Daily Archives: 05.07.2022

VƏTƏN MÜHARİBƏSİNDƏ HƏLAK OLANLAR: QƏDİR MƏMİŞOV

Стандартный

Qədir Zülfəli oğlu Məmişov (5 iyul 1989MircəlalSaatlı rayonuAzərbaycan — 2 noyabr 2020Qubadlı rayonuAzərbaycan) — Azərbaycan Silahlı Qüvvələrinin əsgəri.

Qədir Məmişov 5 iyul 1989-cu ildə Saatlı rayonunun Mircəlal kəndində Zülfəli Məmişovun ailəsində anadan olmuşdur. 1995-2006-cı illərdə orta təhsil almışdır. Ailəli idi, 2 övladı yadigar qaldı. İkinci övladı dəfnindən 11 gün sonra dünyaya gəlmişdir.

Qədir Məmişov 2007-ci ildə  hərbi xidmətə çağırılmışdır. 2009-cu ildə hərbi xidmətdən təxris olmuşdur. 

 Qədir Məmişov 2020-ci il sentyabrın 27-dən  Ermənistan işğalı altında olan ərazilərin azad edilməsi üçün başlanan Vətən müharibəsində könüllü olaraq iştirak etmişdir. Cəbrayılın və Qubadlının azadlığı uğrunda gedən döyüşlərdə vuruşmuşdur.  2 noyabr 2020-ci ildə Qubadlı rayonu istiqamətində döyüş tapşırığının yerinə yetirilməsi zamanı həlak olmuşdur. Ertəsi gün Saatlı rayonunun Mircəlal kəndində dəfn edilmişdir