VƏTƏN MÜHARİBƏSİNDƏ HƏLAK OLANLAR: FƏRİD ƏLİYEV

Fərid Hamlet oğlu Əliyev (d. 22 mart 2001; Kürdmaşı, İsmayıllı, Azərbaycan — ö. 28 sentyabr 2020; Horadiz, Füzuli, Azərbaycan) — Azərbaycan Silahlı Qüvvələrinin əsgəri.

Fərid Əliyev 22 mart 2001-ci ildə İsmayıllı şəhər Kürdmaşı kəndində anadan olmuşdur. 2007-ci ildə C.Həsənov adına Kürdmaşı kənd tam orta məktəbinə daxil olmuşdur. 2018-ci ildə məktəbi bitirmişdir. 2018-ci ildə İsmayıllı Dövlət Humanitar və Texnologiya Kollecinin «Turizm və Onun Təşkili» ixtisası üzrə qəbul olunmuşdur. 2019-cu ildə təhsilinə fasilə verərək hərbi xidmətə getmişdir.

Subay idi. Atası Əliyev Hamlet C.Həsənov adına Kürdmaşı kənd tam orta məktəbin biologiya müəllimidir. Anası Vəliyeva Rəna həmin məktəbin İngilis dili müəllimidir.

Azərbaycan Ordusunun əsgəri olan Fərid Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Füzuli uğrunda gedən döyüşlərdə qəhrəmancasına vuruşaraq həlak olmuşdur. Fərid Əliyev sentyabrın 28-də doğulduğu İsmayıllı rayonunun Kürdmaşı kəndində dəfn edilmişdir.

VƏTƏN MÜHARİBƏSİNDƏ HƏLAK OLANLAR: RAMİL ƏLİYEV

Ramil Qurban oğlu Əliyev (22 mart 1996, Güznüt, Naxçıvan MR – 17 noyabr 2020, Füzuli rayonu) — Azərbaycan Silahlı Qüvvələrinin leytenantı.

Ramil Əliyev 1996-cı il martın 22-də Babək rayonunun Güznüt kəndində anadan olub.^[1] 2003-2011-ci illərdə Güznüt kənd tam orta məktəbində, 2011-2014-cü illərdə isə Cəmşid Naxçıvanski adına Hərbi Liseydə təhsil alıb. 2014-2018-ci illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb. Subay idi.

Ramil Əliyev 2018-ci ildən Azərbaycan Silahlı Qüvvələrinin sıralarında xidmət edirdi.

Azərbaycan Ordusunun leytenantı olan Ramil Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Füzulinin azadlığı uğrunda gedən döyüşlərdə iştirak edib. Ramil Əliyev sentyabrın 27-də Füzuli döyüşləri zamanı həlak olub. Babək rayonunda dəfn olunub.