ALİ BAŞ KOMANDANIN ÇASTUŞKALARI -5

Qələbəmin şərəfinə,
Gözəl parad düzəltdim.

Zəngəzurdur, İrəvandır,
İndi mənim məqsədim.

                      =

Sonra Rəcəb qardaşımla,
Namaz qıldım diz-dizə.

Baxıb mən də eləyirdim,
Ərdoğan nə eləsə.

                      Ey! Uh!

                          =

İndi deyim, millət bilsin,
İbadət çox gözəldir!

Keçdi omba ağrılarım,
Quluncum da düzəldi.

                 Ey! Uh!

                       =

Çağrılmamış gəldi bura,
Yenə Minsk qrupu.

Özüm ölüm, az qalmışdım,
Üzlərinə tüpürüm.

                         =

Putin yoldaş silah verir,
Ordu yığır Araik.

Əsgərimə həmlə edir,
Bu qırışmal arabir.

              Ey! Uh!

Bilmirəm ki, hücum çəkim,
Yazım yoxsa Putinə.

Kremlə bel bağlayandan,
İşim düşüb çətinə.

                   ===

Ah, yenə də döyüş gedir,
Şəhid alır kasıblar.

Onların da taleyini,
Belə yəqin yazıblar…

                  Ey! Uh!

Mirzə ƏLİL

13.12. 2020, Samara

Реклама

BİR DƏFƏ YÜKSƏLƏN YUMRUQ…

Bu yumruğu tanıyırsınız? Ali Baş Komandanın yumruğudur. Noyabrın 9-a qədər bu yumruq Paşinyanı, Araiki hədələyirdi. Yəqin noyabrın 9-da Putin deyib ki, İlham məllim, yumruğunu aşağı sal… İlham məllim də yumruğunu necə aşağı salsın? Ayıbdır axı… Bir dəfə yüksələn yumruq bir daha…

Ona görə Ali Baş komandan həmin gündən yumruğuyla müsavatçıları, cəbhəçilər və bütün başqa antimlli ünsürləri hədələyir. Bəlkə baş komandan haçansa yumruğunu endirəcək, ovcunu açacaq. Yəni birdən Putin desə ki, Araikin başını sığallamaq lazımdır…

Mirzə Əlil

28. 11. 2020, Samara

 

PEYSƏRLƏR: RƏŞAD MƏCİDİN PEYSƏRİ

Bu peysəri görürsünüz? Rəşad Məcidin peysəridir. Kürəyi görürsünüz necə şişib qabarıb? Laçınlıdır. Laçın işğal altında, bu isə Yazıçılar İttifaqını Anarın kölgəsində yeyə-yeə peysərini, qarnını, götünü yekəldib, ermənilərin Cəbrayıl məscidində saxladığı donuzlara dönüb. Özü də Bakıda yekə dalını yumşaq kresloya basıb döyüşlərin gedişini şərh edir. Gözləyir ki, astaralıar, yardımlılar, salyanlılar, şirvanlılar, mingəçevirlilər, qubalılar  canlarından keçib Laçını belə peysər laçınlılar üçün alsınlar…

Bir sözlə, bu peysərin perspektivləri böyükdür…

Mirzə ƏLİL

06. 11. 2020, Samara

DÖVLƏTLİ BALASI: “BİZ QARTAL DEYİLİK, BİZ GÖTATANIQ…”

Qarabağ cəbhəsi. Azərbaycan səngəri. Xeyli əsgər döyüşə hazırlaşır.  Komandir əmr verir:

— Qartallar, irəli!

Əsgərlərin çoxu əmri eşidən kimi səngərdən sıçrayır. Dörd-beş nəfər dövlətli balası oturduqları yerdə qalıb gözlərini ayfonlarından çəkmir. Komandir üzünü tutur onlara:

— Əsgərlər, əmri eşitmədiniz?

Harınlardan biri başını ayfondan qaldırıb zabiti məzəmmətlə süzür:

— Komandir, sən axı dedin “qartallar”. Biz qartal deyilik, biz götatanıq…

(köhnə sovet lətifəsi əssında)

 Mirsə ƏLİL

08.10. 2020, Samara

QARABAĞ ŞƏHİDLƏRİ: AQİL İSMAYILOV

Aqil Ənvər oğlu İsmayılov  16 iyun 1968-ci ildə Şəmkir rayonunun Dəllər Cırdaxan kəndində anadan olmuşdur. Kənd orta məktəbini bitirdikdən sonra texniki peşə məktəbində təhsilini davam etdirmişdir. 1986-cı ildə orduya çağrılmış, Penza vilayətində hərbi qulluqda olmuşdur. Ordudan tərxis olunduqdan sonra yenicə təşəkkül tapan Azərbaycan Milli Ordusu sıralarına yazılaraq Vətənin müdafiəsinə yollanmışdır. 1994-cü il iyulun 4-də Gədəbəy rayonunun Qalakənd kəndi uğrunda gedən döyüşdə qəhrəmancasına şəhid olmuşdur. Evli idi. Bir qızı və bir oğlu var .

Vikipediya

SUMQAYITDA ZABIT RAQUB ORUCOVUN DƏFNI

Minlərlə səhər sakini Raqub Orucovu son mənzilə yola saldı..

Bəlkə də bu dəhliz indiyə qədər bu qədər izdiham görməmişdi. Ola bilsin ki, bu dəhliz döşəmələri indiyə qədər bu qədər insan ayaqları altında qalmamışdı. Amma indi bu məkan insan izdihamına qucaq açdı. Çünki sumqayıtlılar bu gün bir vaxtlar həmin dəhlizdə iri addımlarla addımlayan polkovnik-leytenant Raqub Orucovu son mənzilə yol salmaq üçün cəmləşmişdilər.

Unikal.org-un məlumatına görə, cəbhə yoldaşları Raqub Orucovun qəhrəmanlıqlarından danışdıqca insanın bədənində qan coşurdu. İnsanın qəlbindən bir hiss keçirdi. Düşmən üzərinə hücum etmək və zəfər çalmaq…

Şəhidin cənazəsini alqışlar və coşqularla qarşılayan Sumqayıt sakinlərinin sayı isə 5 mindən çox idi. Cəbhə yoldaşları şəhidin qanının yerdə qalmayacağına söz verdiər. Onlar işğal altında olan torpaqlarımızın mütləq geri qaytarılacağını bildirdilər.

«Şəhidlər olməz, Vətən bolunməz”, «Rus, fars, erməni, bunlar türkün düşəni”, «Ya Qarabağ, ya ölüm, başqa yolu yox artıq” və s. şüarlar qulaq batırırdı. Havada Azərbaycan və Türk bayraqları dalğalanırdı.

Şəhidimiz dəfn olunanda hava da tutqun idi. Sanki buludlar da dolmuşdu. Şəhidin ardınca sanki göylər də ağlamaq istəyirdi. Şəhidin doğmaları və və onu son mənzilə yola salmağa gələnlər kimi …

«Anacan söz verirəm ki, sənin qisasını alacağam. Mən sənsiz yaşaya bilmərəm. Sənin yanına üzüqara gəlməyəcəyəm”. Bu sözləri Raqub Orucov anası şəhid olandan sonra demişdi. Şəhidin qohumu Fəzilə xanım bildirib ki, Raqub Orucovun anası da erməni gülləsinə tuş gəlib. Məhz ondan sonra Raqub silahla «dostlaşıb”. Onun tək arzusu anasının qisasını almaq və vətən uğrunda şəhid olana qədər vuruşmaq olub.

Qonşuları unikal.org-a açıqlamalarında bidirdilər ki, Raqub Orucov çox sadə və mehriban adam idi. Bütün qonşularla mehribancasına görüşərmiş. Hər kəslə xoş rəftar edərmiş. Ehtiyacı olanlara əlindən gələn köməkliyi əsirgəməzmiş.

 

http://unikal.org/sonxeber/15104-bayram-seferov-ermenilere-muraciet-etdi-danishiqlari-qisa-zamanda-deyerlendirmelidirler.html

31 MART — MİLLİ QƏHRƏMAN FƏXRƏDDİN NƏCƏFOVUN DOĞUM GÜNÜ

Fəxrəddin Vəliyəddin oğlu Nəcəfov  1967-ci il mart ayının 31-də Bakı şəhərində doğulmuşdur. 1984-cü ildə Bakı şəhərinin Nəsimi rayonundakı 19 nömrəli orta məktəbi bitirmişdir.1985-1987-ci illərdə Rusiyanın Arxangelsk vilayətində hərbi xidmətdə olmuşdur.

1991-ci ildə könüllü olaraq Qarabağ cəbhəsinə yollanmış, 1992-ci ildə Ağdam cəbhəsində hərbi hissələrdən birinin komandiri təyin edilmişdir. 1992-ci il sentyabr ayının 4-də Ağdərənin Çıldıran kəndi uğrunda gedən döyüşlərdə qəhrəmancasına həlak olmuşdur.

Azərbaycan Respublikasının Prezidentinin 6 noyabr 1992-ci il fərmanı ilə Fəxrəddin Vəliəddin oğlu Nəcəfova «Azərbaycan Milli Qəhrəmanı» adı verilmişdir.

Azərbaycanın qəhrəman oğlu Şəhidlər Xiyabanında dəfn edilmişdir.

Nəsimi rayonunun 266 nömrəli məktəbi onun adını daşıyır.

 

29 MART — MİLLİ QƏHRƏMAN İLQAR İSMAYILOVUN DOĞUM GÜNÜ

İlqar İsmayılov 29 mart 1959-cu il Bakı şəhərində doğulmuşdur. 1966-cı ildə Bakı şəhərindəki 45 saylı orta məktəbə getmiş, 1976-cı ildə təhsilini başa vurmuşdur. Daha sonra Azərbaycan Bədən Tərbiyəsi İnstitunda təhsil almışdır. 1981-ci ildə hərbi xidmətə çağırılımış, 1983-cü ildə ordudan tərxis edilmişdir.

İlqar 1991-ci ildən başlayaraq tez-tez döyüş bölgəsinə gedərdi. Onun şücaəti nəticəsində ermənilərlə vuruşan xeyli xarici vətəndaş ələ keçirilmişdir. Onun rəhbərliyi ilə 128 nəfər döyüşçümüz Qızartı yüksəkliyini erməni basqınçılarından azad etmişdir. İgid komandir 1992-ci il 1 oktyabr qəhrəmancasına həlak olmuşdur.

Ailəli idi, iki övladı yadigar qalıb.

Azərbaycan Respublikası prezidentinin 19 oktyabr 1992-ci il tarixli 273 saylı fərmanı ilə kapitan İsmayılov İlqar Sədi oğlu ölümündən sonra «Azərbaycanın Milli Qəhrəmanı» adına layiq görülmüşdür.

Bakı şəhərinin Şəhidlər xiyabanında dəfn edilib.

Bakı küçələrindən biri onun adını daşıyır, 45 saylı orta məktəbin önündə büstü qoyulub.

 

22 MART — MİLLİ QƏHRƏMAN İXTİYAR QASIMOVUN DOĞUM GÜNÜ

İxtiyar Qasımov 22 mart 1970-ci ildə Ağdam rayonunda anadan olmuşdur. 1977-ci ildə Salahlı kənd orta məktəbinə getmiş və səkkizinci sinfə qədər burada təhsil almışdır. 1985-ci ildlə Bakıya gələrək təhsilini burada davam etdirir. 1992-ci ildə könüllü olaraq hərbi komissarlığa müraciət edərək döyüşlərə göndərilməsini xahiş edir.

 O, ilk günlərdən özünə ad-sad qazanmışdı. Qazançı kəndində ermənilərin üç PDM-si, bir zirehli maşını və onlarla canlı qüvvəsi məhv edildi. 1992-ci il 14 iyul tarixdə ermənilər Canyataq kəndinə hücuma keçdilər, burada bir neçə döyüşçü yaralanır onların erməni qəsbkarlarının əlinə keçməməsi üçün İxtiyar özünü qabağa ataraq əks hücumun qarşısını almağa çalışır. Yaralıları xilas edirlər İxtiyar özü isə qəhrəmancasına həlak olur.

Azərbaycan Respublikası prezidentinin 7 dekabr 1992-ci il tarixli 350 saylı fərmanı ilə Qasımov İxtiyar Qasım oğlu ölümündən sonra «Azərbaycanın Milli Qəhrəmanı» adına layiq görülmüşdür.

Salahlı kənd qəbristanlığında dəfn edilib.

Vaxtilə oxuduğu Salahlı kənd orta məktəbi onun adını daşıyır.

vilipediya

31 OKTYABR MİLLİ QƏHRƏMAN KOROĞLU RƏHİMOVUN DOĞUM GÜNÜDÜR

Rəhimov Koroğlu İsmayıl oğlu — Azərbaycanın Milli Qəhrəmanı; Qarabağ müharibəsi şəhidi,31 oktyabr 1953-cü ildə Oğuz rayonunun Xaçmaz kəndində anadan olmuşdur.

1972-ci ildə hərbi xidmətə çağırılır. 1974-cü ildə Almaniyada hərbi xidmətini başa vurur və yarımçıq qalmış təhsilini tamamlayır.

Xocalı faciəsindən sonra Koroğlu könüllü olaraq 1992-ci il 17 mart tarixdə Milli Ordu sıralarına yazıldı. 1992-ci il 30 apreldə bölüyə komandir təyin edilən Koroğlunun şərəfli döyüş yolu başladı. 

13 iyun 1992-ci il Buzluq, Çartaz, Erkəç kəndlərinin azad edilməsində bu bölüyün adı dilləri gəzdi. 14 iyunda cəsur döyüşçülər Mənəşlini də yaraqlılardan təmizlədilər. 15 iyunda isə Başkənd erməni işğalçılarından təmizləndi. Bu əməliyyatlar nəticəsində Koroğlunun komandirlik etdiyi alay erməni qəsbkarlarının onlarla canlı qüvvəsini məhv etdi, xeyli silah sursat ələ keçirdilər. Bölüyün zəfər yürüşü davam edirdi. Madagiz və Gülüstan kəndləri də bir-birinin ardınca qəsbkarlardan təmizləndi. Goranboy və Ağdərədə gedən digər qanlı döyüşlərdə iştirak etmişdir. 1992-ci il iyul ayının 3-də Ağdərədə gedən qanlı döyüşlərin birində qəhrəmancasına həlak omuşdur.

Azərbaycan Respublikası Prezidentinin 16 sentyabr 1994-cü il tarixli, 203 nömrəli fərmanına əsasən Azərbaycan Respublikasının suverenliyinin və ərazi bütövlüyünün qorunmasında, Vətənimizin torpaqlarının erməni işğalçılarından müdafiə edilməsində gedən döyüşlərdə qəhrəmanlıqla vuruşaraq göstərdiyi şəxsi igidlik və şücaətə, öz müqəddəs əsgəri və xidməti borclarının şərəflə yerinə yetirilməsində göstərdiyi misilsiz xidmətlərə görə leytenant Rəhimov Koroğlu İsmayıl oğlu ölümündən sonra «Azərbaycanın Milli Qəhrəmanı» adına layiq görülmüşdür.

Bakının Nərimanov rayonunda küçələrdən birinə Koroğlu Rəhimovun adı verilmiş və bu küçədə onun büstü qoyulmuşdur.