VƏTƏN MÜHARİBƏSİNDƏ HƏLAK OLANLAR: RUSLAN CƏFƏROV

Ruslan Cəfərov (tam adı: Ruslan Mövlan oğlu Cəfərov; 2 avqust 2000; Qusar, Azərbaycan — 21 oktyabr 2020; Azərbaycan) — Azərbaycan Silahlı Qüvvələrinin əsgəri (müddətdən artıq həqiqi hərbi xidmət qulluqçusu).

Ruslan Cəfərov 2000-ci il avqustun 2-də Qusar şəhərində anadan olub. 2006-2017-ci illərdə Qusar şəhərində 2 nömrəli tam orta məкtəbdə təhsil alıb. Azərbaycan Ordusunun əsgəri olan Ruslan Cəfərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib.. Ruslan Cəfərov oktyabrın 21-də həlak olub. Qusar şəhərində dəfn edilib.

Реклама

VƏTƏN MÜHARİBƏSİNDƏ HƏLAK OLANLAR: ORXAN ABDIYEV

Orxan Habil oğlu Abdıyev (2 avqust 1995; Ağstafa rayonu, Azərbaycan — 25 oktyabr 2020; Qubadlı rayonu, Azərbaycan) — Azərbaycan Silahlı Qüvvələrinin əsgəri.

Orxan Abdıyev 1995-ci il avqustun 2-də Ağstafa rayonunun Pirili kəndində anadan olub.

Azərbaycan Ordusunun əsgəri olan Orxan Abdıyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin və Qubadlının azadlığı uğrunda gedən döyüşlərdə iştirak edib. Orxan Abdıyev oktyabrın 25-də Qubadlı döyüşləri zamanı həlak olub. Ağstafa rayonunda dəfn edilib.

VƏTƏN MÜHARİBƏSİNDƏ HƏLAK OLANLAR: MAHMUD ƏHMƏDOV

Mahmud Fərman oğlu Əhmədov (2 avqust 1989; Ağstafa rayonu, Azərbaycan — 3 noyabr 2020; Laçın rayonu, Azərbaycan) — Azərbaycan Silahlı Qüvvələrinin əsgəri.

Mahmud Əhmədov 1989-cu il avqustun 2-də Ağstafa rayonunda anadan olub. 1995–2001-ci illərdə Ağstafa rayon A. Abdullayev adına 2 nömrəli tam orta məktəbdə, 2001–2006-cı illərdə isə Ağstafa rayon Texniki-humanitar Təmayüllü Liseyində təhsil alıb. Ailəli idi. İki qızı yadigar qaldı.

Mahmud Əhmədov 2007-ci ildə müddətli həqiqi hərbi xidmətə çağırılıb. 2007–2009-cu illərdə Silahlı Qüvvələrin Bakı şəhərində yerləşən “N” saylı hərbi hissəsində xidmət edib. 2009-cu ildə MAHHXHQ hazırlıq kursunu bitirərək Ağstafa rayonunda yerləşən “N” saylı hərbi hissənində xidmətə başlayıb.

2016-cı ilin 2-4 aprelində cəbhə boyu baş verən Aprel döyüşlərində iştirak edib.

Azərbaycan Ordusunun əsgəri olan Mahmud Əhmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsinə qoşulub. Müharibənin ilk günü Tərtər istiqamətində gedən döyüşlərdə tankı düşmən tərəfindən vurulub və yaralanıb. Oktyabrın 18-dək Bərdə rayon xəstəxanasında müalicə alıb. Müalicəsini yarımçıq qoyaraq yenidən döyüşlərə qatılıb. Noyabrın 3-də Laçın rayonu istiqamətində gedən şiddətli döyüşlərdə Mahmud Əhmədovun idarə etdiyi tank düşmən tərəfindən vurulub və o həlak olub. Ağstafa Şəhidlər Xiyabanında torpağa tapşırılıb.