Daily Archives: 25.06.2021

VƏTƏN MÜHARİBƏSİNDƏ HƏLAK OLANLAR: RAMEŞ ZƏKİYEV

Стандартный

Rameş Gülverdi oğlu Zəkiyev (25 iyun 2001ŞahağacAstara rayonu – 15 oktyabr 2020HacıməmmədliAğdam rayonu) — Azərbaycan Silahlı Qüvvələrinin əsgəri.

Rameş Zəkiyev 27 iyun 2001-ci ildə Astara rayonunun Şahağac kəndində anadan olmuşdur.[1] 10 yaşı olanda atası Gülverdi Zəkiyev vəfat etmişdir.

Orta məktəbi bitirdikdən sonra 2019-cu ildə hərbi xidmətə yollanmışdır. Həqiqi hərbi xidmət müddətində Ağdam rayonunun Baharlı kəndində xidmət etmişdir.

Azərbaycan Ordusunun əsgəri olan Rameş Zəkiyev 2020-ci il sentyabrın 27-dən Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsində minaatan olaraq iştirak etmişdir.Ağdam istiqamətində gedən döyüşlərdə vuruşmuşdur. 15 oktyabr 2020-ci ildə səhər saatlarında Ağdam rayonunun Hacıməmmədli kəndində minamyot mərmisinin düşməsi nəticəsində 2 döyüşçü yoldaşı ilə birgə həlak olmuşdur.

VƏTƏN MÜHARİBƏSİNDƏ HƏLAK OLANLAR: PƏRVİN İSGƏNDƏROV

Стандартный

Pərvin Pərviz oğlu İsgəndərov (25 iyun 1995Qazax rayonuAzərbaycan — 13 oktyabr 2020Füzuli rayonuAzərbaycan) — Azərbaycan Silahlı Qüvvələrinin çavuşu.

Pərvin İsgəndərov 1995-ci il iyunun 25-də Qazax rayonunun Xanlıqlar kəndində anadan olub. Atası — Pərviz İsgəndərovda şəhiddir. 2003-2014-cü illərdə İ. Nəsibov adına Aşağı Əskipara kənd tam orta məktəbində təhsil alıb. Ailəli idi. Bir oğlu yadigar qaldı.

Pərvin İsgəndərov 2014-2015-ci illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2015-ci ildən isə müddətdən artıq həqiqi hərbi xidmət qulluqçusu idi.

Azərbaycan Ordusunun çavuşu olan Pərvin İsgəndərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı CəbrayılınHadrut qəsəbəsinin və Füzulinin azadlığı uğrunda gedən döyüşlərdə iştirak edib. Pərvin İsgəndərov oktyabrın 13-də Füzuli döyüşləri zamanı həlak olub. Ağstafa rayonunun Qarahəsənli kəndində dəfn edilib.