VƏTƏN MÜHARİBƏSİNDƏ HƏLAK OLANLAR: İNTİQAM ŞİRƏLİYEV

İntiqam Bəxtiyar oğlu Şirəliyev (3 noyabr 1997; Göyçay rayonu, Azərbaycan — 29 sentyabr 2020; Kəlbəcər rayonu, Azərbaycan) — Azərbaycan Silahlı Qüvvələrinin baş əsgəri.

İntiqam Şirəliyev 1997-ci il noyabrın 3-də Göyçay rayonunun Potu kəndində anadan olub.

 İntiqam Şirəliyev 2020-ci il sentyabrın 27-də  Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Murovdağ istiqamətində gedən döyüşlərdə iştirak edib. Sentyabrın 29-da Murovdağ döyüşləri zamanı həlak olub. Göyçay rayonunun Potu kəndində dəfn edilib.

VƏTƏN MÜHARİBƏSİNDƏ HƏLAK OLANLAR: NADİR XƏLİLOV

Nadir Ağadadaş oğlu Xəlilov (3 noyabr 1984, Artupa, Astara rayonu – 30 sentyabr 2020, Füzuli rayonu) — Azərbaycan Silahlı Qüvvələrinin giziri.

Nadir Xəlilov 1984-cü il noyabrın 3-də Astara rayonunun Artupa kəndində anadan olub.  Ailəli idi. Ağadadaş və Nihad adında 2 oğlu yadigar qaldı.

 Nadir Xəlilov 2020-ci il sentyabrın 27-də  Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə iştirak edib. Nadir Xəlilov sentyabrın 30-da Füzuli döyüşləri zamanı həlak olub.

VƏTƏN MÜHARİBƏSİNDƏ HƏLAK OLANLAR: LEYTENANT QİSMƏY HƏMƏŞƏYEV

Qismət Oruc oğlu Həməşəyev (3 noyabr 1988, Rostov, Yaroslavl vilayəti – 26 oktyabr 2020, Füzuli rayonu) — Azərbaycan Silahlı Qüvvələrinin leytenantı.

Qismət Həməşəyev 1988-ci il noyabrın 3-də Rusiya Federasiyasının Rostov şəhərində anadan olub.

Qismət Həməşəyev 2020-ci il sentyabrın 27-də  Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə iştirak edib.  Oktyabrın 26-da həlak olub. Qazax rayonunda dəfn edilib.