PEŞƏKAR? İGİD? CƏSUR? BƏS NİYƏ 46 YAŞINDA PODPOLKOVNİK?

Podpolkovnik Pamiz Cəfərova ölümündən sonra “Vətən müharibəsi qəhrəmanı” adı verilib. Q

Qəhrəman Şuşa uğrunda döyüşlərdə noyabrın 5-də həlak olub. Dekabrın 10-da podpolkovnikin 46 yaşı tamam olmalıydı.

İnternetdə olan məlumatdan görünür ki, zabit Aprel döyüşlərində də iştirak edib və özünü yaxşı göstərib. Qurtardığı Ryazan desant məktəbi də podpolkovnikin yüksək peşəkarlığına sübutdur.

Elə isə, niyə 46 yaşlı zabit podpolkovnikdən yuxarı qalxmayıb. Axı podpolkovik rütbəsi yaşı 40-ı keçmiş zabit üçün bir növ perspektivsizlik göstəricisidir, yəni belə zabit birbaşa komandanlıqla bağlı olmayan işlərdə olur, məsələn, təchizat, təsərrüfat işində, istefa ərəfəsində polkovnik alır ya almır…

İgid, cəsur, yüksək hazırlıqlı Ramiz Cəfərov niyə niyə bu “pod”, yəni “polkovnikdən aşağı”, “lieutenant colonel” səviyyəsində qalıb?

İdarə rəisinin bir ilin ərzində rütbəsi iki dəfə artırılıb. Keçən il general-leytenant, indi isə general-polkovnik rütbəsi verilib.

Əli Nağıyevə bir ildən sonra hansı rütbə veriləcək?  Marşal?

Qınamayan olsa, bu adamlar dallarına da ulduz taxarlar…

Mən başa düşmürəm ki, niyə Ramiz Cəfərov kimi igid zabiti podpolkovnik rütbəsində 46 yaşacan saxlayıblar. Əlbəttə, indi ona verilən ad ailəsi üçün həm şərəf, həm də təsəllidir. Ancaq mənə elə gəlir ki, sağlığında bu cəsur zabiti “pod” rütbəsi ilə əldəqayırma generallar qəsdən aşağılayıblar.

Unutmayaq ki, Həzi Aslanov 31 yaşında sovet generalı olmuşdu.

Bizdə də yəqin 30 yaşlı generallar çoxdur. Parket generalları… 46 yaşınacan “pod” rütbəsində saxlanılmış igid zabit Ramiz Cəfərovun ölümündən sonra yüksək ad almağı sevincdən çox suallar və məyusluq doğurur…

Mirzə ƏLİL

10.12. 2020, Samara

Реклама

AZƏRBAYCANDA ORDUDAN YAYINMIŞLAR ERMƏNİ FƏRARİLƏRİNDƏN DƏFƏLƏRLƏ ÇOX OLAR…

Hərbi paraddakı çıxışında İlham Əliyev deyir ki, Ermənistan ordusundan 10 min nəfər fərarilik edib, bizdə isə bir nəfər də fərari olmayıb.

«Fərari» — «qaçmaq», sözündəndir, «fərari» qaçan deməkdir. Azərbaycan ordusundan qaçanların olmamağı, əlbəttə, çox yaxşıdır. Ancaq bizdə yayınanlar sayılsa, erməni fərarilərinin sayından dəfələrlə çox olar. Əliyevin öz əhatəsindən, çoxsayı məmur zümrəsindən, imtiyazlı sinifdən bir nəfər də şəhid yoxdur. İndi Milli Qəhrəman adına layiq görülmüş mərhum general Polad Həşimovun bacısı deyirdi ki, «varlının şıhidi olmur, şəhidi kasıblar verirlər». Generalın bacısı yalan deməzdi…

Demək olar ki, yalnız fəhlə-kəndli uşaqlarından ibarət orduyla döyüşən rəhbər gərək rəqib ordusunun fərarilərini saymaya…

Ayıbdır…

Mirzə ƏLİL

10.12. 2020, Samara

VƏTƏN MÜHARİBƏSİ QƏHRƏMANI RAMİZ CƏFƏROV

Ramiz Cəfərov (tam adı: Ramiz Sübhan oğlu Cəfərov; 10 dekabr 1974; Ukrayna — 5 noyabr 2020; Şuşa, Azərbaycan) — Azərbaycan Silahlı Qüvvələrinin polkovnik-leytenantı, Vətən müharibəsinin şəhidi, Vətən Müharibəsi Qəhrəmanı.

Ramiz Cəfərov 1974-cü il dekabrın 10-da Ukraynada anadan olub. Sumqayıt şəhərinin 11 nömrəli tam orta məкtəbində təhsil alıb. Alman, ingilis və rus dillərini bilirdi. Ailəli idi. Rəbiqə, Nigar, Nərgiz, Nurlana adında dörd qızı, Nurlan adında isə bir oğlu yadigar qaldı.

Ramiz Cəfərov 1989-1992-ci illərdə Cəmşid Naxçıvanlı adına Hərbi Liseydə, 1992-1996-cı illərdə isə Ryazan Hava Desant Liseyində ali hərbi təhsil alıb. Bir müddət Qarabağ müharibəsində savaşan Ramiz Cəfərov, 2016-cı ilin 2-5 aprelində baş verən döyüşlərdə də savaşıb.

Azərbaycan Ordusunun Xüsusi Təyinatlı Qüvvələrinin polкovniк-leytenantı olan Ramiz Cəfərov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Şuşanın azadlığı uğrunda gedən döyüşlərdə savaşıb. Ramiz Cəfərov noyabrın 5-də Şuşa döyüşləri zamanı şəhid olub. II Fəxri Xiyabanda dəfn olunub.

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Ramiz Cəfərova «Vətən Müharibəsi Qəhrəmanı» adı verildi.

Vikipediya