Tag Archives: Zakir Həsənov

«ÖN CƏBHƏ» HARDADIR? HİKMƏT HACIYEV ARVAD YERİNƏ GEDİB?

Стандартный

Hacıyev_Hikmət

Dövlətsevər Azərbaycan jurnalistləri xəbər verirlər ki, “prezidentin köməkçisi Hikmət Hacıyev ön cəbhəyə gedib”.

Gözəl xəbərdir! Oxuyanda adamın iştahı açılır. Mən əminəm ki, Tofiq Yaqublu da bu xəbəri eşidəndə bərk acıyıb, aclığı pozmaqdan özünü güclə saxlayıb.

Vallah, Aynur Camalqızının dediyi kimi, göz yaşlarıma hakim ola bilmədim…

Sizdən nə gozlədim, iştahım açılsa da, yeməyə bir şey tapmayıb bir az soyudum. Soyuq başla fikirləşəndə gördüm burda nəs fırıldaq var. Necə yəni “ön cəbhə”?  Cəbhə müharibədə olar. Məgər Azərebaycan Ermənistanla müharibə eləyir?

Yaxşı, deyək ki, eləyir. Və ön cəbhə də var. Bəs niyə Lerikin, Masallının, Salyanın, Şamaxının, Qubanın, Tərtərin kasıb uşaqları ölümə gedəndə demirsiniz onlar “ön cəbhəyə” gedirlər?

A binamus kişilər və qadınlar! Yaxşı, sizin qeyrətiniz yoxdur, bəs insafınıza nə gəlib?

Elə Hikmərt Hacıyev əyninə hərbi paltar geyən kimi ayağının qoyduğu yer “ön cəbhə” oldu?

Başa düşürük ki, bu  “ön cəbhə” Paşinyanın arvadına cavabdır. Yəni əslində Hilmət Hacıyevi “ön cəbhəyə” arvad yerinə göndəriblər. Ancaq Paşinyanın arvadını bütün Ermənistan tanıyır.

Hikmət Hacıyevi Azərbaycan əsgəriu tanıyırmı?

Hikmət Hacıyev əsgərlərə nə danışacaq?

Özünün “cəbhədə” göstərdiyi şücaətlərdən? Belə şücaətlər var?

Ya əlahəzrət prezidentin atalıq qayğısından?

Azərbaycan əsgəri gözünü dünyaya açandan bu qayğı söhbətini eşidir və bilir ki, yeganə imtiyazı ölmək və Zakir Həsənodan ölümündən sonra üçüncü dərəcəli dəmir medal almaqdır…

Hikmət Hacıyev ön cəbhədə…

Güldürün erməniləri bizə…

Mirzə ƏLİL

13.09. 2020, Samara

ERMƏNİ BİZİ MƏLƏDİR, BİZ AMERİKALINI, AVROPALINI İŞƏDİRİK. GÜLMƏKDƏN…

Стандартный

2

Azərbaycanlıların dünyanın müxtəlif ölkələrində keçirdiyi aksiyalar mənə səyyar sirk tamaşalarını xatırladır. Bircə şeyi başa düşmürəm: niyə mənim həmvətənlərim onlara tamaşa edənərdən pul yığmırlar. Axı Puşkin özü deyib ki, sənət satılmır, ancaq tamaşaya bilet satmaq olar və lazımdır da.

Mən yüz faiz arxayınam ki, məsələn, kanadalılar məsələnin nə yerdə olduğunu başa düşsələr, gülməkdən qəşş edəcəklər ə daha “Günəş sirki”nə gedən olmayacaq, elə bizim millətdən xahiş edəcəklər ki, küçəbəküçə gəzib onlara kef versinlər.

Özünüz baxın: azərbaycanlılar böyürə-böyürə düşüblər Los Ancelesin, Vankuverin, Prahanın, Belinin küçələrinə ki, dədəm vay, ermənilər bizi mələdir. Ancaq o şəhərlərin ölkələri bilsələr ki, Azərbaycanın əhalisi Ermənistanın əhalisindən üç yarıım dəfə çoxdur, qəhqəhə çəkəcəklər. Biləndə ki, Stokholm tədqiqat institutunun (SİPRL) məlumatına görə 2009-cu ildən 2018-ci illər arasında Azərbaycanın hərbi xərcləri 24 milyard dollar, Ermənistanın hərbi xərcləri 4 milyard dollar təşkil edib, gülməkdən yıxılacaqlar. Biləndə ki, “2016-cı ildə İlham Əliyev deyib  Azərbaycan İsraildən 4,85 milyar dollarlıq silah alıb.İsrailin silah ixracının 17 faizi Azərbaycanın payına düşür”. – qəşş edəcəklər…

Hələ onlar bizim generalları görməyiblər! Yoğun boyunlarından gündəyməzlərinə qədər orden və medal asmış generalları! Əslində gərək dünya şəhərlərinin küşələrində aksiyaları o generallar keçirəydilər, o generallar yoğun qarınlarını tuta-tuta, orden-medallarının cingiltisi şəhəri başına götürə-götürə küçəbəküçə qaçaydılar!

Ah, pandemiyadan yorulmuş amerikalılar, kanadalılar, avropalılar necə də məzələnərdilər…

Hələ onlara silahların siyahısını göstərin, gülməkdən şortlarına işəyərlər:

 

Tanklar: Az-314-750; Erm.: 100-166

Zirehli maşınlar. Az.: 1100-1500; Erm.: 140-636

Artil.: Az.: 240-469: Erm.: 150-240

Döyüş vertolyotları. Az.: 18-84;  Erm.: 15

 

Belə-belə işlər…

Təəssüf ki, başqa ölkələrdə “xalq artisti”, “Əməkdar artist”, “xalq şairi” kimi adlar yoxdur. Yoxsa bizim çoxlu həmətənimiz indi Kanadanın, Amerikanın, Çexiyaın, Almaniyanın xalq artisti, əməkdar artisti olardı…

Ermənilər nə qədər ki, bizi mələdiblər, biz də amerikalıları, avropalıları işədəcəyik…

Gülməkdən…

 

Mirzə ƏLİL

26.07.2020, Samara

SALUR QAZAN AYDIR: LAZIM GƏLƏNDƏ GEDƏRƏM…

Стандартный

1

Bu yaxınlarda Azərbaycan tarixi, ədəbiyyatı və mədəniyyəti üçün fövqəladə hadisə baş verdi: “Kitabi-Dədə Qorqud” dastanının indiyəcən məlum olmayan üçüncü nüsxəsi Monte Karlo şəhərindən tapıldı. Maraqlıdır ki, bu nüsxədəki qollar məzmunca  Drezden və Vatikan nüsxələrindən xeyli fərqlənir.Bu fərq xüsusən “Salur Qazanın evi yağmalandığı boyu bəyan edər “qounda xüsusən aydın görünür.

Monte Karlo nüsxəsində bu boy Qazan xanın kef məclisinin təsvuriylə başlayır. Xan bir həftə dalbadal başının dəstəsiylə o qədər içir ki, axırda başını dəm ağrısı tutur. Yeri gəlmişkən, bu qolu diqqətlə oxuyanda görürsən ki, Qazan xan alkoqolik, yəni içki düşgünü olub. Bəli, Salur Qazan görür ki, başı çatlayır, dəmini dağıtmaq üçün qərara alır ki, ova çıxsın. Qazan xanın ova çıxmağını casuslar kafir Şöklü Məliyə xəbər verirlər, Şöklü Məklik də qoşunuyla gəlib Qazan xanın evini yağmalayır, adamlarını, o cümlədən qarı anasını və arvadı Boyu uzun Burla xatunu əsir aparır.

Qaraca çobanın da Şöklü Məliyin adamlarını sapandıyla qırmağı elə Drezden və Vatikan boylarındakı kimidir. Fərq Qazan xanın qayıtmağından sonra başlayır. Qaraca çoban baş verənləri Salur Qazana danışır və deyir ki, ağam Qazan, durma, gedək, sən ananı, arvad-uşağını Şöklü Məlikdən al, mən də qardaşımın qanını alım.

Salur Qazan deyir ki, yol məni yorub, qarnım da acdır, bir toğlu kəs, bişir yeyim, sonra gedərik. Salur Qazan toğlunu yeyir, yenə bir tuluuq şərab vurur, yıxılır böyrü üstə. Qaraca Çobanı ağlaya-ağlaya deyir ki, ağam Qazan, getmək vaxtıdır, yatmaq vaxtı deyil. Salur Qazan deyi ki, yixusuz mən ata minə bilmərəm, yolda yuxu tutar, atdan yıxılaram. Yuxumu alım, sonra gedərik. Bu yatmaqla üç gün, üç gecə yatır. Ayılan kimi yenə Qaraca Çobandan quzu kababı istəyir. Qaraca Çoban deyir ki, ağam Qazan, axı sən getməsən, Şöklü Məlik Boyu uzun Burla xatunu zad eləyər, şey eləyər. Salur Qazan deyir ki, axmaq-axmaq danışma, sən çobanlığınla mənə qeyrət-namus öyrədəcəksən? Zad eləyəndə eləyəcək də, ind mən nə qayırım? Mən Napoleonam? Mən Kutuzovam? Mən Zakir Həsənovam? Mən onlar kimi sərkərdə olsaydım, elə indicə durub gedərdim. Mən onlar kimi sərkərdə deyiləm, ona görə gərək lazımı gözləyəm.  Lazım gələndə durub gedərəm. Hələ lazım gəlməyib.

Qaraca Çoban soruşur ki, ağam Qazan, o lazım nədir, kimdir? Salur Qazan deyir ki, sən yemək işinə bax, lazım gələndə özün görəcəksən…

Bu əhvalatdan xəbər tutan adlı-sanlı oğuz bəyləri gəlib Salur qazana yalvar-yaxar eləyirlər ki, düşsün qabağa, getsinlər kafir Şöklü Məliklə haqq-hesab çəksinlər. Salur Qazan bəylərə də deyir ki, gedərik, ancaq lazım gələndə. Bəylərin ağzını yummaq üçün hər birinə orden verir, general rütbəsi verir, qızıl alaçıq verir. Təzədən bir neçə boynu uzun qız alır, Burla Xatun yaddan çıxır. Əvvəlcə Dədəm Qorqud orda-burda Salur Qazandan tənqidi danışır, ancaq xalq artisiti adı və xan təqaüdü veriləndən xalq arasında təbliğat aparır ki ən yaxşı, ən müdrik qərar – lazımı gözləməkdir…

Gedimlü-gəlimlü dünya,
Həmişə lazımlu dünya…

Mirzə ƏLİL

22.06. 2020, Monte-Karlo — Samara

ANS PRESSDƏKİ BİNAMUSLAR! ŞƏHİD QANI SİZİ TUTSUN!

Стандартный

-ELMİR ZEYNALOV

Azərbaycan mətbuatında verilən məlumata görə, fevralın 12-də qoşunların təmas xəttində Ermənistan silahlı qüvvələri tərəfindən növbəti dəfə atəşkəs rejiminin pozulması nəticəsində hərbi qulluqçumuz kiçik çavuş Zeynalov Elmir Sərxan oğlu şəhid olub.

22 yaşlı şəhid bu gün Goranboy rayonu Əhmədabad kəndində dəfn olunacaq. O, Azərbaycan silahlı qüvvələrində müddətdən artıq hərbi xidmət keçirmiş. 

Elmir Zeynalov ailənin yeganə oğlu olub. Ailəli olmayıb.Onun əmisi isə 1992-ci ildə şəhid olub. 

Deyirlər ki, guya müdafiə naziri Zakir Həsənov nazir balalarını da hərbi xidmətə çağırır. Ancaq göründüyü kimi, ölənlər kndli, kasıb balalarıdırlar.

Daha bir vacib şey: ANS Press şəhid əsgərin bir neçə şəklni, həmçinin dəfn yerindən şəkillər yayıb. Şəkillərin hamısına, şəhidin də sinəsinin üstündən ANS Press-in loqosu basılıb. Kasıb uşaqları canlarının verirlər, valideynlərinin ürəyinə dağ çəkilir, ANS Prüss-dən olan binamuslar isə reklam hayındadırlar. Ən hiddətləndirici odur ki, əsgərin şəklini onlar çəkməyiblər, yəqin ki, sosial şəbəkələrdən götürüblər…

Heç bir ölkə mətbuatında belə şey yoxdur. Ölünün, hətta şəhidin xatirəsini təhqir etmək adəti Ancaq Azərbaycanda normadır. Sütül uşaqıar canlarını versinlər, bunlar da onların şəklinə batmış adlarını bassınlar, elə bil heyvan cəmdəyinə veterinar möhürü vurulur…

Ar olsun…