Daily Archives: 13.08.2021

VƏTƏN MÜHARİBƏSİNDƏ HƏLAK OLANLAR: LEYTENANT AZƏR ŞƏMİLOV

Стандартный

Azər Elyas oğlu Şəmilov (13 avqust 1971QapanlıMirbəşir rayonu – 14 oktyabr 2020Tərtər rayonu) — Azərbaycan Silahlı Qüvvələrinin leytenantı və hərbi tibb qulluqçusu.

Azər Şəmilov 1971-ci il avqustun 13-də Tərtər rayonunun Qapanlı kəndində anadan olub.  1978-1986-cı illərdə Soyulan kənd tam orta məktəbində, 1986-1988-ci illərdə isə Kimya-Biologiya Təmayüllü Liseydə təhsil alıb. 1994-2000-ci illərdə Azərbaycan Tibb Universitetində (ATU) ali təhsil alıb. Ailəli idi. 2 övladı yadigar qaldı.

1988-1990-cı illərdə Sovet Ordusunun sıralarında müddətli həqiqi hərbi xidmətdə olub. 1991-1994-cü illərdə Birinci Qarabağ müharibəsində savaşıb.

Azərbaycan Ordusunun tibb xidməti leytenantı olan Azər Şəmilov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Suqovuşanın və Talışın azadlığı uğrunda gedən döyüşlərdə yaralı hərbçiləri döyüş meydanından çıxarıb.

Azər Şəmilov oktyabrın 14-də Talış döyüşləri zamanı həlak olub. Bərdə rayonunun Kələntərli kəndində dəfn edilib.

VƏTƏN MÜHARİBƏSİNDƏ HƏLAK OLANLAR: KAPİTAN HƏMİDAĞA HÜSEYNZADƏ

Стандартный

Həmidağa Bağı oğlu Hüseynzadə (13 avqust 1990BakıAzərbaycan SSR — 28 sentyabr 2020Kəlbəcər rayonuAzərbaycan) — Azərbaycan Silahlı Qüvvələrinin kapitanı.

Həmidağa Hüseynzadə 1990-cı il avqustun 13-də Bakı şəhərində anadan olub.  2008-2012- ci illərdə Heydər Əliyev adına Azərbaycan Ali Hərbi Məktəbində ali hərbi təhsil alıb.

Ailəli idi. Bir qız övladı yadigar qaldı.

Həmidağa Hüseynzadə 2016-cı ilin 2-5 aprelində baş verən döyüşlərdə iştirak etmişdir.

Azərbaycan Ordusunun kapitanı olan Həmidağa Hüseynzadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Kəlbəcər rayonunun Murovdağ istiqamətində gedən döyüşlərdə iştirak edib. Həmidağa Hüseynzadə sentyabrın 28-də Murovdağ döyüşləri zamanı həlak olub.

VƏTƏN MÜHARİBƏSİNDƏ HƏLAK OLANLAR: ANAR HÜSEYNLİ

Стандартный

Anar Saday oğlu Hüseynli (13 avqust 1994; TəzəkəndŞəmkir rayonu — 8 noyabr 2020; Şuşa rayonuAzərbaycan) — Azərbaycan Silahlı Qüvvələrinin əsgəri.

Anar Hüseynli 1994-cü il avqustun 13-də Şəmkir rayonunun Təzəkənd kəndində anadan olub.  2000–2011-ci illərdə S. Vurğun adına Təzəkənd kənd tam orta məktəbində təhsil alıb. Subay idi.

Anar Hüseynli 2012–2013-cü illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub.

Azərbaycan Silahlı Qüvvələrinin əsgəri olan Anar Hüseynli 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı FüzuliQubadlı və Şuşanın azadlığı uğrunda gedən döyüşlərdə könüllü olaraq iştirak edib. Anar Hüseynli noyabrın 8-də Şuşa döyüşləri zamanı həlakolub. Şəmkir rayonunun Təzəkənd kəndində dəfn edilib.