QARABAĞ UĞRUNDA HƏLAK OLANLAR: RƏHİM DADAŞOV

Rəhim Möhübbət oğlu Dadaşov (7 yanvar 2003, Sumqayıt, Azərbaycan – 23 dekabr 2021, Laçın rayonu) — Azərbaycan Silahlı Qüvvələrinin əsgəri.

Rəhim Möhübbət oğlu Dadaşov 7 yanvar 2003-cü ildə Sumqayıt şəhərində anadan olub.Əslən Zəngilan rayon Qıraq Müşlan kəndindəndir. Ailənin bir övladı olub.

Rəhim Dadaşov 2021-ci ildə yanvar ayında hərbi xidmətə yola düşüb.

23 dekabr 2021-ci il Laçın rayonu istiqamətində ermənilərin açdığı snayper atəşi nəticəsində hərbi qulluqçumuz əsgər Dadaşov Rəhim Möhübbət oğlu həlak olub. Nəşi 24 dekabr 2021-ci ildə  Sumqayıt şəhərinə gətirilib və  Şəhidlər Xiyabanında dəfn edilib.

Реклама

VƏTƏN MÜHARİBƏSİNDƏ HƏLAK OLANLAR: İLKİN MƏMMƏDOV

İlkin Cəmil oğlu Məmmədov (7 yanvar 1993; Gəncə, Azərbaycan — 2 oktyabr 2020; Kəlbəcər rayonu, Azərbaycan) — Azərbaycan Silahlı Qüvvələrinin əsgəri.

İlkin Məmmədov 7 yanvar 1993-cü ildə Gəncə şəhərində Cəmil Məmmədovun ailəsində anadan olmuşdur.^[1] 1999-2010-cu illərdə Gəncə şəhər 17 nömrəli tam orta məktəbdə təhsil almışdır. Subay idi.

İlkin Məmmədov 2011-ci ildə  hərbi xidmətə çağırılmışdır. Fövqəladə Hallar Nazirliyinə məxsus hərbi hissədə müddətli həqiqi hərbi xidmət etmişdir. Hərbi xidmətini başa vurduqdan sonra  müddətdən artıq həqiqi hərbi xidmət qulluqçusu olmuşdur.

 İlkin Məmmədov 2020-ci il sentyabrın 27-də  Ermənistan işğalı altında olan ərazilərin azad edilməsi  üçün başlanan Vətən müharibəsində atıcı olaraq iştirak etmişdir.  2 oktyabr 2020-ci ildə Murovdağ istiqamətində döyüş tapşırığının yerinə yetirilməsi zamanı həlak olmuşdur. Uzun müddət itkin olaraq axtarılmışdır. Nəşi 20 yanvar 2021-ci ildə tapılaraq Gəncə Şəhidlər Xiyabanında dəfn edilmişdir.