VƏTƏN MÜHARİBƏSİNDƏ HƏLAK OLANLAR: ÜMİD MƏMMƏDOV

Ümid Fərman oğlu Məmmədov (14 mart 1999; Babək rayonu, Azərbaycan — 5 oktyabr 2020; Tərtər rayonu, Azərbaycan) — Azərbaycan Silahlı Qüvvələrinin leytenantı.

Ümid Məmmədov 1999-cu il martın 14-də Babək rayonunun Nehrəm qəsəbəsində anadan olub. 2016-2020-ci illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb. Subay idi.

Azərbaycan Ordusunun leytenantı olan Ümid Məmmədov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə iştirak edib. Ümid Məmmədov oktyabrın 5-də Suqovuşan döyüşləri zamanı həlak olub. Babək rayonunda dəfn edilib.

VƏTƏN MÜHARİBƏSİNDƏ HƏLAK OLANLAR: SAYAD HACIYEV

Sayad Azad oğlu Hacıyev (14 mart 2001; Bazar , Zaqatala , Azərbaycan — 17 oktyabr 2020; Suqovuşan, Tərtər , Azərbaycan) — Azərbaycan Silahlı Qüvvələrinin əsgəri, 

Sayad Hacıyev 2001-ci il martın 14-də Zaqatala rayonunun Bazar kəndində anadan olub. 2007-ci ildə Bakıda 90 saylı tam orta məktəbin 1-ci sinifinə daxil olub. 2008-ci ildə təhsilini 316 saylı tam orta məktəbdə davam etdirib. 2015-ci ildə Bakı Şəhər Dövlət Dəmir yolu liseyinə qəbul olunub. Musiqiyə həvəsinə görə piano kursunda oxuyub.

Sayad Hacıyev 2019-cu ildə müddətli həqiqi hərbi xidmətə çağırılıb.

Azərbaycan Silahlı Qüvvələrinin əsgəri olan Sayad Hacıyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Suqovuşanın azadlığı uğrunda gedən döyüşlərdə iştirak edib.

Sayad Hacıyev oktyabrın 17-də Suqovuşan döyüşləri zamanı həlak olub. Zaqatala rayonunun Bazar kəndində torpağa tapşırılıb.