MİRŞAHİN QAPANSIN! OPERATİV VƏ BİRDƏFƏLİK!

Mİrşahin Operativ Qərargaa müraciət edib. Stalinin 1941-ci ildə xalqa müraciətinə oxaşayır.

«Bu gün Operativ Qərargahın brifinq keçirəcəyi gözlənilir. Bayram günlərində tam qapanma tələb edirəm! Bir vətəndaş kimi! Az-çox tanınan bir jurnalist kimi! İnsan kimi!”

Mirşahin, əlbəttə, vətəndaşdır, şəxsiiyyət vəsiqəsi də var, xarici pasportu da, banklarda əmanətləri də, daşınmaz əmlakı da. Vətəndaşdır, təsdiq edirəm! Bir məşhur salyanlının dediyi kimi, Mirzə Baqi tərəfdən etiraz yoxdur!

Az-çox tanınan jurnalist olduğu da şübhəsizdir. Əslində az yox, çox tanınıb, hərçənd az tanınsaydı, daha yaxş olardı, yəni belə ad çıxarınca can çıxarmaq yaxşıdır. Xalq belələri barədə deyir: “Sənı tanımayana…”

Ancaq “insanam” iddiasını çətin ki, Azəribaycan xalqı qəbul edər. A kişi, sənin haran insandır, nəyin insandır? Səndə insanlıq qalıb?

Başqa bir salyanlının dediyi kimi, sözümün sonunda barmağımı qaldırıb deyirəm: Mirşahin qapansın! Operatiiv qapansın! Birdəfəlik qapansın!

Mirzə Cəlil

09. 05. 2021, Samara

VƏTƏN MÜHARİBƏSİNDƏ HƏLAK OLANLAR: CAVANŞİR ƏHMƏDOV

Cavanşir Əhmədov (Cavanşir Elxan oğlu Əhmədov; 6 may 2001 Xırdalan, Azərbaycan — 4 noyabr 2020 Laçın rayonu, Azərbaycan) — Azərbaycan Silahlı Qüvvələrinin əsgəri.

Cavanşir Əhmədov Elxan oğlu 2001-ci il may ayının 6-sı Xırdalan şəhərində anadan olmuşdur. 2007-ci ildə Xırdalan şəhərində yerləşən 1 nömrəli tam orta məkdəbində təhsil almağa başlamışdır. Hələ uşaq yaşlarından idmana böyük maraq göstərib: ağır atletika ilə məşqul olmuş və bir neçə uğura imza atmışdır. 2018-ci ildə, orta məktəbi bitirdikdən sonra, Bakı şəhərində yerləşən «Odlar Yurdu» Kollecinə daxil olub. 

Cavanşir Əhmədov 8 iyul 2019-cu ildə təhsilini donduraraq, müddətli hərbi xidmətə yollanmışdır. Xidmətin bitməsinə 3 ay qalmış, 27 sentyabr 2020 — ci ildə İkinci Qarabağ müharibəsi başlamışdır və Cavanşir Əhmədov müxtəlif istiqamətlərdə döyüşlərə qatılmışdır. Qubadlı, Zəngilan və Laçın rayonları istiqamətində gedən döyüşlərdə iştirak etmişdir. 2020-ci ilin 4 noyabr tarixində Laçın rayonunun Səfiyan kəndində vuruşmuşdur, hətta qolundan yaralansa belə, yarasını sarıyıb yenidən döyüşə davam etmişdir. Yaralı olduğu halda, döyüş yoldaşına kömək etmək istəyərkən, güllə böyrək nahiyyəsinə tuş gəlmişdir və Cavanşir Əhmədov həlak olmuşdur. Cavanşir Əhmədovun nəşi 26 noyabr 2020-ci il tarixində ailəsinə təhvil verilmişdir və böyük izdihamla Bərdə rayonunun Alpoud kəndində dəfn edilmişdir.

vikipediya

VƏTƏN MÜHARİBƏSİNDƏ HƏLAK OLANLAR: VİDADİ MƏMMƏDOV

Vidadi Etibar oğlu Məmmədov (6 may 1996; Muxax, Zaqatala rayonu — 13 oktyabr 2020; Tərtər rayonu, Azərbaycan) — Azərbaycan Silahlı Qüvvələrinin əsgəri.

Vidadi Məmmədov 1996-ci il mayın 6-da Zaqatala rayonunun Muxax kəndində anadan olub.

2002-2011-ci illərdə A.Bubuşov adına 1 saylı Muxax kənd tam orta məktəbində təhsil alıb. Subay idi.

Vidadi Məmmədov 2014-cü ildə müddətli həqiqi hərbi xidmətə çağırılıb.

2014-2016-cı illərdə Azərbaycan Silahlı Qüvvələrinin “N” saylı hərbi hissəsində xidmət edib.

Azərbaycan Silahlı Qüvvələrinin əsgəri olan Vidadi Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə iştirak edib.

Vidadi Məmmədov oktyabrın 13-də Suqovuşan döyüşləri zamanı həlak olub. Zaqatala rayonunun Muxax kəndində torpağa tapşırılıb.