VƏTƏN MÜHARİBƏSİNDƏ HƏLAK OLANLAR: AQİL QULİYEV

Aqil Mətləb oğlu Quliyev (3 dekabr 2000; Bərdə, Azərbaycan — 8 noyabr 2020; Şuşa, Azərbaycan) — Azərbaycan Silahlı Qüvvələrinin əsgəri.

Aqil Quliyev 3 dekabr 2000-ci ildə Bərdədə Mətləb Quliyevin ailəsində anadan olmuşdur.  2006-2017-ci illərdə akademik Zərifə Əliyeva adına Texniki Fənnlər təmayüllü məktəb-liseydə təhsil almışdır. Subay idi.

Aqil Quliyev 2018-ci ildə Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olmuşdur. O, 2020-ci ilin iyunundan Naxçıvan Əlahiddə Ümumqoşun Ordusunun Xüsusi Təyinatlı Bölməsinə tabe olan  hərbi hissədə müddətdən artıq xidmət edirdi.

Aqil Quliyev 2020-ci il sentyabrın 27-də  Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində atıcı və kəşfiyyatçı olaraq  Cəbrayılın, Xocavəndin, Füzulinin, Zəngilanın, Qubadlının və Şuşanın azadlığı uğrunda gedən döyüşlərdə iştirak etmişdir.  8 noyabr 2020-ci ildə Şuşa şəhəri istiqamətində döyüş tapşırığının yerinə yetirilməsi zamanı həlak olmuşdur.

Реклама