VƏTƏN MÜHARİBƏSİNDƏ HƏLAK OLANLAR: QOŞQAR ÜZEYİROV

Qoşqar Üzeyirov (tam adı: Qoşqar Müşviq oğlu Üzeyirov; 26 yanvar 2002; Soltannuxa, Qəbələ rayonu — 7 noyabr 2020; Xocavənd rayonu, Azərbaycan) — Azərbaycan Silahlı Qüvvələrinin əsgəri.

Qoşqar Üzeyirov Müşviq oğlu 2002-ci il 26 yanvar tarixində Qəbələ rayonunun Soltannuxa kəndində anadan olub. Atası Üzeyirov Müşfiq Birinci Qarabağ müharibəsi veteranıdır. Orta təhsilini 2008-2019 illəri arasında Qəbələ rayonu Soltannuxa kənd məktəbində alıb.

2020-ci ilin yanvar ayında həqiqi hərbi xidmətə çağrılıb.  2020-ci il sentyabrın 27-də Ermənistan işğalı altında olan ərazilərin azad edilməsi üçün başlanan Vətən müharibəsində Ağcabədi, Ağdam və Xocavənd istiqamətində gedən döyüşlərdə iştirak edib. Noyabrın 7-də Xocəvənd istiqamətində gedən döyüşlər zamanı həlak olub. 21 noyabr 2020-ci ildə Soltannuxa kənd qəbristanlığında dəfn edilib.