VƏTƏN MÜHARİBƏSİNDƏ ƏLAK OLANLAR: ARAZ ƏLİYEV

Araz Aydın oğlu Əliyev (21 iyun 1984; Beyləqan rayonu, Azərbaycan SSR — 8 oktyabr 2020; Cəbrayıl rayonu, Azərbaycan) — Azərbaycan Silahlı Qüvvələrinin kiçik çavuşu.

Araz Əliyev 1984-cü il iyunun 21-də Beyləqan rayonunun Kəbirli kəndində anadan olub. Ailəli idi. Günəş və Şəfəq adında 2 qızı yadigar qaldı.

Azərbaycan Ordusunun kiçik çavuşu olan Araz Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə iştirak edib. Araz Əliyev oktyabrın 8-də Cəbrayıl döyüşləri zamanı həlak olub. Beyləqan rayonunun Kəbirli kəndində dəfn edilib.

VƏTƏN MÜHARİBƏSİNDƏ HƏLAK OLANLAR: TAHİR ƏLİZADƏ

Tahir Qəribəli oğlu Əlizadə (21 iyun 1994; Biləsuvar, Azərbaycan — 6 dekabr 2020; Mingəçevir, Azərbaycan) — Azərbaycan Silahlı Qüvvələrinin giziri.

Tahir Əlizadə 1994-cü il iyunun 21-də Biləsuvar şəhərində anadan olub.

Azərbaycan Ordusunun giziri olan Tahir Əlizadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın, Füzulinin, Qubadlının və Şuşanın azadlığı uğrunda gedən döyüşlərdə iştirak edib. Tahir Əlizadə noyabrın 8-də Şuşa döyüşləri zamanı ağır yaralaıb və dekabrın 6-da Mingəçevir şəhər Hərbi Hospitalında vəfat edib. Biləsuvar şəhərində dəfn olunub.