Daily Archives: 02.11.2021

VƏTƏN MÜHARİBƏSİNDƏ HƏLAK OLANLAR: LEYTENANT MURTUZ ABBASOV

Стандартный

Murtuz Çingiz oğlu Abbasov (2 noyabr 1998Lerik rayonuAzərbaycan — 28 oktyabr 2020Zəngilan rayonuAzərbaycan) — Azərbaycan Silahlı Qüvvələrinin Sərhəd Qoşunlarının leytenantı.

Murtuz Abbasov 1998-ci il noyabrın 2-də Lerik rayonunun Soru kəndində anadan olub.

 Murtuz Abbasov 2020-ci il sentyabrın 27-də  Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Zəngilanın azadlığı uğrunda gedən döyüşlərdə iştirak edib. Oktyabrın 28-də Zəngilan döyüşləri zamanı Mincivan istiqamətində həlak olub. Lerik rayonunda dəfn edilib.

VƏTƏN MÜHARİBƏSİNDƏ HƏLAK OLANLAR: SƏRXAN ABDULLAYEV

Стандартный

Sərxan Elxan oğlu Abdullayev (2 noyabr 1988QazaxAzərbaycan SSR — 27 sentyabr 2020Kəlbəcər rayonuAzərbaycan) — Azərbaycanın Daxili İşlər Nazirliyinin Daxili Qoşunlarının «Qartal» Xüsusi Təyinatlı Dəstəsinin giziri.

Sərxan Abdullayev 1988-ci il noyabrın 2-də Qazax şəhərində anadan olub. Atası — Birinci Qarabağ müharibəsinin veteranı Elxan Abdullayevdir. 1995-2006-cı illərdə Qazax şəhərində M. Hüseyn adına humanitar və təbiət fənnləri üzrə liseydə təhsil alıb. Cəmilə Abdullayeva ilə ailəli idi. Orxan və Turan adında 2 övladı yadigar qaldı.

Sərxan Abdullayev 2006-2008-ci illərdə DİN Daxili Qoşunlarının Nərimanov rayonunda yerləşən «N» saylı hərbi hissəsində müddətli həqiqi hərbi xidmətdə olub. 2008-ci ildən isə DİN Daxili Qoşunlarının Zaqatala rayonunda yerləşən «N» saylı hərbi hissəsində müddətdən artıq həqiqi hərbi xidmət qulluqçusu idi.  Sərxan Abdullayev 2020-ci il sentyabrın 27-də  Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsinin elə birinci günü  Murovdağ istiqamətində həlak olub. Qazax rayonunun Ağköynək kəndində dəfn edilib.

VƏTƏN MÜHARİBƏSİNDƏ HƏLAK OLANLAR: ƏHMƏD MOLLAÇİYEV

Стандартный

Əhməd Rəcəb oğlu Mollaçiyev (2 noyabr 1997MollaçıbinəBalakən rayonu — 25 oktyabr 2020Füzuli rayonuAzərbaycan) — Azərbaycan Silahlı Qüvvələrinin əsgəri.

Əhməd Mollaçiyev 1997-ci il noyabrın 2-də Balakən rayonunun Mollaçıbinə kəndində anadan olub.

2004-2013-cü illərdə Ə.Şirinov adına Qaravəli kənd tam orta məktəbində təhsil alıb.

Subay idi.

Əhməd Mollaçiyev 2016-cı ildə müddətli həqiqi hərbi xidmətə çağırılıb. 2016-2017-ci illərdə Azərbaycan Silahlı Qüvvələrinin Ağcabədi rayonunda yerləşən “N” saylı hərbi hissəsində xidmət edib.  2016-ci ilin 2-5 aprelində baş verən döyüşlərin iştirakçısı olub.

 Əhməd Mollaçiyev 2020-ci il sentyabrın 27-də  Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayıl və Füzulinin azadlığı uğrunda gedən döyüşlərdə könüllü olaraq iştirak edib.

Əhməd Mollaçiyev oktyabrın 25-də Füzuli döyüşləri zamanı həlak olub. Balakən rayonunun Mollaçıbinə kəndində torpağa tapşırılıb.