VƏTƏN MÜHARİBƏİNDƏ HƏLAK OLANLAR: AYDIN RÜSTƏMOV

Rüstəmov Aydın Elxan oğlu (17 avqust 1997, Gəncə – 7 oktyabr 2020, Xocavənd rayonu) — Vətən Müharibəsi şəhidi.

Rüstəmov Aydın Elxan oğlu 17 avqust 1997-ci ildə Gəncə şəhərində anadan olub.Gəncə şəhərində yerləşən 32 saylı orta məktəbi bitirib.

Aydın, 2015-ci ildə Universitetə qəbul olub. 2019-cu ildə, 4 kursda oxuyurkən təhsili dondurub və əsgərliyə getmək qərarına gəlib.

Aydın 1 il 4 ay əsgərliyini çəkərkən 27 sentyabr 2020 ildə Beylaqana ezam olunub. Rabitəçi olarkən, Füzuli rayonu uğrunda gedən döyüşlərdə travma alıb. Birinci tibbi yardım alıb və sonra yenidən döyüşlərə qatılıb. Xocavənd uğrunda gedən döyüşlərdə həlak olub. 7 noyabr tarixində Gəncə şəhəri Şəhidlər Xiyabanında dəfn edilib.

vikipediya

VƏTƏN MÜHARİBƏSİNDƏ HƏLAK OLANLAR: VÜQAR ƏMRAHOV

Vüqar Mübariz oğlu Əmrahov (17 avqust 1994; Xatınlı, Tovuz rayonu — 2 oktyabr 2020; Kəlbəcər rayonu, Azərbaycan) — Azərbaycan Silahlı Qüvvələrinin əsgəri.

Vüqar Əmrahov 1994-cü il avqustun 17-də Tovuz rayonunun Xatınlı kəndində anadan olub. 2000–2011-ci illərdə F. Qasımov adına Xatınlı kənd tam orta məktəbində təhsil alıb.

Vüqar Əmrahov 2012–2014-cü illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. Vətən müharibəsinə qədər Azərbaycan Silahlı Qüvvələrinin sıralarında müddətdən artıq həqiqi hərbi xidmət hərbi qulluqçusu idi.

Azərbaycan Silahlı Qüvvələrinin əsgəri olan Vüqar Əmrahov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Murovdağın azadlığı uğrunda gedən döyüşlərdə savaşıb. Vüqar Əmrahov oktyabrın 2-də Murovdağ döyüşləri zamanı iştirak edib olub. Nəşi uzun müddət tapıla bilməyib. Dekabrın 25-də Tovuz rayonunun Xatınlı kəndində dəfn edilib.

VƏTƏN MÜHARİBƏSİNDƏ HƏLAK OLANLAR: SƏNAN ZAMANOV

Sənan Qahir oğlu Zamanov (17 avqust 1987; Qusar rayonu, Azərbaycan SSR — 1 oktyabr 2020; Tərtər rayonu, Azərbaycan) — Azərbaycan Silahlı Qüvvələrinin mayoru.

Sənan Zamanov 1987-ci il avqustun 17-də Qusar rayonunun Çiləgir kəndində anadan olub.  Milliyyətcə ləzgi idi.

Azərbaycan Ordusunun mayoru olan Sənan Zamanov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə iştirak edib. Sənan Zamanov oktyabrın 1-də Suqovuşan döyüşləri həlak olub. Qusar rayonunun Çiləgir kəndində dəfn edilib.