindən xoşum gəlmir. Nə bilim “ay tazə bəy”, “gözəl bəy, qəşəng bəy”. Bəlkə bu qırışmal iki gündən sonra gəlinin qabırğlarını sındıracaq, ya beş aydan sonra boşayacaq. Mən bəy tərifinin əleyfinə deyiləm, ancaq gərək bəy toydan bir-iki il keçəndən sonra təriflənə, yəni gərək tərifə layiq ola.

Mirələm dedi Mirzə, mən səninlə min faiz razıyam, ancaq millət qaydanı bu cür qoyub, nə qayıraq…

Hərdən özümlə bacarmıram, açıram YouTube-u, bəy təriflərinə baxıram. Birinə bu gün baxdım. Toy necə toy idisə, arvad yox idi. Heç-heçə qurtaran kubok oyunlarında onbirmetrlik vurulanda çiyin-çiyinə duran futbolçular kimi bəylə onun başına yığılanlar sıraya düzülüb durmuşdular. Bəy özü oxuyan oldğuğundan, toyda iyirmi-otuz xanəndə vardı, növbə ilə bəyi tərifləyirdilər.

 

“Ürəyində nə arzun var ay tazə bəy

Belə ilahidən keçsin dövrana balam uyyamman

Bizim bu diyarımız toylar diyarıdır  eyyy amman eyy yamman eyyy…

Mən aşiqəm boyyyuna uy aman
İnşalla gələk oğlunu kiçi toyyyyyuna uyyamman

Gitara : dııyy vııyyy qıdıyyyvıdııyyy…”

 

 

“Əhsən o gözəl xaliqə ki,

İki gözəl cavanı yaradıbdır nurani

Uyyy amannn…”

 

“Tikilib toyxana bir say kimi eyyy eyyy

A bəy, məclisinə sonalar gəlir… vuy, vuy. ıyyy

Gitara: dıyyy dıyyy…uyyy vıyyy…”

 

“Ay bəy atası

Zimistanı bahar olsun

Heyy-heyy ayar –ayar ayyyyhahahahaha

Qarmon: qırrrrrr qurrr…”

 

“Gəlinin gül üzə-üzə
Qədəm qoysun evinizə huy-huy vay-vay day-day-day

Qarmon-qıırrrrrrrr…”

 

“Dələy-dələy-dələy yar aman-amannn  ha-hah-ha-ha  he-he-he…

Qarmon: qırrrrrr

Könlüm quşunu şikar eylədin…

Hü-hü-hü-hü-hü

Can səni istər hahahahahahahhehehehe

Skripka: hıyyyyyyyyyvıyyyyy…”

 

“Hər bağın hər bağçanın bir bülübülü-şeydası var hahahaha hihihihi

Skripka: dıdıydııhıydı…

Hər duyan qəlbin əzizim ihiiiihiih uhuhuh

Skripka : vıyıvıydıyyy…

Yar haayahayhayhahay…”

 

“Biri gül qönçəsidi biri bülbül …uy amman vuyyy eeeeheeehehehehiiii

Gitara: dırrrr

Ay doğsun, aydın olsun…

Gitara: dırrrrrr

Gözzəriniz aydın olsun….eyyeeyyeeyeuyyuyuy

Düşməyəsən bir böhtana tazə bəy ax vax eyeyyyaycandadibidad

Gitara: dıyyyyyy….”

Sonra gəldi “Dəryada oynayır Nuhun gəmisi…”

Daha sonra bir-bir ad çəkib başladılar pul yığmağa…

Xanəndələr bir kəlmə oxuyan kimi kişilər bir-birlərini marçamarçla öpürdülər, öpüşməkdən dodaqları elə şişmişdi ki, elə bil plastik əməliyyat elətdiriblər…

Xanəndələr o qədər inildədiyirdilər, o qədər ah-uh eləyirdilər, o qədər “aman-aman”, “yazıq oldum” deyirdilər ki, elə bil bəyi müharibəyə yola salırlar…

Hamısı da xaric oxuyurdu: konservatoriya məzunları, laureatlar, prezident təqaüdçüləri…

İnternetə baxıb gördüm ki, bəy haqqında məqalə var. Prezident təqaüdü alır. Boşanıb…

O qədər təriflərdən sonra…

Yəqin o vaxtdan bir neçə dəfə də evlənib, təriflənib.

Tazə bəy…

Yox, bu toylar mənlik deyil…

29. 08. 2019

Samara

«SƏNİ MƏNƏ VERMƏZƏR?» QIRIŞMAL, XALQIN GƏLİNİNİ KİM VERƏR SƏNƏ?

Стандартный

SARI GƏLİN.jpg

Hər dəfə “Sarı gəlin” mahnısını eşidəndə, Məşədi İbad demişkən, halım pərişan olur. Deyirəm birdən qeyrətli Azərbaycan oğullarından birini qeyrət boğar, cin vurar beyninə və bu oxuyanı salar təpiyinin altına.

Vallah, hə…

Mən bu mahnını Salyanda heç vaxt eşitməmişəm. Aşıq Pənah rəhmətlik Lenindən, kolxozdan, partiyadan, Kür çayından, kürüdən oxuyardı, ancaq bu “Sarı” gəlin mahnısını yox. Çünki hər salyanlı iki bıçaq gəzdirir, biri cibində, bir çəkməsinin boğazında. Ona görə bu mahnının Salyanda elə bir dəfə oxuyardın, özü də yarısınacan, birinci bəndi bitirməmiş başını bədənindən ayırardılar.

Bu mahnını Bülbül oxumayıb, Xan oxumayıb, Rəşid Behbudov oxuayıb. Dəli deyildilər ki, oxuyalar. Canlarından bezçəmişdilər ki. Bu mahnını oxuyandan sonra onlar Bakının küçələrinə necə çıxardılar?

İndi özünüz fikir verin. Mahnının adı “Sarı” gəlindir. Sarı —  gəlinin rəngidir. Yəni bu gəlin göyçəkdir, ifadəmə görə dönə-dönə üzr istəyirəm. “Gəlin” isə ərli cavan qadındır. Yəni qız uşağı deyil, dul arvad da deyil. Bu sarı göyçək xanımın əri var, əri olmayana “gəlin” deməzlər. İndi bizim oxuyan üzünü tutub bu ailəli qadına, deyir “Səni mənə verməzlər”!

Fikrim çatdı sizə?

Ay haramzada, necə verərlər ya verməzlər? Sən xalqın kəbinli arvadını başdan çıxarmaq istəyirsən, özü də deyirsən “verməzlər”? Verməzlər mədir, şəkililər demişkən, ha indi sənin dilini boğazından çıxarmazlarmı? Ha indi sənin qol-qabırğanı sındırmazlarmı?

Ay haramzada, sən bəs canından bezmisən ki, xalqın gəlininə mahnı oxuyursan? Gəlinə mahnı oxuyar qayınatası, qayıanası, ya qanuni əri. Sən gəlib durmusan xalqın qapısında, xalqın namusuna, qeyrətinə sataşırsan. Ha indi sənin ağzın cırılmalı deyilmi?

Allah, sən özün saxla!

Millət necə xarab olub gedib! İndi bəlkə elə Salyanda da təzə aşıqlar bu abırsız mahnını oxuyurlar. Hanı Salyanın qoşa bıçaqlı qoçuları? Ay qoçu Səmid, hardasan! Qeyrət getdi!

Hərdən öz-ğözümə fikirləşirəm ki, bəlkə bu, ermənilərin fitnəsidir. Yəni bəlkə onlar bizə bu mahnını qəsdən oxudurlar, özü də acığa salırlar ki, səhərdən axşamacan oxuyaq. Bunu edirlər ki, sonra bizə yüksək tribunalardan gülsünlər, desinlər ki, bunlar bir- birlərinin gəlinlərinə mahnı oğuyurlar…

Allah onların cəzasını versin, bizə hər bəla onlardan gəlir…

Mirzə Əlilin də, özünü tərifləmək olmasın, babat səsi var. Düzdür, toya-zada getmirəm, çünki pula ehtiyacım yoxdur, ancaq  Volqanın qırağında xəlvətə çəkilib xalqımızın gözəl mahnılarını zümzümə edirəm. Ancaq “Sarı gəlini” oxumuram. Çünki burda erməni çoxdur. Qorxuram oxuduğum yerdə biri kolun dibindən çıxa, və özünü meymuna oxşadıb deyə: “Kirvə, nə gəlin? Kimin gəlini?”

Şeytana min lənət!

MİRZƏ ƏLİL

28.08. 2019

Samara

PREZİDENTİN TAPŞIRIĞI VƏ PETROVİÇİN QAPAZI

Стандартный

Möhtərəm Azərbaycan prezidenti, birinci vitse-prezident Mehriban xanımın əri İlham Əliyev həmişə deyir ki, gərək xaricdəki azərbaycanlılar yaşadıqları ölkənin əhalisinə ermənilərin işğalçılıq siyasətini izah etsinlər, yəni çatdırsınlar ki, bu vələdəzzina ermənilər Azərbaycanın dörddə birini işğal ediblər, qaytarıb vermək fikirləri də yoxdur.

Rusiyanı, əlbəttə, əsil xaric saymaq olmaz, ancaq yalan-doğru xaricdir, buna görə mən də xaricdə yaşayan sayılıram. Mən də möhtərəm birinci vitse-prezidentin ərinin dediyi barədə çox düşündüm. Bir anlığa təsəvvür etdim ki, mən ağdamlıyam (kəlbəcərliyəm, şuşalıyam, zəngilanlıyam, laçınlıyam…). Əlbəttə, mən ağdamlı ola bilmərəm, yaradan özü ağdamlılıq səadətini mənə qıymaybsa, nə deyə bilərəm… Mən bunu ancaq bir anlığa təsəvvür elədim. Və təsəvvür elədim ki, çoxdankı tanışım Petroviçlə oturub söhbət edirik. Birdən özümü cəmləşdirib səsim tutula-tutula deyirəm:

  • Petroviç, Allahdan gizli deyil, səndən nə gizlədim. Mən sənə bir sirr açmaq istəyirəm.

Petrovoviç də birdən-birə canlanır, rəngi açılır.

  • Aç, a kişi, de gəlsin. Hamının sirri var. Mən şəxsən o qədər pozğunluqlar eləmişəm ki…
  • Petroviç, mənim başıma gələn əhvalat bilmirəm pozğunluqdur ya yox. Ancaq deyəcəyəm. Bil və agah ol: Mənim vətənim Ağdamı ermənilər işğal ediblər…

Bunu eşidəndə Petroviçin rəngi boğulur, mənə əyri-əyri baxır və birdən ikiəlli başıma elə bir qapaz salır ki, gözlərimdən od çıxır.

  • A kişi, mən hər cür pozğunluq eləmişəm, ancaq sən deyən lap binamusluqdur. A kişi, sənin vətənin işğal olunubsa, get əlinə silah al, silah tapmasan, daş götür, ağac götür, get işğalçıların üstünə. Vətənin işğaldadırsa, sənin burda nə ölümün var? Üzünə deyirəm, Mirzə, səndən zəhləm getdi…

Və bu səhnəni gözümün qabağına gətirəndən sonra başa düşdüm ki, biz xaricdə yaşayan azərbaycanlılar gərək işğal olunduğumuzu, qırıldığımızı, qovulduğumuzu gərək xarici ölkələrdə gizlədək. Ağzımızdan çıxarsaq, biabir olarıq.

Ay ağdamlıılar, füzulililər, qubadlılılar, zəngilanlılar, şuşalılar, kəlbəcərlilər! Rusiyada heç kimə deməyin ki, vətəniniz işğal olunub. Desəniz, başınıza yağlı qapaz vuracaqlar.

Yoxsa xətrinizə qapaz düşüb?

 

Mirzə Əlil

06.04. 2017

Samara

GÖRKƏMLİ YAZIÇI VƏ DÖVLƏT XADİMİ NƏRİMAN NƏRİMANOVUN DOĞUM GÜNÜ

Стандартный

Nariman_Narimanov_taken_in_1913Nəriman Nərimanov 1913-cü ildə

Nərimanov Nəriman Kərbəlayi Nəcəf oğlu (14 aprel 1870, Tiflis,  mart, 1925, Moskva, Rusiya) — ictimai-siyasi xadim, yazıçı, publisist, Azərbaycan SSR-in ilk dövlət və hökumət başçısı, Sovet Sosialist Respublikaları İttifaqının ilk dövlət başçılarından biri, SSRİ MİK-in Sədri (1922-1925).

 O, bir maarifpərvər və dramaturq-yazıçı kimi Azərbaycan tarixində mühüm rol oynamış, ilk qiraətxananı açmışdır. Ədəbiyyatçı kimi Azərbaycan milli romanının («Bahadır və Sona») və ilk tarixi faciənin («Nadir şah») banisi kimi qalır.

 Nəriman Nərimanov 1870-ci ildə Tiflis şəhərində anadan olmuşdur. 1890-cı ildə Qori seminariyasını, 1908-ci ildə Novorossiysk (Odessa) Universitetinin tibb fakültəsini bitirmişdir.

1905-ci ildə Sosial-Demokrat «Hümmət» təşkilatınnın rəhbərliyinə daxil olmuş, Rusiya Sosial-Demokrat Fəhlə (bolşeviklər) Partiyasının (RSDF(b)P) məramnaməsini azərbaycan dilinə çevirmişdir. 1909-cü ildə həbs olunaraq Həştərxan şəhərinə sürgün edilmişdir.

1913-cü ildə Bakıya qayıdan Nərimanov fəhlələr arasında təbliğatla məşğul olmuşdur.

Artıq 1917-ci ildə N.Nərimanov «Hümmət» Təşkilatı Mərkəzi Komitəsinin sədri və RSDF(b)P Bakı Komitəsinin üzvü, «Hümmət» qəzetinin baş redaktoru idi.

1918-ci ilin martında Nərimanov Bakı Sovetində şəhər təsərrüfatı üzrə xalq komissarı təyin olunur. Həmin ilin iyun ayında ağır xəstəliklə əlaqədar olaraq Həştərxan şəhərinə müalicəyə göndərilir. Sağaldıqdan sonra həmin şəhərdə bir sıra partiya orqanlarında çalışır. Nərimanov 1919-cu ildə Moskvaya çağırılaraq RSFSR Xalq Xarici İşlər Komissarlığında (XİN) Şərq məsələləri üzrə Xalq komissarının müavini vəzifəsinə təyin edilir.

28 aprel 1920-ci ildə Azərbaycan Xalq Cümhuriyyəti süqut etdikdən və Azərbaycan SSR elan edildikdən sonra N.Nərimanov Azərbaycan SSR Müvəqqəti İnqilabı Komitəsinin Sədri və Xalq Komissarları Sovetinin Sədri vəzifəsini tutur.

1922-ci ildə SSRİ yarandıqdan sonra SSRİ Mərkəzi İcrayyə Komitəsinin sədrlərindən biri seçilir. Nərimanov 1925-ci ildə müəmmalı şəkildə ölmüş və Moskvada Kremlin divarları yaxınlığında dəfn edilmişdir.

vikipediya

«Nadir şah» faciəsi burda: http://www.azadliq.org/content/article/3554851.html

29 MART — MİLLİ QƏHRƏMAN ETİBAR İSMAYILOVUN DOĞUM GÜNÜ

Стандартный

ETİBAR

29 mart 1964-cü ildə Ağcabədi rayonunun Hindarx kəndində anadan olmuşdur. 1981-ci ildə burada məktəbi bitirmişdir. 1990-cı ildə o erməni vəhşilikərinə tab gətirə bilmir və könüllü müdafiə batalyonlarından birinə yazılır.

Bir neçə batalyonda vuruşan Etibar Ağdam batalyonuna yazılır. O, kəşfiyyata gedər mühüm məlumatlar əldə edərdi. 1994-cü il 4 yanvar Etibarın tərkibində olduğu tabor yeni tapşırıq alır: Xocavənd rayonunda mövqe tutan erməni qəsbkarlarının arxasına keçmək və məlumat əldə etmək…bu əməliyyat yerinə yetirilərkən onlar mühasirəyə düşürlər, Etibar döyüşçü dostlarını xilas etmək üçün əlindəki sonuncu qumbaranı sinəsinə sıxaraq özünü tankın altına atır, erməni faşistlərinin tankı ekipajla birlikdə məhv edilir.

Etibar İsmayılovun şəhid olmasından sonra onun qəhrəmanlığına aid çoxlu şeirlər, dastanlar yazılmışdır.

Subay idi.

Azərbaycan Respublikası prezidentinin 5 yanvar 1994-cü il 86 saylı fərmanı ilə İsmayılov Etibar Bəylər oğluna ölümündən sonra «Azərbaycanın Milli Qəhrəmanı» adına layiq görülmüşdür.

Cəsədi döyüş meydanında qalmışdır.