Tag Archives: Ramiz Mikailov

ŞİRVAN KƏRİMOV RAMİZ MİKAYILOVU SAMARADA QƏBUL EDİB VƏ ALNINA MÖHÜR BASIB

Стандартный

Ramiz -Mikailov

20 sentyabr 2020-ci ildə Şirvan Kərimov Moskvadan təşrif buyurmuş Ramiz Mikailovu yüksək səviyyədə qəbul edib. Şirvan Kərimov moskvalı qonağı Samaradakı vəziyyətlə tanış edəndən sonra alnına bizim şəhərimizin möhürünü basıb. Bunu Ramiz Mikayılov özü xahiş edib. Deyib ki, möhür basılmasa, onun Samaraya gəlməyinə inanmazlar, Elkaponi ezamiyyət pulunu verməz, üstəlik, türkün sözü, özünü zad da eləyər.

Möhürün basılmağı bir az ağrılı keçib. Ramiz Mikailov dana kimi böyürürmüş. Sonra sakitləşib, güzgüdə möhürünə baxıb Şirvan Kərimova təşəkkürünü bildirib.

TƏLƏQRAF.COM-A İSTİNADLA

Mirzə ƏLİL

KORİFEY JURNALİST MƏHƏMMƏDƏLİ QƏRİBLİYƏ AÇIQ MƏKTUB

Стандартный

SONY DSC

Möhtərəm Məhəmmədəli Qəribli!

Yaxşı bilərsən, Stalin Maksim Qorkinin “Qız və ölüm” poemasını oxuyub demişdi ki, bu şey (türkün məsəli!) Götenin “Faust”undan güclüdür.

Sənin məqalən, möhtərəm Məhəmmdəli, “Faust”dan da, Qorkinin də, türkün məsəli, şeyindən güclüdür. Mən indən belə daha başqa heç nə oxuyan deyiləm, qoymuşam İnternetdə avtopleyə, əvvəldən oxuyuram axıra, sonra yenə oxuyuram axırdan əvvələ.  Lenin demişkən, ne moqu otorvatsa…

Möhtərəm Məhəmmədəli! Diasporda doğrudan da ürəkaçan bir şey yoxdur. Açığını dəsək, heç Rusiya özü ürəkaçan yer deyil. Niyə bu millət o cür gözəl Azərbaycanımızı qoyub qaçır bura, mən başa düşmürəm. Götürək elə Naxçıanı. Orda insanın nəinki ürəyi, hətta başqa yerləri də açılar. Mən yüz dəfə demişəm ki, gərək Vasif Talıbov Birləşmiş Millətlər Təşkilatına rəhbər seçilə ki, bütün millətlər də naxçıvanlılar kimi ola talıban, yəni xoşbət insan. Ancaq niyə bu talıbanlar qaçıb gəlirlər Rusiyaya, mənim üçün sirdir. Yəqin başları ya ayrı yerləri xarabdır, mən ayrı səbəb görmürəm.

Möhtərəm Məhəmmədəli! Mən İnternetdə sənin gözəl bir şəklini tapdım. Deyəsən kayflanırsan. Gözəl! Mən də cavanlıqda çox eləmişəm. Yəqin dozan yaxşı olub ki, bir əlini qoymusan, türkün məsəli, şeyinin üstünə…Ancaq bir suyundan Qurbanqulu Berdımühəmmədova oxşayırsan. Gözlərinin qıyılmağından, dişlərini ağartmağından, rəngindən. Xam adam sizi dəyişik salar. Sirr deyilsə, de: sənin anan vaxtilə Türkmənistana alverə-zada getməyib?

Möhtərəm Məhəmmdəli! Doğru deyirsən, mən Şirvan Kərimova çox yalvar-yaxar eləyirəm ki, vəzifəyə seçilsə, məni də özü ilə aparsın Moskvaya, çünkli mən Moskvanı görməmişəm. Ancaq Şirvan Kərimov razılıq vermir, deyir ki, Mirzə, sənə etibar yoxdur, apararam, sən də orda başlarsan yenə Azərbaycanın simvollarını təhqir eləməyə. Deyirəm a kişi, mən haçan Azərbaycanın simvollarını təhqir eləmişəm? Mən bisavad adamam, heç bilmirəm simvol nə olan şeydir: yeməlidir, oynatmalıdır, satmalıdır. Deyir Mirzə, eləməsən də, adın çıxıb, deyir Məhəmmdəli kimi korifey jurnalistin qələminə düşəndən sonra mən səndən gərək uzaq olam…

Ay Məhəmmədəli! Məni başa sal, nədir dövlətin simvolu? Mən avam adamam, mən eşitmişdim ki, dövlətimizin, millətimizin simvolu, məsələn, Şuşadır. Şuşanı da ermənilər tutublar. Mənim nə günahım? Get Zakir Həsənivdan soruş ki, o boyda ordu ilə niyə bizim simvolumuzu erməlirəin əlindən almır? Bülbülün qəbri bizim simvolumuz deyildimi? İndi hanı o qəbir? Hanı Ağdamın məscidləri? Ermənilərin elədiklərini niyə mənim boynuma yıxırsan? Sən məni lap nahaqdan qınayırsan. Sən axı məni niyə Moskvaya həsrət qoyursan?

Sən bir şeyi düz deyirsən. Disaporaya ayrı lider lazımdır. Mən burda bir neçə nəfərlə məsləhət elədim, dedilər ki, diaspora lideri gərək yatıb çıxa. Düzü, əvvəl başa düşmədim. Dedim harda yata, hardan çıxa. Bizdə o qədər hamamlarda yatanalar var ki…  Elə yatırlar ki, heç çıxmaq istəmirlər… Dedilər yox, türmədə gərək yata. Yəni otura. Sonra çıxa. Yəni ola avtoritetli adam. Dedim elə adamı hardan tapasan. Biri səni nişan verdi. Dedi Məhəmmədəlidən yaxşı namizəd yoxdur. Birincisi, naxçıvanlıdır. Naxçıvanlıların da liderlik qanındadır. İkincisi, yatıb çıxıb. Yəni idarəçiliyi gözəl bilir.

Məhəmmədli, bu, doğrudurmu? Yəni doğrudanmı naxçıvanlısan və doğrudanmı yatıb çıxmısan? Elədirsə, gəl Rusiyaya, al rəhbərliyi əlinə, məni də apar Moskvaya. Barmağını kimə, nəyə, hansı simvola uzatsan, yazıb təhqir eləyim, hörmətdən salım.  Qurnaqulu Berdımühəmmədova əkiz qardaş kimi oxşadığına görə türkmənlərin də rəhbərliyini öz öhdənə götürə bilərsən. Bir də gördün MDB ölkələrinin yarısının diasporu sənə tabedir.

Gələcəyin parlaqdır, ay Məhəmmədəli!

Mirzə ƏLİL

03.05.2020, Samara

RAMİZ MİKAİLOV «NOÇNAYA BABOŞKA» OLMAĞA HAZIRDIR…

Стандартный

Mikailov_Ramiz

Mənə dünən kim zəng vursan yaxşıdır? Millətimizin yeni televiziya ulduzu Ramiz Mikailov! Elə həyəcan keçirdim ki, dilim tutuldu, bu nadir insana dərin hörmətimi əməlli-başlı ifadə edə bilmədim. Cənab Mikayılov özü mənə xeyli xoş söz deyib keçdi mətləbə.

 — Mirzə, mən sənin məqalələrini və felyetonlarını birinci rus dili olmaqla xarici dillərə tərcümə elətdirmək istəyirəm, gərək sən razılığını verəsən. Hərçənd sənin razılığın olmadan bu iş başlanıb. Bir neçə tərcüməçi sənin əsərlərini rus dilinə çevirir. Sonra ingilis, Çin, erməni tərcüməçiləri tutacam.

— Cənab Mikayılov, yəni mən bu işə layiqəm?

— Layiqsən, Mirzə. Sənin yazdıqlarını xalq oxuyub gülür, bizim də vəzifəmiz xalqı güldürmək, kefini açmaqdır. Mən özüm gündə ekran qarşısında dombalaq aşıram ki, gözəl milləimizin ürəyi və başqa yerləri açılsın. Qoy başqa millətlər də görsünlər ki, biz necə şən xalqıq. Ermənilər düzən Qarabağı tutsalar da,  kefimizdən qalan deyilik.

— Cənab Mikayılov, axı bu tərcümə işinə çoxlu pul lazımdır. Sənin pulun varmı?

— Mirzə, mənim pulum yoxdur, pullu adamlarım var ki, türkün məsəli, durublar dalımda. Elkaponi müəllim xərcini çəkər, çünki Elkaponi müəllim sənin felyetonlarının fanatıdır.

— Cənab Mikayılov, birdən Elkaponi müəllim pul vermədi, onda necə?

— Qorxma, Mirzə, mən pulu özüm də qazana bilərəm sənin xətrinə. Mən bu işə görə lap noçnoy baboşka olmağa hazıram…

Bu yerdə mənim şoğərib telefonum söndü. Çox köhnəlib, gərək dörd-beş sifarişli felyeton yazam ki, təzə telefon ala biləm… Hə, bu şoğərib telefon söndü, cənab Mikailovla söhbətimiz qaldı yarımçıq. Və mən başa düşmədim ki, cənab Mikailov pulu necə qazanmaq istəyir. Bəlkə deyirmiş “noçnaya babuşka?” Yəni gecələr uşağa, ya xəstəyə baxan. Bəlkə deyirmiş “noçnaya baboçka?” Ancaq “noçnaya baboçka” nə ilə məşğul olur, bilmirəm. Bəlkə xəstəxanadan morqa ölü daşıyır? Burda bir tanış var, deyir ki, “noçnaya baboçka” gecələr yolda durur. Çox hirsləndim, dedim ay kişi, özünü ələ al, cənab Mikayılov millət lideridir, gedib yolda niyə durmalıdır… Vallah, özüm də çaş-başam. Ancaq bu insanda ədəbiyyata, felyeton janrına olan sevgiyə heyran qalmışam…

İndi gözləyirəm ki, mənim əsərlərim xarici dillərdə nə vaxt çıxacaq. Bəlkə bir az pul da verdilər. Çinlilərdən pul əvəzinə çay almağa da razıyam. Nə gizlədim, çayım qurtarır…

Telefonu düzəldən kimi özüm cənab Mikailova zəng vuracağam ki, işin nə yerdə olduğunu öyrənim…

Mirzə ƏLİL

26.04. 2020, Samara