ŞƏHİDLƏRİMİZ: CƏLİLABADLI ARAZ CƏFƏROV

Cəlilabad rayonunun Qarazəncir kəndindən  Cəfərov Araz Səmedağa oğlu. Azərbaycan ərtazisinin erməni işğalçılarından azad edilməsi uğrunda gedən döyüşlərdə həlak olub.

Allah rəhmət eləsin!

Реклама

ŞƏHİDLƏRİMİZ: CƏLİLABADLI MÜƏLLİM TURAL RƏHİMOV

Cəlilabad rayon Fərzili kənd ümumi orta məktəbinin kimya-biologiya müəllimi Tural Rəhimov Qubadlı rayonunun azad edilməsi uğrunda gedən döyüşlərdə şəhid olub.

Allah rəhmət eləsin!

ŞƏHİDLƏRİMİZ: CƏLİLABADLI BİLAL RZAYEV

Cəlilabadın Alar kəndindən 1997-ci il təvəllüdlü Bilal Novruz oğlu Rzayev. Azərbaycan ərazisinin erməni işğalından azad edilməsi uğrunda gedən döyüşlərdə həlak olub. 24 noyabr 2020-ci ildə doğma kəndində dəfn edilib.

Allah rəhmət eləsin!

BUNLARIN HAMISINI BİRDƏN TÜRK DRONUYLA VURUB LAYİQ OLDUQLARI YERƏ GÖNDƏRƏSƏN…

Minlərlə soydaşımızın həlak olduğu, bəlkə on minlərlə hərbçimizin yaralandığı, itkin düşdüyü Qarabağ müharibəsini MMA turnuri kimi müşahidə etmiş məmurlar, “millət vəkilləri” indi fasiləsiz açıqlama verir, döyüşlərin gedişini şərh edirlər. Heç bir yaxını cəbhəyə getməyən bu oğraşlar prezidentin, ordunun ünvanına təriflər yağdırır, onlara heç bir aidliyi olmayan qələbədən də istifadə edib tamamilə qanunsuz tutduqları yerləri daha da möhkəmləndirməyə çalışırlar.

Ən fəal “açıqlama” verənlərdən biri Malik Həsənovdir. Bir vaxt onun qardaşı da deputat olub. Uzun illər ərzində Cəlilabad rayonundan özünü deputat seçdirən Malik Həsənovun üzdəniraq parlamentdə nə ilə məşğul olduğunu mətbuatdan öyrənmək mümkün deyil. Onun adıyla bağlı heç bir qanun layihəsi, müzakirələrdə heç bir çıxış yoxdur. İndi az qala hər gün Azərbaycan xəzinəsindən maliyyələşdirilən qəzet və saytlarda Malik Həsənovun çıxışı verilir. Məsələn bu çıxış; “Azərbaycanın dəmir yumruğu öz tarixi missiyasını yerinə yetirdi”. Sonra da ordunun qələbəsi haqqında, əlbəttə, şərəfsiz jurnalistin özünün qondardığı uzun cəfəngiyyat.

Analar diri-diri özlərini şəhid balalarının təzə qazılmış qəbirlərinə atırlar, ürəkləri dərddən partlayır, ermənilərdə işgəncələrə məruz qalan əsirlər var, valideynləri dəli olan itkinlər var. Bu oğraş deputatlar, lotu vəkillər isə şərəfsiz jurnalistlərin yardımı ilə “açıqlama-şou” qururlar…

Malik Həsənovu Googl-la axtarın. Bunları taparsınız:

“Deputat Malik Həsənov biznesini Dubaya köçürür”.

“Vergilər Nazirliyi deputat Malik Həsənovun şirkətinin əməkdaşlarını həbs edib”.

“Cəlilabadda Malik Həsənov fironluğu- Malik Həsənov Cəlilabadın şahıdır”

Belə “vəkillərin” işğalçı ermənilərdən nəyi yaxşıdır?

Bunların hamısını bir türk dronu ilə layiq olduqları yerə göndərməyin vaxtı deyilmi?

Mirzə Əlil

24. 11. 2020, Samara

ŞƏHİDLƏRİMİZ: CƏLİLABADLI ZABİT MUSA ƏSGƏROV

Cəlilabad rayonunun Sabirabad kəndindən baş leytenant Musa Əsgərov. 27 sentyabr 2020-ci ildə Azərbaycan ərazisinin işğaldan azad edilməsi uğrunda başlanan döyüşlərdə həlak olub.

Allah rəhmət eləsin!

ŞƏHİD ROYAL NƏSİROV CƏLİLABADDA DƏFN OLUNUB

 

http://www.azadinform.az/news/a-111306.html

Aprelin 2-dən 3-nə keçən gecə cəbhənin təmas xəttində baş verən döyüşlərdə şəhid olan Cəlilabad rayon Məlikqasımlı kənd sakini Nəsirov Röyal İmran oğlu hazırda doğulduğu kənddə dəfn olunur. 

Azadinform xəbər verir ki, 1997-ci il təvəllüdlü Röyal Nəsirov Tərtər rayonunun Qapanlı kəndi ətrafında gedən döyüşlərdə qəhrəmancasına həlak olub.  Doqquz ayın əsgəri olan şəhid Röyal Nəsirov pulomyotçu kimi düşmənə qarşı vuruşub.

Dəfn mərasimində rayon İcra Hakimiyyətinin başçısı Əziz Əzizov, millət vəkilləri Mirkazım Kazımov, Malik Həsənov, rayonun idarə-müəssisə və təşkilat rəhbərləri, kənd sakinləri, şəhidin qulluq etdiyi hərbi hissənin əsgər və zabitləri iştirak ediblər.
Qeyd edək ki, Röyal Nəsirovun meyiti dünən ATƏT nümayəndələri və Beynəlxalq Qırmızı Xaç Komitəsinin vasitəçiliyi ilə döyüş meydanından çıxarılıb.