VƏTƏN MÜHARİBƏSİNDƏ HƏLAK OLANLAR: SADİQ BAĞIRZADƏ

Sadiq Bağırzadə (tam adı: Sadiq şahin oğlu Bağırzadə; 15 aprel 2002; Ərçivan, Astara rayonu — 30 sentyabr 2020; Murovdağ, Azərbaycan) — Azərbaycan Silahlı Qüvvələrinin əsgəri.

Sadiq Şahin oğlu Bağırzadə 15 aprel 2002-ci ildə Astaranın Ərçivan qəsəbəsində doğulub. 2008-ci ildə şəhid Natiq Kərimov adına Astara rayon Ərçivan qəsəbəsinin 3 nömrəli tam orta məktəbinin 1-ci sinfinə gedib. Evin tək oğlu olan Sadiq 2019-cu ildə məktəbi bitirib. Kiçik yaşlarından boksla məşğul olub. Boks üzrə Azərbaycan komandasının üzvü olub. İdman karyerasında medallar qazanıb və diplomla təltif edilib, respublika birincisi olub.

2020-ci il mayın 2-də əsgərliyə yollanmışdır. «N» saylı hərbi hissədə xüsusi təyinatlı kəşfiyyatçı kimi 4 ay ərzində daim təlimdə olmuşdur. Zabit heyəti ilə tək əsgər Sadiq Bağırzadə olmuşdur. Ön cəbhədə vuruşmuşdur. Murovdağ yüksəkliyinin azad edilməsi uğrunda gedən döyüşlərdə qəhrəmanlıq göstərib, xeyli düşmən əsgərini məhv edib. Sentyabrın 30-da  həlak olmuşdur.