Tag Archives: sentyabr döyüşləri

ŞƏHİDLƏRİMİZ: GÖYÇAYLI İNTİQAM ŞIXƏLİYEV

Стандартный
ŞƏHİDLƏRİMİZ: GÖYÇAYLI İNTİQAM ŞIXƏLİYEV

İntiqam Şıxəliyev

Göyçay rayonunun Potu kəndindən olan hərbçimiz İntiqam Bəxtiyar oğlu Şıxəliyev 27 sentyabr 2020-ci ildə Azərbaycan ərazisinin işğaldan azad olunması uğrunda gedən döyüşlərdə həlak olub.

Allah rəhmət eləsin!

intiqam 2

 

intiqam

ŞƏHİD ŞƏKİLLƏRİYLƏ ALVER

Стандартный

Qənimət ZAHİD

“Azadlıq” qəzeti gedən döyüşlərdə həlak olan əsgər və zabitlərin şəkillərini öz FB səhifəsində yerləşdirir və yaxşı eləyir. Şəklin altında şəhid haqqında qısa məlumat var ki, bu da yaxşıdır. Şəklin sağ qırağına isə “Azadlıq qəzeti” yazılıb ki, bu, heyvanlıqdır. Yəni, bu yazı “trade mark”, “əmtəə nişanı” kimi bir şeydir və şəklin Azadlıq qəzetinə məxsus olduğunu göstərir.

Ancaq şəkil “Azadlıq” qəzetinə məxsus deyil. Şəkli «Azadlıq» çəkməyib. Şəklin qırağına onu çəkən fotoqrafın ya da fotoqrafın işlədiyi şirkətin, mətbuat orqanının adı yazıla bilərdi, hərçənd şəhidin şəklində bu da yersizdir və hətta heyvanlıqdır. “Azadlıq” qəzeti şəklin başqaları tərəfindən mənimsəniləcəyindən, oğurlanacağından ehtiyat edir? Şəhidin şəkilini kimsə götürüb paylaşacaqsa, bu, savab deyilmi? Bu şəkildən kim mənfəət əldə edəcək? “Azadlıq” qəzeti özü bu şəkli hansı şəbəkədənsə götürüb, yəni özü “oğurlayıb”, şəklin qırağına adını yazmaqla oğurluğu boynuna götürür.

«Azadlıq» qəzei yalnız özü çəkdiyi şəkillərə öz adını yaza bilər. Məsələn, Qənimət Zahid şəhid olsa və onun redaksİyada çəkilmiş şəkli qalarsa, bu şəkli qəzetin adıyla çap eləmək olar. Mİrzə Əlil tərəfdən etiraz yoxdur…

2016-cı ildə Haqqın.az, APA, ANS, Meydan TV şəhid şəkillərinin düz sinəsinə öz adlarını yazırdılar. Mən onların hamısına söyüş göndərirdim və yazırdım ki, “əzizləriniz ölsün”. Bu, bu bizim kəndin ənənəvi qarğışıdır və yaxşı ənənələri qorumağı özümə borc bilirəm. Bilmirəm, mənim qarğışım onlara çatdı ya çatmadı, ancaq sonralar şəhid şəkilləriylə bir az abırlı davrandılar.

«Azadlıq» qəzetini çıxaranlar hava udub dolanmırlar, çörək yeyirlər, bu çörəyin pulunu kimdənsə, hardansa alırlar. Əyinlərinə yaxşı kostyum geyib efirə çıxırlar. Özləri isə özlərinə məxsus olmayan şəhid şəkillərinin onların adı, yəni reklamı  olmadan yayılmasından ehtiyat edirlər…

Ayıb olsun…

Mirzə ƏLİL

30.09.2020

MEHRİBAN XANIM, TORPAĞI ÖZÜNÜZ ÖPÜN. LAP GÖZÜNÜZƏ TƏPİN…

Стандартный

Mehriban_Əliyeva

“Qoy Uca Tanrı hər bir azərbaycanlıya müqəddəs Qarabağ torpağını öpməyi nəsib etsin!”

Bu cümləni guya Mehriban Əliyeva deyib. Yəni onun adından spiçrayterlər qondarıb yazıblar. Əslində bu sözü Anna Akopyan istehza ilə deyə bilərdi. Çünki bu arzu istehzaya bənzəyir. Elə bil ki. Mehriban Əliyeva hələlik sayı-hesabı bilinməyən itki verən azərbaycanlıları lağa qoyub.

Necə yəni “Qarabağ torpağını öpmək?”

Mehriban xanım haçan hansı torpağı öpüb? Meriban xanım yaxşı bilir ki, nəyi, haranı öpərlər.

Torpaq yaşamaq üçündür.

Mehriban xanımın ailəsindən olan adamlar torpağı alıb-satırlar da. Torpağın harda yaxşısı var, ələ keçirirlər.  İnanmıram ki, Paşayevlər ələ keçirdikləri müəssisələri, torpaqları öpürlər. Ələ keçirirlər və sənəd düzəldib qoyurlar ciblərinə.

Biz hamımız onların cibindəyik.

Bizə ancaq torpağı öpmək qalır.

Qismət olsa.

Hələləlik əsgər və zabitlərimiz qanlarına bələnirlər. Uğrunda öldükləri torpaq düşməndən alınsa, Paşayevlərin və onların qohum-qudalarının əlinə keçəcək.

Ata-anaları yarım hektar, bir hektar yerdə qan-tər içində çalışanları uşaqları indi Məhərrəm Əiyev kimi əldəqayırma harın generalların buyruğu altında canlarını verirlər…

Azərbaycanlılar Bakıda dənizə yaxın düşə bilmirlər. Paşayevər və onların qohum-qudaları dənizin qırağına elə hasarlar tikiblər ki, guya bu dərya onların dədə-babalarından qalıb.

Bakı həndəvərində əlli, altımış ildən bəri koma qaralayıb yaşayan insanlar şəhər qeydiyyatına düşə bilmirlər. Şəhər onu tikənlərə, quranlara, bəzəyənlərə məxsus deyil.

Bəlkə Mehriban xanımın gələcəkdə Qarabağa öpüş turları təşkil eləmək fikri var? Azərbaycanlıları növbə ilə Qarabağın yaxşı bir yerinə aparmaq, torpağı öpdürmək, sonra xarabalarına qaytarmaq…

Yəqin ki, Qarabağ torpağını, əgər bu torpaqlar alınsa, öpmək istəyənlər olacaq. Bəlkə də sütül balaları Qarabağda qanlarına bələnib ölmüş anaların ürəyindən bu keçər. Bu analrın içində Mehriban xanım və onun kimi xanımlar olmayacaq. Çünki “müqəddəs Qarabağ torpağı” uğrunda sadə azərbaycanlı arvadların balaları ölürlər…

Mehriban xanımın atası. əmisi oliqarxdır, atası, əmisi, bacısı akademikdir, bacısının uşaqları, öz uşaqları xırda yaşlarından böyük biznes  sahibidirlər. Və bütün bunlara hakimiyyətdən sui-istifadə nəticəsində yiyələniblər. İndi bu Mehriban xanım balaları erməni gülləsinə tuş gəlmiş analara Qarbağ torpağını öpməyi arzulayır…

Bəlkə özünüz gedib vuruşasınız? Özünüz alasınız və dodaq, yanaq, saç öpməkdən doymusunuzsa, ağzınızı söykəyin torpağa, ürəyiniz bulanana qədər öpün.

Milləti lağa qoyduğunuz bəsdir!

Millətin qanı həm də sizin ucbatınızdan axır!

O torpaqlar, o da siz! Hasara alın, tikanlı məftillə çəpərləyin, öpün, gözünüzə təpin…

Əlinizi millətdən çəkin!

Mirzə ƏLİL

30.09. 2020, Samara

BURBON MƏMMƏDOV: AZERDURDOM TV EFİRDƏDİR!

Стандартный

qurban_məmmədov

Burbon MƏMMƏDOV:  Salam, mənim əziz həmvətənlərim! Azerdurdom TV efirdədir. Eşq olsun Rəcəb Teyib Ərdoğana! İlham Əliyevə ar olsun! Deyəsən, bizə Rusiyanın Kislovodsk şəəhərindən zəng edən var. Buyurun, Əhməd bəy!

ƏHMƏD: Burbon bəy, mən bir az içkiliyəm, proşu proşeniya. Ancaq mən Azərbaycana gedib canımı qurban verməyə hazıram. Zakir Həsənov yol pulumu versin, gedirəm.

Burbon MƏMMƏDOV: O boynunu qucaqlayan arvad kimdir? Rusdur?

ƏHMƏD: Yox, Burbon bəy, urus bizim düşmənimizdir. Bu arvad mordovkadır. Anam-bacım olsun, çox şirin arvaddır.

Burbon MƏMMƏDOV: O da səninlə gedir cəbhəyə?

ƏHMƏD: Niyə getmir, Burbon bəy. Gülə-gülə gedəcək. Orda mənim yaramı sarıyacaq dana. Burbon bəy, vururam sənin sağlığına!

Burbon Məmmədov: Vur, qadan alım! Eşq olsun! Görürsünüzmü, mənim əziz həmvətənlərim, mordovka türk oğluna qoşulub Qarabağa gedir. Eşq olsun. Daha bir zəngimiz var. Samaradandır. Buyurun, Afa bəy!

AFA: Burbon bəy, Samarada yaşayan azərbaycanlılar Azerdurdom ailəsini salamlayırlar! Bizim də ürəyimiz Qarabağda döyüşən əsgərlərin yanındadır.

Burbon MƏMMƏDOV: Bəs sənin yanındakı kimdir? Dizinin üstündə oturub. Bu da mordovkadır?

AFA: Burbon bəy, bu, xalis türk arvadıdır. Çuvaşkadır. Mənim satıcımdır. Məni hər yerdə dəstəkləyir.

Burbon MƏMMƏDOV: Yaxşı dəstəkləyir, görürəm əli hardadır… Eşq olsun! Əziz həmvətənlərim, Moskvadan zəng var, daimi izləyicimizdən. Buyurun, Qafar bəy!

QAFAR: Burbon bəy, mən Azerdurdom ailəsini Pud sitidən salamlayıram. Burda biz hamımız Azərbaycan ordusunu dəstəkləyirik.

Burbon MƏMMƏDOV: Eşq olsun! Bizi də dəstəkləyin! Azerdurdom ailəsi Qarabağ uğrunda Azərbaycan ordusundan da fəal vuruşur. Sizin malıiyyə dəstəyinizə ehtiyacımız var. Qafar bəy, görürəm tək deyilsiniz, yeyib-içirsiniz. O yekəburun kişi gözümə şirin gəlir. Kimdir o? Bayaqdan onunla qızğınlıqla öpüşürsünüz.

QAFAR: Burbon bəy, bu bizim erməni dostumuz Xaçaturdur. Sizdən yaxşı olmasın, yaxşı oğlandır. Bayaqdan neçə dəfə bizə qoşulub Azərbaycan ordusunun sağlığına içib. Biz də iki dəfə erməni ordusunun sağlığına içmişik. Əlahəzrət İlham Əliyein dediyi kimi, gərək tolerant olaq.

Burbon MƏMMƏDOV: Eşq olsun! Xaçatura salamlar! Əziz Həmvətənlər! Bizə Moskvadan zəng var. Rusiyanın paytaxtından bizə Hacı Seyidağa qoşulur. Seyid! Cəddin ordumuza kömək olsun. Buyur, sözünü de!

Hacı: Qurban bəy, ağzım söz tutmur, stress keçirirəm, gözümün yaşını saxlaya bilmirəm.

Burbon Məmmədov: Seyid, hamımız ağlayırıq, biz indi sevinc yaşları axıdırıq.

HACI: Qurban bəy, mən sevincdən ağlamıram, dərddən ağlayıram.

Burbon MƏMMƏDOV: Niyə, ay Seyid, ordumuzun qələbəsinə sevinmirsən?

HACI: Qurban bəy, mən ordu hayında deyiləm. Padruqam məni qoyub qaçıb.

Burbon MƏMMƏDOV: Nə padruqa, a kişi? Biz nə haydayıq, sən nə haydasan? Hara qaçıb?

HACI: Müharibə başlayan kimi nə yolnansa sərhədi keçib, gedib vuruşmağa. Məni buraxmırlar. Qurban bəy, məni sərhəddən keçir, mən o arvadsız qala bilmərəm..

Burbon MƏMMƏDOV: Mən səni necə keçirim a kişi? Mən İlham Əliyyevlə qanlı-bıçaqlıyam. O mənim evimi dağıdıb, bilmirsən? Sənə öz cəddinə and verirəm, İlham Əliyevi mənə söydürmə!

HACI: Qurban bəy, burda Əliyelik bir iş yoxdur. Mənim padruqam Ermənistana qaçıb.

Burbon MƏMMƏDOV: Ermənistan nədir, a kişi? Azərbaycanlı arvad gedib ermənilərin tərəfində vuruşsun?

HACI: Sən məni düz başa düşmədin, Qurban bəy. Mənim padruqam ermənidir…

Burbon MƏMMƏDOV: Mən doğrudan da başa düşmədim. Sən gedirsən Ermənistana arvadın dalınca?

HACI: Gedirəm, Qurban bəy. Mən Kərəm kimi yanıram…

Burbon MƏMMƏDOV: Seyid, sənin yanan yerini mən… Hörmətli izləyicilər, uşaqları ekrandan uzaqlaşdırın, mənim bu Hacıya beş-altı kəlmə yaxşı sözüm var…

Mirzə ƏLİL

29. 09. 2020, Samara