VƏTƏN MÜHARİBƏSİNDƏ HƏLAK OLANLAR: BƏŞİR HƏSƏNOV

Bəşir Xəqani oğlu Həsənov (13 iyul 1995; Təzəkənd, Şəmkir rayonu — 25 oktyabr 2020; Füzuli rayonu, Azərbaycan) — Azərbaycan Silahlı Qüvvələrinin əsgəri.

Bəşir Həsənov 1995-ci il iyulun 13-də Şəmkir rayonunun Təzəkənd kəndində anadan olub.^[1] 2001–2012-ci illərdə S. Vurğun adına Təzəkənd kənd tam orta məktəbində təhsil alıb. Subay idi.

Bəşir Həsənov 2013–2015-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub.

Azərbaycan Silahlı Qüvvələrinin əsgəri olan Bəşir Həsənov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayıl, Hadrut və Füzulinin azadlığı uğrunda gedən döyüşlərdə könüllü olaraq iştirak edib. Bəşir Həsənov oktyabrın 25-də Füzuli döyüşləri zamanı həlak olub. Şəmkir rayonunun Təzəkənd kəndində dəfn edilib.

VƏTƏN MÜHARİBƏSİNDƏ HƏLAK OLANLAR: SADIQ SƏMƏDOV

Sadiq İbrahim oğlu Səmədov (13 iyul 2000; Yevlax rayonu, Azərbaycan — 10 oktyabr 2020; Tərtər rayonu, Azərbaycan — Azərbaycan Silahlı Qüvvələrinin əsgəri.

Sadiq Səmədov 2000-ci il iyulun 13-də Yevlax rayonunda anadan olub.

Sadiq Səmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün təmin olunması üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə iştirak etmişdir. Sadiq Səmədov oktyabr 10-da Suqovuşan ətrafında gedən döyüşlərdə qəhrəmancasına həlak olmuşdur.

VƏTƏN MÜHARİBƏSİNDƏ HƏLAK OLANLAR: SƏLİMXAN BAYRAMOV

Səlimxan Bayramov (Bayramov Səlimxan Vüqar oğlu; 13 iyul 1998 — 19 oktyabr 2020) — Azərbaycan Silahlı Qüvvələrinin əsgəri.

Bayramov Səlimxan Vüqar oğlu 13 iyul 1998-ci il tarixində Sumqayıt şəhərində dünyaya göz açıb. 2005-2015-ci illərdə həmin şəhərin 3 nömrəli orta məktəbində təhsil alib. Məktəbi bitirdikdən sonra təhsilini xaricdə davam etdirmək qərarına gələn Səlimxan, 2015-2019-cu illərdə Gürcüstan Dövlət Texniki Universitetinin tələbəsi olub.

Təhsilini bitirib doğma Azərbaycana qayıtdıqdan sonra, vətənpərvərlik və milli dəyərlərimizə olan sevgisi ilə hərbi xidmətə yollanır. 2019-cu ilin oktyabrın 28-i Sumqayıt şəhərindən hərbi xidmətə yollanan Səlimxan, Qusarda xidmətin davam elətdirir. 

27 sentyabr 2020-ci il tarixində Azərbaycan Respublikasının ərazi bütövlüyü uğrunda gədən döyüşlərə yollanmış və Füzüli, Cəbrayıl, Xocavənd rayonlarında gədən döyüşlərdə çox yüksək şücaətlə iştirak etmiş, 3 nəfər döyüş yoldaşı ilə erməni təcavüzkarlarından post almış və ona doğma şəhəri Sumqayıtın adın vermişdir.

19 oktyabr 2020-ci il tarixində Xocavənd rayonu uğrunda gedən döyüşlərdə həlak olub. Sumqayıt şəhər Şəhidlər xiyabanında dəfn edilib.