Daily Archives: 16.07.2021

VƏTƏN MÜHARİBƏSİNDƏ HƏLAK OLANLAR: İMAM ƏLİYEV

Стандартный

İmam Səfər oğlu Əliyev (16 iyul 1998İtitalaBalakən rayonu — 7 oktyabr 2020Tərtər rayonuAzərbaycan) – Azərbaycan Silahlı Qüvvələrinin əsgəri.

İmam Əliyev 1998-ci il iyulun 16-da Balakən rayonunun İtitala kəndində anadan olub.

2004-2015-ci illərdə A.Balayev adına İtitala kənd tam orta məktəbində təhsil alıb.

Subay idi.

İmam Əliyev 2016-cı ildə müddətli həqiqi hərbi xidmətə çağırılıb.

2016-2018-ci illərdə Azərbaycan Silahlı Qüvvələrinin “N” saylı hərbi hissəsində xidmət edib.

Azərbaycan Silahlı Qüvvələrinin əsgəri olan İmam Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Talış və Suqovuşanın azadlığı uğrunda gedən döyüşlərdə iştirak edib.

İmam Əliyev oktyabrın 7-də Talış kəndi istiqamətində gedən döyüşlər zamanı həlak olub. Balakən rayonunun İtitala kəndində torpağa tapşırılıb.

VƏTƏN MÜHARİBƏSİNDƏ HƏLAK OLANLAR: CAVİDAN AĞAYEV

Стандартный

Cavidan Mirzəağa oğlu Ağayev (16 iyul 2001Səbail rayonu – 2 oktyabr 2020Ağdam rayonu) — Azərbaycan Silahlı Qüvvələrinin əsgəri.

Cavidan Ağayev 2001-ci il iyunun 16-da Bakı şəhərində anadan olub. Subay idi.

Cavidan Ağayev 2020-ci ildən Azərbaycan Silahlı Qüvvələrinin «N» saylı hərbi hissəsində müddətli həqiqi hərbi xidmətdə idi.

Azərbaycan Ordusunun əsgəri olan Cavidan Ağayev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində iştirak edib. Cavidan Ağayev Ağdam Xocavənd istiqamətdə həlak olub. oktyabrın 2 də Bakı şəhəri Badamdar qəbiristanlığında dəfn edilib.