Daily Archives: 20.02.2021

VƏTƏN MÜHARİBƏSİNDƏ HƏLAK OLANLAR: XALİD MƏCDUNOV

Стандартный

Xalid Məcdunov

Xalid Zahir oğlu Mecdunov (20 fevral 1995PoladlıQobustan rayonu — 2 oktyabr 2020Füzuli rayonuAzərbaycan) — Azərbaycan Silahlı Qüvvələrinin çavuşu.

Xalid Mecdunov 1995-ci il fevralın 20-də Qobustan rayonunun Poladlı kəndində anadan olub.[1] 2002-2013-cü illərdə M. Kərimov adına Poladlı kənd tam orta məktəbində təhsil alıb.

2014-2016-cı illərdə Azərbaycan Silahlı Qüvvələrinin sıralarında müddətli həqiqi hərbi xidmətdə olub. 2016-cı ildən isə müddətdən artıq həqiqi hərbi xidmət qulluqçusu idi.

Azərbaycan Ordusunun çavuşu olan Xalid Mecdunov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsi zamanı Cəbrayılın və Füzulinin azadlığı uğrunda gedən döyüşlərdə iştirak edib. Xalid Mecdunov oktyabrın 2-də Füzuli döyüşləri zamanı şəhid olub. Qobustan rayonunda dəfn edilib.

VƏTƏN MÜHARİBƏSİNDƏ HƏLAK OLANLAR: ELMİN MİRZƏYEV

Стандартный

Elmin_Mirzəyev

Elmin Mirzəyev (tam adı: Elmin Əvəz oğlu Mirzəyev; 20 fevral 1995ƏmiranlarXocavənd rayonuAzərbaycan — 2 oktyabr 2020FüzuliAzərbaycan) — Azərbaycan Silahlı Qüvvələrinin MAHHXHQ çavuşu.

Elmin Mirzəyev 20 fevral 1995-ci ildə Xocavənd rayonunun Əmiranlar kəndində dünyaya göz açmışdır. İlk təhsilini Xocavənd rayon Salakətin kənd tam orta məktəbində alan Elmin 2013-cü ildə həmin məktəbi bitirdikdən sonra hərbi xidmətə yollanır. O, 2015-ci ildə hərbi xidmət müddəti bitdikdən sonra müddətdən artıq həqiqi hərbi xidmət qulluqçusu olmuşdur. Hərbi xidmət zamanı çavuş rütbəsini almışdır.

Təlimlərdən sonra 27 sentyabr 2020-ci ildən başlayan Vətən Müharibəsində iştirak edən MAHHXHQ çavuş Elmin Mirzəyev 2 oktyabr 2020-ci ildə Füzulinin azad edilməsi uğrunda gedən döyüşlərdə döyüş tapşırığını yerinə yetirərkən həlak olmuşdur.