HƏMYERLİMİZ BAYNUR İSAYEVİN VAXTSIZ VƏFATINDAN BİR İL ÖTDÜ…

Bir il bundan əvvəl samaralı sahibkar, Şəmkir əsilli həmyerlimiz Baynur İsayev vaxtsız vəvat edib…

VƏTƏN MÜHARİBƏSİNDƏ HƏLAK OLANLAR: SƏRXAN MİRZƏMMƏDOV

Sərxan Osman oğlu Mirzəmmədov (3 avqust 1998; Xaçmaz rayonu, Azərbaycan — 9 oktyabr 2020; Ağdərə, Azərbaycan) — Azərbaycan Silahlı Qüvvələrinin kiçik çavuşu.

Sərxan Mirzəmmədov 1998-ci il avqustun 3-də Xaçmaz rayonunun Mirzəməmmədqışlaq kəndində anadan olub. Subay idi.

Azərbaycan Ordusunun kiçik çavuşu olan Sərxan Mirzəmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə iştirak edib. Sərxan Mirzəmmədov oktyabrın 9-da Ağdərə istiqamətində həlak olub.

VƏTƏN MÜHARİBƏSİNDƏ HƏLAK OLANLAR: ZAMAN MƏMMƏDOV

Zaman Habil oğlu Məmmədov (3 avqust 1995, Şahtaxtı, Naxçıvan Muxtar Respublikası – 30 oktyabr 2020, Şuşa) — Azərbaycan Silahlı Qüvvələrinin kiçik çavuşu.

Zaman Məmmədov 1995-ci il avqustun 3-də Kəngərli rayonunun Şahtaxtı kəndində anadan olub.  2002-2013-cü illərdə Şahtaxtı kənd tam orta məktəbində təhsil alıb.

Zaman Məmmədov 2014-2015-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2016-cı ildən isə müddətdən artıq həqiqi hərbi xidmət qulluqçusu idi.

Azərbaycan Ordusunun kiçik çavuşu olan Zaman Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Xocavəndin azadlığı uğrunda gedən döyüşlərdə iştirak edib. Zaman Məmmədov oktyabrın 30-da Xocavənd döyüşləri zamanı həlak olub. Kəngərli rayonunun Şahtaxtı kəndində dəfn edilib.

VƏTƏN MÜHARİBƏSİNDƏ HƏLAK OLANLAR: ELCAN BAYRAMOV

Elcan Qoşqar oğlu Bayramov (3 avqust 2001; Göygöl rayonu, Azərbaycan — 28 sentyabr 2020; Füzuli rayonu, Azərbaycan) — Azərbaycan Silahlı Qüvvələrinin əsgəri.

Elcan Bayramov 3 avqust 2001-ci ildə Göygöl rayonunda anadan olmuşdur.

Azərbaycan Ordusunun əsgəri olan Elcan Bayramov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində iştirak etmişdir. Füzulinin azadlığı uğrunda gedən döyüşlərdə iştirak etmişdir. Elcan Bayramov 28 sentyabr2020-ci ildə Füzuli rayonu istiqamətində döyüş tapşırığının yerinə yetirilməsi zamanı həlak olmuşdur.