Daily Archives: 01.11.2021

VƏTƏN MÜHARİBƏSİNDƏ HƏLAK OLANLAR: SAMİR QƏFƏRLİ

Стандартный

Samir Qəfərli (tam adı: Samir Möhlət oğlu Qəfərli; 1 noyabr 1994BərgüşadUcar rayonuAzərbaycan – 30 oktyabr 2020LaçınAzərbaycan) — Azərbaycan Silahlı Qüvvələrinin əsgəri.

Samir Qəfərli 1 noyabr 1994-cü ildə Ucar rayonunun Bərgüşad kəndində anadan olmuşdur.  2012-ci ildə orta məktəbi bitirən Samir Azərbaycan Dövlət Mədəniyyət və İncəsənət Universitetinin kulturologiya fakültəsinə qəbul olmuşdur. Muzeyşünaslıq, arxiv işi və abidələrin qorunması ixtisası ilə təhsilini davam etdirmişdir. Təhsilində bir müddət fasilə yaranan Samir 2016-cı ildə təhsilini yenidən davam etdirmiş və 2019-cu ildə həmin məktəbi bitirmişdir. Təhsil aldığı müddətdə Samir Qəfərli Xəzər TV-də yayımlanan «Ata ocağı» serialına çəkilmişdir. 2019-cu ilin oktyabr ayında  hərbi xidmətə yollanmışdır.

 Samir Qəfərli 2020-ci il sentyabrın 27-dən  Ermənistan işğalı altında olan ərazilərin azad edilməsi üçün başlanan Vətən müharibəsində iştirak etmişdir. Sonuncu dəfə ailəsi ilə 15 oktyabrda əlaqə saxlamışdır. CəbrayılınQubadlının azad edilməsi uğrunda gedən döyüşlərdə iştirak etmiş,  30 oktyabr 2020-ci ildə Laçın istiqamətində həlak  olmuşdur. 31 oktyabr 2020-ci ildə Ucar rayonunun Bərgüşad kəndində anasının yanında torpağa tapşırılmışdır.

Subay idi.

VƏTƏN MÜHARİBƏSİNDƏ HƏLAK OLANLAR: FƏRYAD XƏLİLOV

Стандартный

Fəryad Fəxri oğlu Xəlilov (1 noyabr 1999HüsülüAğcabədi rayonuAzərbaycan — 27 oktyabr 2020 (dəfn tarixi); Qubadlı rayonuAzərbaycan) — Azərbaycan Silahlı Qüvvələrinin əsgəri.

Fəryad Xəlilov 1 noyabr 1999-cu ildə Ağcabədi rayonunun Hüsülü kəndində anadan olmuşdur. Cavad Həsənov adına Ağcabədi rayon Hüsülü kənd tam orta məktəbində orta təhsil, Həmçinin, Hüsülü kəndində yerləşən yeddiillik musiqi məktəbinin piano şöbəsində musiqi təhsili almışdır.

Fəryad Xəlilov 2018-2019-cu illərdə Azərbaycan Silahlı Qüvvələrinin sıralarında müddətli həqiqi hərbi xidmət qulluqçusu olmuşdur.  Fəryad Xəlilov 2020-ci il sentyabrın 27-də Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində  Cəbrayılın və Qubadlının azadlığı uğrunda gedən döyüşlərdə iştirak etmiş,  Qubadlı rayonu istiqamətində həlak olmuşdur. 27 oktyabr 2020-ci ildə Ağcabədi Şəhidlər Xiyabanında dəfn edilmişdir.

VƏTƏN MÜHARİBƏSİNDƏ HƏLAK OLANLAR: AZƏR ƏLİYEV

Стандартный

Azər Dilafət oğlu Əliyev və ya Azər Dilafər oğlu Əliyev (6 yanvar 1999Yuxarı QiyaməddinliAğcabədi rayonu – 28 yanvar 2021BakıAzərbaycan) — Azərbaycan Silahlı Qüvvələrinin əsgəri.

Azər Əliyev 6 yanvar1999-cu ildə Ağcabədi rayonununYuxarı Qiyaməddinlindində anadan olmuşdur.  Ailəli idi, Nəzrin adlı qızı və şəhid olmasından sonra doğulan 29.04.2021-ci ildə doğulan  Əli adlı oğlu yadigar qaldı.

Orta məktəbi bitirdikdən sonra hərbi xidmətə yollanan Azər Əliyev hərbi xidmət müddəti bitdikdən sonra müddətdən artıq həqiqi hərbi xidmət qulluqçusu olmuşdur.  Azər Əliyev 2020-ci il sentyabrın 27-dən Ermənistan işğalı altında olan ərazilərin azad edilməsi üçün başlanan Vətən müharibəsində FüzulininCəbrayılın və Xocavəndin azadlığı uğrunda gedən döyüşlərdə iştirak etmişdir. 15 oktyabr 2020-ci ildə Xocavənd istiqamətində gedən döyüşlərdə döyüş tapşırığını yerinə yetirərkən ağır yaralanmış və xəstəxanaya yerləşdirilmişdir. Uzun müddət koma vəziyyətində olan Azər Əliyev 28 yanvar 2021-ci ildə müalicə aldığı xəstəxanada vəfat etmişdir. 29 yanvar 2021-ci ildə doğulduğu Ağcabədi rayonunun Yuxarı Qiyaməddinli kəndində torpağa tapşırılmışdır.