VƏTƏN MÜHARİBƏSİNDƏ HƏLAK OLANLAR: SABİR HÜSEYNOV

Sabir Hüseynov Elşən oğlu (14 dekabr 1999; Siyəzən, — 27 oktyabr 2020; Qubadlı) — Azərbaycan Silahlı Qüvvələrinin əsgəri.

Hüseynov Sabir Elşən oğlu 14 dekabr 1999-cu ildə Siyəzən rayon Yenikənd_(Siyəzən) kəndində anadan olub.  2017-ci ildə orta məktəbi bitirmişdir. 2018-ci ilin yanvar ayında həqiqi hərbi xidmətə yollanmışdır. 2019-cu ilin iyul ayında həqiqi hərbi xidmətini bitirmişdir.  21 sentyabr 2020-ci il tarixində SHXÇDX-nin Siyəzən bölməsi tərəfindən səfərbər edilmiş, Füzuli, Cəbrayıl və Zəngilan istiqamətində gedən ağır döyüşlərdə iştirak etmişdir.

2020-ci ilin oktyabr ayının sonunda həlak olmuşdur. 27 oktyabr tarixində dəfn edilmişdir.

Реклама

VƏTƏN MÜHARİBƏSİNDƏ HƏLAK OLANLAR: XASPOLAD QASIMOV

Xaspolad Fikrət oğlu Qasımov (14 dekabr 1993; Xızı rayonu, Azərbaycan — 6 oktyabr 2020; Füzuli rayonu, Azərbaycan) — Azərbaycan Silahlı Qüvvələrinin kiçik giziri.

Xaspolad Qasımov 1993-cü il dekabrın 14-də Xızı rayonunun Giləzi qəsəbəsində anadan olub.  2011-ci ildə Mikayıl Müşfiq adına Giləzi qəsəbə tam orta məktəbini bitirib hərbi xidmətə yollanmışdır. 

Ailəli idi. Bir oğlu yadigar qaldı.

Xaspolad Qasımov 2020-ci il sentyabrın 27-də  Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayıl və Füzulinin azadlığı uğrunda gedən döyüşlərdə iştirak edib. Oktyabrın 6-da həlak olub.

MƏHKƏMƏ, ƏDALƏT OLMAYAN ÖLKƏNİN HAKİMİ FUTBOL HAKİMİNDƏN NARAZIDIR!

İlham Əliyev futbol hakiminin ədalətsizliyindən hiddətlənib. Bütün ilhampərvərlər də ona qoşulub hiddətlənirlər.

Ədalət məhkəməsi, ədalət olmayan bir ölkədə futbol hakimindən ədalət istəyirlər!

Azərbaycanda məhkəmə sistemi bir institut kimi mövcud deyil, Azərbaycanda bir hakim var, bütün hökmləri o çıxarır. Bu hakim İlham Əliyevdir.

Heykələ iki kəlmə söz yazan iki gəncə İlham Əliyev on ildən artıq iş kəsmşdi. Yer üzündə elə bir futbol hakimi varmı ki, belə ədalətsiz və hampazor qərar çıxara?

Nə qədər siyası fəalın cibinə, evinə narkotk atıb şərləyiblər. Hakim İlham Əliyev onların hamısının haqqında ağır hökmlər çıxarıb.

Şərlənib tutulan Saleh Rüstəmovu İlham Əliyev türmədə çürüdür. Saleh Əliyev əsl qarabağçıdır, “Qarabağ” klubunun muzdluları kimi yox.

Nə qədər gəncin həyatı ədalətsiz hökmlərlə korlanıb, həyatları pozulub. Nəsilləri kəsilənlər var!

Bütün hökmləri çıxaran isə baş hakim İlham Əliyevdir.

Və bu adam futbol hakiminə “kor” deyir…

Qarabağ 0:3 hesabı ilə uduzub. Buna hakim neyləsin?

Yox, siz yaxşı fikriləşin. Şərlənib türmədə çürüdülən Saleh Rüstəmov və onu bu günə qoyan adamın futbol haliminin qərarından hiddətlənməyi – bunu biz yuxuda görmürük, bu bizim millətimizin həyatıdır ya da həyat faciəsidir.

Azərbaycanda bəlkə fikirləşməməmək yaxşıdır. Çox fikirləşsən. gərək başına kül sovurasan…

P.S. Məsəl var: Kor kora kor deməsə…

Mirzə ƏLİL

14.12. 2021, Samara