Daily Archives: 13.12.2021

İLHAM ƏLİYEV DÜNYANIN BÜTÜN KORLARINI TƏHQİR ETDİ…

Стандартный

“Futbolçu”larla görüşdə İlham Əliyev korları təhqir etdi. Təkcə Azərbaycandakı göz əliillərini yox, dünyanın bütün korlarını. “Bu korları bura kim yığıb”? Bunu yaxşı yumor nümunəsi sayan və prezident süfrəsinin tör-töküntüsü ilə qidalanan jurnalistlər bu sözləri iri hərflərlə başlıq verirlər.

Abırlı ölkədə əhalinin çox süvər qrupunu belə təhqir edəm adam bəlkə vəzfəsini itirərdi…

Bəlkə Azərbaycan futbolçularını da korlarla, çolaqlarla müqayisə edək? Çünki nə qaça bilirlər, nə qapını tapıb qol vura bilirlər. Qrup oyunlarını 1:30 hesabı ilə uduzurlar. Buna da hakim günahkardır?

Azərbaycanda furtbol – xülyadır, kabusdur, Azərbaycanda futbol yoxdur, tikilən stadionlar bir qayda olaraq xalqın uşaqlarının üzünə bağlı olur, kənd meydançalarını zəbt edib əkin yerinə çevirirlər, valideynlər uşaqların xəlvət aldığı topu cırırlar ki, iş dalınca, mal-heyvan dalınca getsinlər. Ona görə Qanada, Malidə futbol var, Azərbaycanda yoxdur.

Bun hakimlər günahkar deyil.

Azərbaycan çempionatı – ximerdir, başaldatmadr.

Burda korların nə günahı?

Ayıbdır…

Mirzə ƏLİL

13.12. 2021, Samara

KİPRİKLƏRİN OXDUR…

Стандартный

Adam fikirləşəndə ki, Azərbaycanda iyirmi milyondan artıq göz var, məəttəl qalır. İyirmi milyondan artıq göz! Yəni bu qədər göz qalb bir yanda, antimilli ünsürlər iki gözün davasını eləyirlər. Yəni Tofiq Yaqublunun vurulub şuişirdilən və qaraldılan iki gözünün. Dövlət, onun müzəffər başçısı iyirmi milyondan artıq gözü öz gözü kimi qoryur, buna görə sağ ol deyən yoxdur. Cəmi ikicə göz zədələnib, haray qoparıblar. Ayıb olsun! Müzəffərin xidmətləri gözünüzdən gəlsin!

Kim vurub qaraldıb o iki gözü? Vuranları axtarmaqdan. Vilayət Eyvazovun gözlərinin qarası gedib, qalıb ağara-ağara. Elə gözləri ağara-ağara Vilayət general deyir ki, bunu polis eləməyib. Hərçənd eləməyə haqqı var. Yəni əgər Yaqublu polis tərəfindən qanunsuz tədbirdən aparılarkən polislərin həyatına təhlükə yaradardısa, onda polis nəinki onun gözlərini qaraldardı, hətta çıxara da bilərdi. Çıxarıb qoyardı ovcuna. Yox, ovcuna yox, Yaqublunun əlləri qandallı olub. Çıxarıb basardı ağzına.

İndi mən fikirləşirəm ki, bəlkə elə doğrudan da Yaqublu onu aparan polislərin həyatına təhlükə yaradırmış? Ancaq necə? Axı əllər qandallıdır!

Burda mənim yadıma … Yox, Leyli-Məcnun əhvalatı yox, yadıma bir mahnı düşdü. “Kipriklərin oxdur, qaşın kamandır…”

Heç şübhə yoxdur! Yaqublu yəqin polislərə kiprikləriylə ox atırmış. Kiprik də yava şeydir. Adamın öz gözünə düşəndə beyni çalxalanır. Gör başqasının gözünə atanda o yazıq nə çəkir…

İndi polis öz gözlərini xilas etmək üçün Yaqublunun gözlərini vurub qaraltmasın, bəs neyləsin? Gözləsin ki, Yaqublu onu kor eləsin? Koru sonra polisdə kim saxlar? Allah eləməsin, sabah general Eyvazon gözlərinin işığını itirsə, müzəffər rəhbərimiz onun dalından tpik vurub vəzifədən qovar. Kor generaldan nə nazir?

Yəni ki, əlbəttə, Yaqublunu polis döyməyib. Döyübsə də, yaxşı döyüb.

Vilayət Eyvazova isə növbəti general ulduzu verib AzTV vasitəsəylə onun üçün “Kipriklərin oxdur” mahnısını çaldırmaq lazımdır…

Mirzə ƏLİL

13.12. 2021, Samara

VƏTƏN MÜHARİBƏSİNDƏ HƏLAK OLANLAR: ŞAHADƏT ÜSÜFOV

Стандартный

Şahadət Qalib oğlu Üsüfov (13 dekabr 2000GöylərŞamaxı rayonu – 10 oktyabr 2020Füzuli rayonu) — Azərbaycan Silahlı Qüvvələrinin müddətdən artıq hərbi xidmətçisi (əsgər).

Şahadət Üsüfov 2000-ci ilin dekabr 13-də Şamaxı rayonunun Göylər kəndində anadan olub. 2006-2017-cı illərdə Ə.Məmmədov adına 1 saylı Göylər kənd tam orta məktəbində təhsil alıb. 2018-ci ildə müddətli həqiqi hərbi xidmətə çağırılıb.

Azərbaycan Ordusunun kiçik çavuşu olan Şahadət Üsüfov 2020-ci il sentyabrın 27-də  Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzulinin azadlığı uğrunda gedən döyüşlərdə iştirak edib. Oktyabrın 10-da həlak olub. Şamaxı rayonunun Göylər kəndində dəfn edilib.

VƏTƏN MÜHARİBƏSİNDƏ HƏLAK OLANLAR: HAKİM BAXIŞOV

Стандартный

Hakim Səyyar oğlu Baxışov (13 dekabr 2000TopbağQəbələ rayonuAzərbaycan — 28 sentyabr 2020Kəlbəcər rayonuAzərbaycan) — Azərbaycan Silahlı Qüvvələrinin əsgəri.

Hakim Baxışov 13 dekabr 2000-ci ildə Qəbələ rayonunun Topbağ kəndində anadan olmuşdur.[1] Orta təhsilini Qəbələ rayon Yenikənd kənd tam orta məktəbində almışdır.

Hakim Baxışov 2019-cu ilin yanvarından Azərbaycan Silahlı Qüvvələrinin sıralarında müddətli həqiqi hərbi xidmət etmişdir. Hərbi xidmətini müddətdən artıq həqiqi hərbi xidmət hərbi qulluqçusu olaraq davam etdirmişdir.

 Hakim Baxışov 2020-ci il sentyabrın 27-də  tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir.  28 sentyabr 2020-ci ildə Murovdağ istiqamətində döyüş tapşırığının yerinə yetirilməsi zamanı həlak olmuşdur.