GƏNCƏLİLƏRƏ: YERLİNİZ YUSİF QASIMOV İTKİN DÜŞÜB YA HƏLAK OLUB?

Qasımov Yusif Telman oğlu — Qarabağ müharibəsi şəhidi.

Yusif Telman oğlu Qasımov 13 avqust 1963-cü ildə Gəncə şəhərində qulluqçu ailəsində anadan olmuşdur. 6 iyun 1990-cı ildə hərbi xidmətə çağırılmışdır. N saylı hərbi hissədə vzvod komandiri olmuşdur.

Yusif Qasımov 19 iyul 1992-ci ildə Ağdərənin Aterk bölgəsində gedən döyüş zamanı ağır yaralı vəziyyətdə itkin düşmüşdür.

VİKİPEDİYA

Bu isə Ganca.org saytındandır:

«Yusif Telman oğlu Qasımov 13 avqust 1963-cü ildə Gəncə şəhərində qulluqçu ailəsində anadan olmuşdur. 6 iyun 1990-cı ildə Yusif Qasımov hərbi-xidmətə çağırılmışdır. N saylı hərbi hissədə vzvod komandiri olmuşdur.

Yusif Qasımov 19 iyul 1992-ci ildə Ağdərənin Aterk bölgəsində gedən döyüş zamanı ağır yaralı vəziyyətdə itkin düşmüş və həlak olmuşdur».

Məlumdur ki, itkin düşmək və həlak olmaq tamam fərqli şeylərdir. İnsanın ölümü məlumdursa, o, itkin deyil. Yəni gəncəlilər bunu başa düşmürlər? Əgər həlak olubsa, nə vaxt? Meyiti hardadır? 

Özü də görün şərəfsiz insanlar əsgərin şəklini nə günə qoyublar. Bunu ermənilər eləməyib, Gəncədən olan simasızlar eləyib…

http://ganca.org/index.php?option=com_content&view=article&id=236:qasmov-yusif-telman-olu&catid=37:gnc-hidlri&Itemid=9

ITKINLƏR: MEHDİ MƏHƏRRƏMOV

Mehdi Məhərrəmov 26 iyun 1973-cü ildə Göyçə mahalının Daşkənd kəndində anadan оlmuşdur.

1988-ci ildə məlum səbəblərdən ailəsi ilə birlikdə Bərdə rayоnunun Yeni Daşkənd kəndində məskunlaşmışdır. 1990-cı ildə Yeni Daşkənd kənd orta məktəbini bitirmişdir.

11 mart 1992-ci ildə Bərdə rayonu Hərbi Kоmisarlığı tərəfindən hərbi хidmətə çağrılmış və Qarabağ uğrunda gеdən döyüşlərin iştirakçısı оlmuşdur.

Sıravi əsgər Mehdi Məhərrəmov 730-cu hərbi hissənin avtomatçısı idi.

Ağdərə rayоnunda gedən döyüş əməliyyatlarında bacarıqlı rabitəçi kimi хidmət göstərmişdir.

5 fevral 1993-cü ildə Çıldıranda gеdən döyüşlər zamanı itkin düşmüşdür.

Bərdə rayonu Xalq Məhkəməsi tərəfindən şəhidlik statusu verilmişdir.