GÜLTƏKİN HACIBƏYLİYƏ: «“QORXMAYIN, TANK FƏHLƏ-KƏNDLİ BALALARININ ÜSTÜNDƏN KEÇİR…”

“Sümüklərimədək hər yerim sızlayır. Sanki üstümdən tank keçib”.

Bunu Gültəkin Hacıbəyli yazıb. Yəni Türkiyə zəlzələsinin ona təsirini tank altında qalmaqla müqayisə edir. İfadə rusların dilindən götürülüb. Ruslar deyirlər: “Как будто меня переехал Камаз». Mən bilmirəm, indi Azərbaycanda Kamaz maşınları qalıbmı. O ki qaldı tanka, Gültəkin xanım gərək qoxrmasın. Bizim müxalifət liderlərini tank basmır. 1990-cı ilin yanvarında bir müxalifət liderinin də burnu qanamadı. Qırılanlar sadə və sadəlövh adalar oldular. Əli Kərimli indiyəcən top kimidir, görəndə deyirsən ki, bu adam tank altından yox, yaxşı dəlləkxanadan çıxıb. Gültəkin Hacıbəyli də tank altından çıxana az oxşayır. Güman edirəmki, elə bu zəlzələ faciəsi günlərində də xanım gözəllik salonuna baş çəkməyi unutmur. Yanqaları qıpqırmızıdır. Saçına da bir ətək pul qoyub.

Onu da demək lazımdır ki, ruslar «üstümdən Kamaz keçib» deyənin özünə yönəlmiş rişxənddir, zarafatdır. Bunu gecə gözü mal kimi içmiş,, ya rəisindən kötək yemiş və yaxud da arvadı ilə dalaşmış adam deyə bilər. On minlərlə adamı məhv etmiş zəlzələdən sarsılan adam belə deyirsə, deməli, sözün yerini bilmir, ağızlardan eşidib, xoşuna gəlib, inkişaflı, «cool» görünmək üçün bunu işlədir. Özünü necə gülüc hala saldığını anlamadan.

Gültəkin Hacıbəyli yazır ki, guya “boğazından loxma keçmir”.

“Loxma” ya “loğma”? Yəni “tikə”? İnanmalı deyil. Bu xanım nə deyirsə, yalana oxşayır. Müxalifətdə özgə yerini tutduğu kimi yad sözlərlə, qondarma ifadələrlə danışır. Ümimiyyətlə, postlarını oxuduqca bu qadının Azərbaycan dilni yaxşı bildiyinə şübhə yaranır.

“…həyata tutunan bu mözücə balamız…”

Bir şey başa düşdünüz? “Həyata tutunan?”

Qənimət Zahidə belə müraciət edir: “Qanimat Zayıdov, 60 yaşınız mübarək!”

“Qanimat”ı başa düşdük, bu, ruscadır. Yəni Gültəkin Hacıbəyli rus xanımları kimi məzələnir. “Qanimatçik…”

Bəs “Zayıdov”? Kolxoz briqadirləri, partkomları belə danışırdılar: “Pambıq qalıb çöldə yağışın altında, yoldaş Zayıdov bizi mələdəcək…”

Gültəkin Hacıbəyli Türkiyədən qopmur.” Türkiyə ilə Azrbaycanın bağı  ana ilə övladı arasında olan fizioloji əlaqəyə bənzəyir. Birinin canı yananda o birisi bu ağrını öz canında yaşayır”.

Burda, məlum məsələdir, kim anadır, kim bala. Türkiyə olur ana. Halbuki dünənəcən hamı Türkiyəyə qardaş deyirdi. “Türk qardaşlarımızın dalındyıq”.

Maraqlıdır, niyə ancaq “qardaşlarımızn”? Türkiyədə arvad yoxdur? Yoxsa bu, ”qardaş” deyənlərin oriyentasiyasindan xəbər verir?

İndi Gültəkin qardaş deyir ki, Türkiyə anadır. Onda görəsən Azərbaycan Türkiyənin harasından çıxıb? Bunu İlham Əliyev bilirmi?

Bunu yəqin Şah İsmayıl bilməyib. «Yoxsa anasıyla» qanlı müharibələr eləməzdi…\

Ah, İsmayıl, İsmayıl…

Gültəkin ana yazır:

“Türkiyə, heç şübhəsiz ki, bizim üçün vətəndir”.

“Biz” deyəndə Gültəkin ana kimi nəzərdə tutur? Özünü? Türkiyə kurortlarında, beşulduz otellərində kef çəkənləri? Oraa milyardlar çıxarıb daşınmaza qoyanları? Niyə Gültəkin qardaş hamının adından danışır? Hünəri var, Bəxtiyarın müdafiəsi üçün on beş-yiyirmi nəfərlik asiya təşkil eləsin.

Gültəkin ana Bəxtiyardan da yazır.

“Dünən Bəxtiyar Hacıyevlə bağlı aldığım xəbərdən sarsılmışam.

Vəkilləri bildirir ki, onu tanımaq mümkün deyil. Çəkisi 84,6 kq-dan 69 kq-a düşüb, sümükləri çıxıb…”

Gültəkin ana sarsılanda Bəxtiyar 32 iki gün idi ki aclıq keçirirdi. 33-cü gün sarsılıb. Yəqin tank gözləyirmiş ki, gəlib üstündən keçsin.

Çəki söhbəti isə Baxtiyarı əslində diskreditasiya edir. 69 kq çəki ortaboy adam üçün ideal çəkidir, bu halda sümüklər görünməz.

Gültəkin ana xaricdə yaşayan oğlundan qazaxları soruşub. Məlum olub ki, qazaxlar ana dillərini bilmirlər. Gültəkin ana dərhal verdikt çıxarır, yəni bu, “rus istilasının qazax qardaşlarımızı assimilyasiyaya uğratmasının acı sonucudur…”

Rus istilası! Bunu yazanda alyanaq xanın Gültəkin Hacıbəyli özünü Həcər kimi at üstündə təsəvvür edib.

Rus istilası…

Rus istilası olmasaydı, qazaxlar hardaydılar? Ən yaxşı halda onları Çinin tərkibində uyğurlatın taleyi gözləyirdi. Ya da tarixdən silinmişdilər. Rus qazaxlara nəhəng bir əraziyə malik qurulu dövlət verib…

Yazmaqdan qabaq yaxşı fikiriləşin, Gültəkin qardaş. Yəqin Bakı dövlətdə dörd il məzəənmisiniz, qalın və yuxugətirən  tarix, fəlsəfə kitablarının uzağı müqəddiməsini oxuusunuz.

Gözəllik salonlarına ya massaja gedəndə özünüzlə kitab götürün.

Makiyajı da unutmayın. Yoxsa AXC-nin yaraşığı itər…

Tankdan qorxmayın. Tanklar fəhlə-kəndkli ailələrindən olan əsgərlərin üstündən keçir…

Mirzə ƏLİ

14. 02. 2023, Samara

Реклама

ƏLİ KƏRİMLİYƏ: ŞƏHİD ANALARINDAN NAĞIL UYDURMAQDANSA, BƏLKƏ QIRIŞMAL OĞLUNU CƏBHƏYƏ GÖNDƏRƏSƏN?

“Azadlıq qəzeti” vətənpərvərlikdə İlham Əliiyevi və onun bütün ətrafını keçmək istəyir. Əli Kərimli “müzəffər ordudan” elə postlar yazır ki, marşal Stalini yada salır. Bir kiçik fərqlə: marşal Stalinin oğlu müharibənin ilk günlərindən döyüşən cəbhədə idi…

Dünən “Azadlıq” öz Teleqram kanalına istinadla çox əcayib bir məlumat verib. “Şəhid Anası Silahlı Qüvvələrə Yardım Fonduna 7000 manat pul köçürdü.
ANA belə deyir: «Səbrim çatmır, istəyirəm oğlumun şəhid olduğu yer daha tez azad edilsin!”. Və bank qəbzinin şəkli posta əlavə olunub. Əlbəttə, qəbzdə ad oxunmur, qaralanıb.  Yəni bilmək olmur ki, şəhid kimdir, şəhid anası kimdir. Doğrudan da belə şəhid varsa, “Azadlıq” onun adını niyə gizlədir? Anasının adını niyə gizlədir? Bəlkə ana gizli milyonçudur? Məgər gizli milyonçuların oğulları şəhid olurlar?

«Azadlıq» özünü peşəkar qəzet sayır, ancaq bu material jurnalistika deyil, bazar söhbətidir. Ana deyir? Hansı ana? Kimə deyir? Ana yası qoyub banka qaçdı? Qəbzin şəklini də çəkib göndərdi Qənimət Zahidə?

Deyək ki, belə şəhid var və belə şəhid anası da var. Özünüz fikirləşin: oğlunun meyiti üstünə gələn ana onun yasını ləyaqətələ saxlamaq əvəzinə sandıqdan 7 000 pul çıxarır, taksi çağırtdırıb gedir banka ki, bu pulu köçürün orduya, tezliklə İrəvanı alsın…

Bu arvad doğrudan da belə eləyibsə, bəlkə dəli olub?

Mənə belə gəlir ki, əhvalat qondarmadır və “Azadlıq” da bunu yaxşı bilir. Pul, əlbəttə. köçürülüb, ancaq köçürən şəhid anası deyil. O qədər şəhid ailələri var ki, ləyaqətli ehsan vermyə imkanları yoxdur, evləri başına uçur. Köməyi niyə onlara göstərməyəydilər?

Hakimiyyətin yeişini yerimək istəyən müxalifət öz yerişini də itirib və atdığı hər addım gülüş doğurur. Sanki müxalifət, Əli Kərimli İlham Əliyevin xanımının rolunu oynamaq istəyirlər.

Ancaq İlham Əliyevin xanımı öz rolunu pis-yaxşı özü oynayır…Əsgərlərin canına dua eləyir, uca tanrı ilə danışır…

Əli Kərimliyə qalır əsgər atası olmaq. Qırışmal oğlunu çağırıb yollasın cəbhəyə, onda müzəffər ordudan danışmağa haqqı da olar.

Yoxsa 7000 manatlıq şəhid anaları haqqında nağıllar üç quruşluq komediyaya bənzəyir…

Mirzə ƏLİL

02. 11. 2020, Samara

«ZƏNCİR BİR TƏRƏFDƏ, DİVANƏ BİR TƏRƏFDƏ…»

Ah, vətən!

Hərdən vətəndən elə xəbərlər gəlir ki, az qalırsan başını vurasan divarın tininə…

Bu gün xəbər gəldi ki, “Azərbaycan Respublikası Prezidentinin Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyevlə Azərbaycan Milli Hərəkat Partiyasının (MHP) sədri Samir Cəfərov arasında avqustun 7-də görüş keçirilib”. 

Məni Azərbaycan prezidentinin administrasiyası maraqlandırmır, onun şöbə müdiri Ədalət Vəliyev də məni maraqlandırmır. Ancaq Milli Hərəkat Partiyası” məni çox maraqlandırdı.

Düzü, əvvəlcə “hərəkat” sözünü “hərəkət” kimi oxudum və təəccübləndim: Azərbaycanda nə hərəkət? Özü də siyasi hərəkət! Siyasi hərəkəti Azərbaycanda ancaq İlham Əliyev edə bilər, arvadı edə bilər. Samir Cəfərov kimdir və nəkarədir ki, prezidentin qabağında dura hərəkət edə! Yəni Samir Cəfərov kimdirsə, ptrezidentin qabağında farağat dura bilər, ancaq hərəkət edə bilməz!

Xəbəri bir dəfə də oxuyub gördüm ki, “hərəkət” deyil, “hərəkat”dır. Mən bilmirəm “hərəkat” nədir, öz də milli “hərəkat”. Yəqin quyruq bulamaq kimi bir zaddır. Yəni bir dəstə adam yığılıb quyruq bulayır, adlarını da qoyurlar partiya…

Mən bu Samir Cəfərov haqqında İnternetdə bir kəlmə məlumat tapmadım. Bilmək olmur ki, bu qurumsaq kimdir, nəçidir, partiyasını necə yaradıb, bu partiyada neçə baş adam var. Yəni neçə quyruq adam var…

İnternetdə başqa bir Samir Cəfərov haqqında məlumat var. Gəncə filarmoniyasının direktorudur. Şəklinə baxan kimi ürəyimə damddı ki, bu adam gəncəli deyil. Doğrudan da gəncəli deyilmiş, naxçıvanlı imiş…

Ah Gəncə, vah Gəncə, yazıq Gəncə… Elə bil ki, Nizami Gəncəvi öləndə şəhəri tilsimləyib, səkkiz yüz əlli ildir ki, bu şəhərdən bir götlü-başlı adam çıxmır ki, balaca bir filarmoniyaya rəhbərlik edə bilsin…

Bununla işimiz yoxdur…

Məni darıxdıran “partiya rəhbəri” Samir Cəfərovdur. İndi deyəsən məni Ədalət Vəliyev də maraqlandırır. Çünki deyəsən bu cənab Vəliyev ailəsini qoyub qaçan ya evdən qovulan, vağzallarda, hasar dibində yatan kişiləri tapıb salır hamama, sabirabadlılar demikən, qəssum-şalvar geyindirir, sonra onlarla şəkil çəkdirib yayır ki, mən partiya rəbəriylə görüşmüşəm…

Ay cənab Vəliyev, Allahdan qorx, qiyamət var, divan var, o dünyada sənin bədəninə qıpqırmızı qızarmış şiş basacaqlar ki, niyə Azərbaycan xalqını barmağına dolayırdın! Mənim sənə yazığım gəlir, ay cənab Vəliyev! Gəl bu yoldan qayıt, get məsciddə tövbə elə, bəlkə Allah günahından keçə…

Hə, Əli Kərimlinin də pasportunu qaytarın. Pasportu qanunsuz almaq oğurluqdir. Oğurluğa görə qiyamətdə sizin zülmünüz ağır olacaq, kösövlə dalınıza od qoyacaqlar…

Nehrəmli Samir Cəfərovun möhürünə and olsun!

Mirzə ƏLİL

07. 08. 2020, Samara

RAZİ NURULLAYEV: «YAPÇIYA İNDƏN BELƏ YOLDAŞAM MƏN…»

Əli Kərimlinin keçmiş mübarizə yoldaşı Razi Nurullayev partyasının adını dəyişib, dəyişən kimi də onlayn qurultay keçirib. Məruzəsini isə Segah təsnifi ilə bitirib:

Yapçıya indən belə yoldaşam mən,
Bir də dönəm cəbhəyə, oğraşam mən…

Deyilənlərə görə, şeirin müəllifi ya Baba Vəziroğlu ya da Ramiz Rövşəndir… Guya bu şeiri Əliağa Vahidə nəzirə kimi yazıblar. Bu da Vahid poeziyasının bu gün üçün də aktuallığını göstərir…

Mirzə ƏLİL

28.07. 2020, Samara

ƏLİ ƏHMƏDOV: DEPUTADO, CASADO… ESTAFADOR…

Düzdür, mənim dediklərimə qulaq verən, yazdıqlarımı oxuyan çox azdır, ancaq bu azların da çoxu məni millət düşməni adlandırır. Mən incimirəm, ancaq əslində bəlkə də mən millətin düşməni deyiləm, millət mənim düşmənimdir…

Kim nə deyir, desin, ancaq mənim də öz fikrimi deməyə haqqım var.

İndi mən Ermənistan azərbaycanlılarından danışmaq istəyirəm. Bəziləri üçün azərbaycanlıların Ermənistandan köçürülməsi faciədir. Mən də belə fikirləşirəm. Ancaq nəzərdə ayrı şeyi tuturam. Yəni fikriləşirəm ki, Fəzail Ağamalı kimi bir azərbaycanlının Ermənistandan Azərbaycana gəlməyi faciədir. Xüsusən Salyan və Neftçala üçün, milli parlament üçün. Mən əminəm ki, hər hansı yad millətin nümayəndəsi, lap moltanı özü də Azərbaycan millətinə, xüsusən Salyan və Neftçala əhalisinə Fəzail Ağamalı qədər ziyan vura bilməzdi.

Və belə ermənistanlı azərbaycanlıları görəndə bu fikrə gəlirəm ki, ermənilər bizim tayfadaşlarımıza orda nəsə bir zad eləyiblər ki, sonra bizim  içərimizə salıb bizi yaman günə qoysunlar. Əlbəttə, ermənilər ordakı azərbaycanlıların hamısına zad eləməyiblər. Ancaq bir hissəsinə eləyiblər və həmin hissədən olan azərbaycanlılar indi Azərbaycanı elə hala salıblar ki, hətta Kür də quruyur.

Mən bu günə qədər Əli Əhmədovun kim , nəçi və haralı olduğunu bilmirdim. Təsadüfən bir saytda onun «açıqlaması»nı oxuyan kimi ürəyimə damdı ki, bu insan Ermənistanlıdır və buna da ermənilər nəsə bir zad eləyiblər. vikipediyaya baxdım – elə imiş. Xalis ermənistanlı. Özü də dərədən. Yəni Dərə kəndindən, hərçənd kəndin ermənicə adı Darakandır.

“Qatıqlama”nın adına baxın: «Milli şuranın nə millət, nə də xalq anlayışları ilə əlaqəsinin olmadığını uşaq da bilir»

Bunu baş nazirin müavimi deyir! Bu sayıqlamada arqument yoxdur, məna yoxdur, bu, balkondan balkona iki heyvərənin davasına bənzəyir. Əslində burda bir heyvərə var. O biri qonşu ziyalı və mədəni insan olduğundan davadan qaçır. Heyvərə isə səsinin gur yerinə salıb deyir ki, sənin arvadın belə, qızın belə…

Baş nazirin müavini! Partiya rəhbəri!

Anlayışla nə əlaqə? Hansı uşaq bilir?

Azərbaycanda hər uşaq başqa şeyi bilir. Uşaq bilir ki, hər icra başçısı oğrudur, rayona gələn kimi əlinə ticarət mərkəzi keçirir, bazar keşirir, balıq nohurları qazdırır, aylıq rüşvət yığır, illərlə əhalini minib çapır. Hamısı da YAP-ın üzvü. Hamısı da Əli Əhmədov kimi «Şöhrət» ordenli. Hərdənbir tutulanda da, türkün məsəli, girməkləri ilə çıxmaqları bir olur.

Hanı Cəmil Həsənlinin bazarı, ticarət mərkəzi, balıq nohurları?

Niyə sən Ermənistandan gəlib Azərbaycandı hampazorluq eləyirsən, muğanlı Əli Kərimli evindən qırağa çıxa bilmir? Bu ölkə sizə darakanlı atalarınızdan qalıb?

Sən niyə bu ölkənin əalisini, milləti heyvan sayırsan? Millətin əkini yanır, mal-qara susuzluqdan mələşir, uşaq-muşaq poxuna bələşir, sən də deyirsən ki. 130 ölkə əlahəzrət prezidenti dəstəkləyir. 130 ölkənin daşı sizin kimi rəhbərlərin başına! Utanmırsan?

İndi öz-özümə fikirləşirəm ki, bu ermənistanılının Azərbaycana nə xeyri var? Ət vermir, südü yoxdur, yumurtası yoxdur (toyuq yumurtasını nəzərdə tuturam). Bu adam Azərbaycan büdcəsinə ayda neçəyə başa gəlir? Hələ yəqin çoxlu biznesləri, qazanc yerləri var. Bundan sonra kim deyə bilər ki, bu insan erməni proyekti deyil? Belə ermənistanlıların millətə vurduğu ziyanı heç bir erməni topu, tankı vura bilməz…

Yaxşı deyiblər ki, hər yasın sonu kefdir. Ya da ayrı cür deyiblər. Azərbaycanlılarda adətən yasın ortasında kef başlayır… Nə isə, mən də acıqlı vaxtımda gördüm Əli Əhmədov haqqında Vikipediyada olan əqalənin ispancası da var. İspancaya tərcümə elətdirib!

A zalım oğlu, sən öz adınla Servantesin müqəddəs dilinə də ləkə gətirirsən!

Ancaq məqaləyə baxanda məni gülmək tutdu. Yəni Əli Əhmədov millət vəkili olmayıb, ispanca “deputado” olub. Əli Əhmədov azərbaycanca evlidir, ispanca “casado”…

Mən Vikipediya redaksiyasına müraciət edib Əli Əhmədov haqqında bir söz artırmalarını xahiş etdim:

“Estafador”…

Mirzə ƏLİL

02.07.2020, Samara

KÜR QURUYUR: PREZİDENT YANINDA MÜŞAVİRƏ

ƏLİYEV: Həzarat! Sizi bura yığmaqda məqsədim Kür çayının durumunu müzakirə etməkdir. Son vaxtlar Kürün quruduğu haqqında mənə məlumatlar gəlir. İndi mən sizdən soruşmaq istəyirəm: Kür niyə quruyur?

SİYAVUŞ NOVRUZOV: Cənab prezident, məlumdur ki, xəyanətkar Xalq Cəbhəsi və Müsavat hakimiyyət başında olanda Kürün suyunu ermənilərə satırdılar. Kür elə o vaxtdan qurumağa başladı. Əli Kərimli indi də altdan-altdan Paşinyana su satır. 

ƏLİYEV: Mən onların ermənilərə benzin satdıqlarını bilirdim, su satdıqlarını indi eşidirəm.

SİYAVUŞ NOVRUZOV: Cənab prezident, Elçibəy benzini ermənilərə satmırdı, havayı verirdi. Kürün suyunu isə satırdı, çünki Ermənistanda Kür suyu yoxdur, ermənilər Kür suyundan ötrü ölürlər.

KƏMALƏDDİN HEYDƏROV: Cənab prezident, Kürdə suyun azalmağının bir səbəbi də balıqların çoxalmağıdır. Biz son illər sizin müdrik rəhbərliyinizlə Kürdə balıqların sayını çox artırmışıq. Balıq da suya həris heyvandır. İçəndə dəvə kimi içir. Ona görə Kürün suyu belə azalıb.

ZAKİR HƏSƏNOV: Cənab prezident, Silahlı qüvvələr istnəliən vaxt, əgər lazım gəlsə, balıqlarla mübarizəyə girişə bilər.

ƏLİYEV: Bu məsələdə zərgər dəqiqliyi ilə işləmək lazımdır. Yəni israfçı balıqları qənaətcil balıqlardan ayırmaq lazımdır.

NƏCMƏDDİN SADIQOV: Я не совсем понял, о чем речь, но Кура паршивая речка, толку от нее никакого.

ƏLİYEV: Sağ ol, Nəcməddin. В целом ты прав. Mən görürəm ki, Mehriban xanımın da sözü var. Buyurun, Mehriban xanım.

MEHRİBAN XANIM: Mən belə düşünürəm ki, Kürün qurumağı heç də fəlakət deyildir. Mən bizim insanlara məsləhət görərdim ki, koka-kola içsinlər, Borjomi içsinlər. Mən indiyəcən Kür suyu içməmişəm, heç bir problemim yoxdur. Mən şəxsən Acaua di Crista Tributo Modigliani içirəm, millətimə də məsləhət görürəm.

ƏLİYEV: Mehriban xanım bunu çox gözəl dedi. Mən də Kür suyu içməmişəm. Mənim də problemim yoxdur. Həzarat, bizim məclisimizdə hörmətli şeyx də iştirtak edir. Əziz şeyx, buyurun, siz də fikrinizi deyin.

ALLAHŞÜKÜR PAŞAZADƏ: Assalamu-aleykum! Əlahəzrət! Qurani-Kərim buyurur ki, insana nə gəlsə, arvaddan gələr. Kürü qurudan arvaddır!

ƏLİYEV: Alik, Allahşükür, sən nə danışırsan, hansı arvad?
ALLAHŞÜKÜR: Cənab prezident, Neftçalada bir arvad xeylağını bələdiyyə üzvü seçiblər. O arvad deputat olandan aləm qarışıb bir-birinə. Dəniz suyu qarışıb Kürün suyuna, Kür başlayıb qurumağa. Əlahəzrət, siz and içmişdiniz ki, nə qədər ki, sağsınız, müxalifət deputat olmayacaq.

ƏLİYEV: Belə şeylər olur, Alik. Mən hərdən Göy Göldə balıq tuturam, bir də gördün baдığın biri torun deşyiyindən çıxıb qaçdı… Bu arvad da yəqin bir deşik tapıb keçib deputatlığa.

ALLAHŞÜKÜR: Əlahəzrət, bu arvad xeylağı Allahın bəlasıdır, şortda gəzir, böyüklərin üzünə ağ olur. O arvad nə qədər ki, deputatdır, bizim çaylarımız quruyacaq, kündəmiz də kütə gedəcək…Vallah, o arvadın fikri məni elə götürüb ki, nə qədər qara atıramsa, yata bilmirəm…

ƏLİYEV: Alik, mən Vilayətə deyərəm, ölçü götürər…

SOĞANBAŞ AQİL ABBAS: Əlahəzrət, canım sizə qurban! Balalarımı ayağınızın altında qurban kəsməyə hazıram! Cənab prezident! Mən uşaq vaxtı bir dəfə qayınatam Məmməd Arazın dalına düşüb getmişdim Salyana, Aşıq Pənaha qonaq. Orda o qədər balıq, kürü yedim ki, gecə yerimə…

 

Müşavirə davam edir…

Mirzə ƏLİL

29. 06. 2020, Samara

AZƏRBAYCANDA ƏSİL AZƏRBAYCANLI BİR MİLYON OLA YA OLMAYA…

Möhtərəm prezidenti möhtərəm İlham Əliyev deyib ki, Azərbaycan dünyanın 29 ölkəsinə pandemiya ilə bağlı yardım göstərib. Bunu eşidib böyük qürur hissi duydum,  çox sevindim və hətta ürəyimdən keçdi ki, kaş mən də o 29 ölkədən birində yaşayaydım, onda mənə də o yardımdan düşərdi…

Ancaq antimilli ünsürlər hay-küy salıblar ki, Azərbaycan o yardımı niyə öz vətəndaşlarına göstərmir? Niyə o yardımı aylarla Dağıstanda həbs düşərgəsi həyatı yaşayan azərbaycanlılar almırlar və niyə onlar öz vətənlərinə buraxılmırlar.

Möhtərəm przident isə ürəyinin yumşaqlığından və toleratntlığından qayıdıb demir ki, elə hər Azərbaycanda yaşayanı ya Azərbaycan pasportu olanı azərbaycanlı saymaq olmaz. Prezident demir, ancaq Mirzə Əlil prezidentə dərin sevgisindən onun fikirlərini uzaqdan-uzağa oxuyur və onunla tamamilə razıdır. Yoxlamamış hardan biləsən ki, Dağıstanda həbs düşərgəsinə qatılanlar nə yuvanın quşudurlar?

Özünüz baxın.

“Meydan” adlı antimilli bir televiziyanın Feysbuk səhifəsinə 561 min adam “layk” qoyub. Yəni ki, yarım milyondan çox azərbaycanlı “Meydan”ın antimilli fəaliyyətini bəyənir və dəstəkləyir. Bu adamları əsil azərbaycanlı saymaq olarmı?

Yox, olnaz! 561 min adamı çıxırıq azərbaycanlıların siyahısından!

Antimilli, fikri-zikri Azərbaycanda siyasi və iqtisadi sabitliyi pozmaq olan “Azalıq” radiosunun səhifəsinə 491 mim “layk” qoyulub. Bu layk qoyanları da çıxdaş edirik.

Yarım milyon da belə getdi.

BBC-nin səhifəsinə 335 min layk. Yəni 335 mini də yazırıq qara siyahıya.

“Azadlıq” qəzetini 263 min bəyənir. Rus demişkən, vot, urodı!

Əli Kərimin səhifəsini 229 min adam bəyənir. Yəni 229 min insan Əli Kərimə qoşulub sabitliyi pozmaq, hakimiyyəti ələ keçirmək və Azərbaycanın sərvətlərini talamaq, Londonda, Dubayda əmlak almaq istəyir.

İstəkləri ürəklərində qalsın!

229 min də belə getdi!

Hələ mən YouTube-dakı laykları saymamışam.

Və bütün bu laykları izləsən, görərsən ki, Azərbaycanda əsil azərbaycanlıların sayı bir milyondan çox olmaz. Yəni mən götürürəm yapçıları, gənc yapçıları, yapçı trolları, millət vəkillərini, icra başçılarını, prokurorları, polisləri və s. Onların sayı bir milyonu aşmaz.

Ancaq Azərbaycanda ən saf, ən təmiz vətəndaşlar Bakıda yaşayan ermənilərdir. Çünki onlar heç vaxt gedib “Azadlıq” radiosuna ya Meydan TV-yə layk qoymazlar.

Yalan təvazö nəyə gərək, Mirzə Əlil də özünü əsil azərbaycanlı sayır. Çünki heç vaxt heç bir antimilli mətbu orqanına ya antimilli ünsürün səhifəsinə “layk” qoymaz. Düzdür, mənə şər atanlar var ki, guya qoyuram. Qoyanın da, yalançının da…

Ona görə Azərbaycan prezidentindən şəxsi yardım almağa tam haqqım var.

Bir də istərdim ki, prezident mənə əməkdar artist adı versin. Ölürəm addan ötrü. Mənə deyirlər ki, ay Mirzə, axı sən artist deyilsən, sənə prezident bu adı necə versin. Mən də deyirəm ki, Ramiz Mehdiyev də alim deyil, ancaq prezident onu qoyub akademiyanın prezidenti. Məhərrəm Əliyev hərbçi deyil, prezident onu qoyub baş hərbi müşavir. İndi mənə niyə əməkdar artist adı verməsin.

Verməsə, bəlkə mən də gedib qoşuldum antimilli ünsürlərə…

18.06. 2020, Samara

ƏLİ KƏRİMLİNİN MAŞINA AĞIR XƏSARƏTLƏR YETİRMƏKLİYİ

Günlərin bir Günü Əli Kərimli evdən çıxır ki, mitinqə getsin. Hökumət adamları da həmişə Kərimlinin qapısında farağat dayınırlar ki, qulluğunda olsunlar. Onlar müxalifət liderini görüb qabağını kəsirlər ki, Əli bəy, qulluğunda olaq, hara təşrif buyurursunuz, bəs minin maşına, aparaq. Əli bəy deyir ki, yaxında mitinq var, ora gedirəm, ancaq mən maşına minmirəm, həkim buyurub ki, piyada gəzim. Hökumət adamlarının böyüyü deyir ki, ay Əli bəy, həkim piyada gəzməyi asudə vaxtında buyurub, sən mitinqə gedirsən, gəl min maşına, birdən yubanarsan. Əli bəy yenə deyir ki, yox, piyada gedəcək. Hökumət adamları elə bilirlər ki, Əli Kərim utandığından maşına minmk istəmir. Nəzakətlə qoluna girib ədəblə maşına mindirirlər. Ancaq maşına minən kimi elə bil Əli Kərimlinin başına hava gəlir, başlayır hökumət adamlarına və maşının ora-burasına kəllə atmağa. Bu hökumət adamları hamısı yaxşı təlim gördüklərinə görə kəllə onlara bir şey eləmir, ancaq maşın çox zərif, incə-mincə  olduğundan ağır xəsarətlər alır. Şahidlərin dediyinə görə, aldığı zərbələrdən maşın altını bulayıb — benzin, yağ qarışıb bir-birinə…İndi maşının vəziyyəti orta ağırlıqdadır. Yaxşı mütəxəssislər, o cümlədən xaricdən gələnlər maşına baxıblar, tezliklə konsilium olacaq. Hələlik baxıb başlarını bulayırlar. Möhtərəm prezident iki dəfə zəng vurub maşının vəziyyətini soruşub. Baş nazir Əli Əsədov şəxsən maşına baş çəkib və onun zədələrinə baxanda elə kövrəlib ki, şalvarınacan isladıb…

Neçə ildir Əli Kərimli haray çəkir ki, ona xarici pasport vermirlər, xaricə buraxmırlar. Özünüz deyin, belə adamı xaricə necə buraxmaq olar? Deyək ki, Əli Kərimliyə pasport verdilər, o da gedib oturdu Bakı-Paris təyyarəsinə. Birdən təyyarədə başlasa kəllə atmağa, onda necə? Yenə kəlləni yerdə atsa, yaxşıdır. Birdən cinləri göyün üzündə oyansa? Təyyarə kəllə-mayallaq yerə gəlməzmi?

Yox, bu adama pasport vermək olmaz. Bu adamın şəxsiyyət vəsiqəsi də gərək alına və evdən çıxmağına icazə verilməyə. Bu hələ İlham Əliyevi debata çağırır! Nə debat, a kişi! Əlahəzrət prezident səninlə ingiliscə, fransızca fəlsəfə danışacaq, sən də ona kəllə atacaqsan? A kişi, şərini millətdən uzaq elə, get kəlləni evində at!

Əli Kərimlinin ağır xəsarət yetirdiyi maşını söhbəti isə bütün dünyaya yayılıb. Hətta Ermənistannın xaric işlər naziri Məmmədyarovla son telefon söhbətində heç Qarabağdan danışmayıb, elə  maşının vəziyyətini soruşub, özü də ətraflı.

Deyirlər erməni pisdir. Hamısı pis deyil! Bizdən ötrü ürəyi yananlar da var!

 

Mirzə ƏLİL

21.10. 2019, Samara

«MEYDAN GÜNDƏLİYİ». 15-16 MAY 1992

15 — 16 may 1992.Cümə günü. Mütəllibova qarşı silahlı xalq üsyanı günü Bütün qüvvələr Mütəllibova qarşı birləşib. Türkiyə televiziyasının verilişlərini kəsiblər.15.21. 4 maşın (hərbi) yola düşür AXC qərargahı qarşısından. Camaat onların ardınca — piyada.Qərargahın qarşısındakı Üzeyir Hacıbəyli küçəsi başdan-başa adamdır (350 min nəfərdən çoxolar). Axın bu küçədən Rəşid Behbudov kü-çəsinə çatıb sola dönür. Axında böyük əksəriyyətgənclərdir.