VƏTƏN MÜHARİBƏSİNDƏ HƏLAK OLANLAR: VÜSAL GÜLƏLİYEV

Güləliyev Vüsal Azər oğlu (19 noyabr 2001; Siyəzən, — 29 oktyabr 2020; Xocavənd), — Azərbaycan Silahlı Qüvvələrinin əsgəri.

Güləliyev Vüsal Azər oğlu 19 noyabr 2001-ci ildə Siyəzən rayonunda anadan olmuşdur. 2019-cu ildə Siyəzən şəhər 5 saylı tam orta məktəbin 11-ci sinfini bitirmişdir. 2020 -ci ilin yanvarın 6-da həqiqi hərbi xidmətə yollanmışdır. 29 oktyabr 2020-ci il tarixində Xocavənd uğrunda gedən döyüşlərdə həlak olmuşdur.

Реклама

VƏTƏN MÜHARİBƏSİNDƏ HƏLAK OLANLAR: DAVUD ABASOV

Davud Yalçın oğlu Abasov (19 noyabr 1999, Sabirabad, Cəlilabad rayonu – 16 oktyabr 2020, Cəbrayıl rayonu) — Dövlət Sərhəd Xidmətinin Sərhəd Qoşunlarının kiçik giziri.

Davud Abasov 1999-cu il noyabrın 19-da Cəlilabad rayonunun Sabirabad kəndində Yalçın və Vəsilə Abasovların ailəsində anadan olub. 2007-2018-ci illərdə E. Yusubov adına Uzuntəpə kənd tam orta məktəbində təhsil alıb. Subay idi.

Davud Abasov 2018-2020-ci illərdə Dövlət Sərhəd Xidmətinin sıralarında müddətli həqiqi hərbi xidmətdə olub. 2020-ci ildən isə kiçik gizir hərbi rütbəsində xidmət edirdi.

 Davud Abasov 2020-ci il sentyabrın 27-də  Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə iştirak edib. Davud Abasov oktyabrın 16-da Cəbrayıl döyüşləri zamanı həlak olub. Cəlilabad rayonunun Sabirabad kəndində dəfn edilib.