VƏTƏN MÜHARİBƏSİNDƏ HƏLAK OLANLAR: ARAZ MƏMMƏDOV

Araz Telman oğlu Məmmədov (18 noyabr 1980, Şamxor – 28 sentyabr 2020, Murovdağ) — Azərbaycan Silahlı Qüvvələrinin çavuşu.

Araz Məmmədov 1980-ci il noyabrın 18-də Şəmkir şəhərində anadan olub. 1986-1996-cə illərdə Şəmkir şəhərində N. Nərimanov adına 1 nömrəli tam orta məktəbdə təhsil alıb. Ailəli idi. 2 övladı yadigar qaldı.

Araz Məmmədov 2001-2002-ci illərdə Azərbaycan Silahlı Qüvvələrinin Naxçıvan şəhərində yerləşən hərbi hissəsində müddətli həqiqi hərbi xidmətdə olub. 2013-cü ildən isə müddətdən artıq həqiqi hərbi xidmət qulluqçusu idi.

Çavuş Araz Məmmədov 2020-ci il sentyabrın 27-də  Ermənistan işğalı altında olan ərazilərin azad edilməsi üçün başlanan Vətən müharibəsi zamanı Murovdağ istiqamətində gedən döyüşlərdə işttirak edib.. Sentyabrın 28-də Murovdağ döyüşləri zamanı həlak olub. Gəncə şəhərinin Şəhidlər Xiyabanında dəfn edilib.

Реклама

VƏTƏN MÜHARİBƏSİNDƏ HƏLAK OLANLAR: MAYOR XƏYAL MƏMMƏDOV

Xəyal Ağabəy oğlu Məmmədov (18 noyabr 1986; Şəki, Azərbaycan SSR — 20 oktyabr 2020; Qubadlı rayonu, Azərbaycan) — Azərbaycan Silahlı Qüvvələrinin mayoru.

Xəyal Məmmədov 1986-cı il noyabrın 18-də Şəki şəhərində anadan olub. 1993-2001-ci illərdə Şəki şəhərində 5 nömrəli tam orta məktəbdə, 2001-2004-cü illərdə isə Cəmşid Naxçıvanski adına Hərbi Liseydə təhsil alıb. 2004-2008-ci illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb. Hərbi təhsilini aldığı müddətdə bir sıra dövlətlərdə təlimlərdə olub. Ailəli idi. 2 qızı yadigar qaldı.

Mayor Xəyal Məmmədov 2020-ci il sentyabrın 27-də Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın, Hadrut qəsəbəsinin, Füzulinin, Zəngilanın və Qubadlının azadlığı uğrunda gedən döyüşlərdə iştirak edib.  Oktyabrın 20-də Qubadlı döyüşləri zamanı snayper atəşi nəticəsində həlak olub. Şəki şəhərində dəfn edilib.