Daily Archives: 29.06.2020

KÜR QURUYUR: PREZİDENT YANINDA MÜŞAVİRƏ

Стандартный

2

ƏLİYEV: Həzarat! Sizi bura yığmaqda məqsədim Kür çayının durumunu müzakirə etməkdir. Son vaxtlar Kürün quruduğu haqqında mənə məlumatlar gəlir. İndi mən sizdən soruşmaq istəyirəm: Kür niyə quruyur?

SİYAVUŞ NOVRUZOV: Cənab prezident, məlumdur ki, xəyanətkar Xalq Cəbhəsi və Müsavat hakimiyyət başında olanda Kürün suyunu ermənilərə satırdılar. Kür elə o vaxtdan qurumağa başladı. Əli Kərimli indi də altdan-altdan Paşinyana su satır. 

ƏLİYEV: Mən onların ermənilərə benzin satdıqlarını bilirdim, su satdıqlarını indi eşidirəm.

SİYAVUŞ NOVRUZOV: Cənab prezident, Elçibəy benzini ermənilərə satmırdı, havayı verirdi. Kürün suyunu isə satırdı, çünki Ermənistanda Kür suyu yoxdur, ermənilər Kür suyundan ötrü ölürlər.

KƏMALƏDDİN HEYDƏROV: Cənab prezident, Kürdə suyun azalmağının bir səbəbi də balıqların çoxalmağıdır. Biz son illər sizin müdrik rəhbərliyinizlə Kürdə balıqların sayını çox artırmışıq. Balıq da suya həris heyvandır. İçəndə dəvə kimi içir. Ona görə Kürün suyu belə azalıb.

ZAKİR HƏSƏNOV: Cənab prezident, Silahlı qüvvələr istnəliən vaxt, əgər lazım gəlsə, balıqlarla mübarizəyə girişə bilər.

ƏLİYEV: Bu məsələdə zərgər dəqiqliyi ilə işləmək lazımdır. Yəni israfçı balıqları qənaətcil balıqlardan ayırmaq lazımdır.

NƏCMƏDDİN SADIQOV: Я не совсем понял, о чем речь, но Кура паршивая речка, толку от нее никакого.

ƏLİYEV: Sağ ol, Nəcməddin. В целом ты прав. Mən görürəm ki, Mehriban xanımın da sözü var. Buyurun, Mehriban xanım.

MEHRİBAN XANIM: Mən belə düşünürəm ki, Kürün qurumağı heç də fəlakət deyildir. Mən bizim insanlara məsləhət görərdim ki, koka-kola içsinlər, Borjomi içsinlər. Mən indiyəcən Kür suyu içməmişəm, heç bir problemim yoxdur. Mən şəxsən Acaua di Crista Tributo Modigliani içirəm, millətimə də məsləhət görürəm.

ƏLİYEV: Mehriban xanım bunu çox gözəl dedi. Mən də Kür suyu içməmişəm. Mənim də problemim yoxdur. Həzarat, bizim məclisimizdə hörmətli şeyx də iştirtak edir. Əziz şeyx, buyurun, siz də fikrinizi deyin.

ALLAHŞÜKÜR PAŞAZADƏ: Assalamu-aleykum! Əlahəzrət! Qurani-Kərim buyurur ki, insana nə gəlsə, arvaddan gələr. Kürü qurudan arvaddır!

ƏLİYEV: Alik, Allahşükür, sən nə danışırsan, hansı arvad?
ALLAHŞÜKÜR: Cənab prezident, Neftçalada bir arvad xeylağını bələdiyyə üzvü seçiblər. O arvad deputat olandan aləm qarışıb bir-birinə. Dəniz suyu qarışıb Kürün suyuna, Kür başlayıb qurumağa. Əlahəzrət, siz and içmişdiniz ki, nə qədər ki, sağsınız, müxalifət deputat olmayacaq.

ƏLİYEV: Belə şeylər olur, Alik. Mən hərdən Göy Göldə balıq tuturam, bir də gördün baдığın biri torun deşyiyindən çıxıb qaçdı… Bu arvad da yəqin bir deşik tapıb keçib deputatlığa.

ALLAHŞÜKÜR: Əlahəzrət, bu arvad xeylağı Allahın bəlasıdır, şortda gəzir, böyüklərin üzünə ağ olur. O arvad nə qədər ki, deputatdır, bizim çaylarımız quruyacaq, kündəmiz də kütə gedəcək…Vallah, o arvadın fikri məni elə götürüb ki, nə qədər qara atıramsa, yata bilmirəm…

ƏLİYEV: Alik, mən Vilayətə deyərəm, ölçü götürər…

SOĞANBAŞ AQİL ABBAS: Əlahəzrət, canım sizə qurban! Balalarımı ayağınızın altında qurban kəsməyə hazıram! Cənab prezident! Mən uşaq vaxtı bir dəfə qayınatam Məmməd Arazın dalına düşüb getmişdim Salyana, Aşıq Pənaha qonaq. Orda o qədər balıq, kürü yedim ki, gecə yerimə…

 

Müşavirə davam edir…

Mirzə ƏLİL

29. 06. 2020, Samara

SMDT-NİN BƏLƏDİYYƏ ÜZVÜ VƏFA NAĞIYA TƏZYİQLƏRLƏ BAĞLI BƏYANATI

Стандартный

1

Seçkilərin Monitorinqi və Demokratiyanın Tədrisi Mərkəzinin
Neftçala rayon Xolqaraqaşlı kənd bələdiyyəsinin üzvü Vəfa Nağıya təzyiqlərlə bağlı
Bəyanatı

Seçkilərin Monitorinqi və Demokratiyanın Tədrisi Mərkəzi (SMDT) 23 dekabr 2019-cü il bələdiyyə seçkilərində Neftçala rayon Xolqaraqaşlı kənd bələdiyyəsinə üzv seçilmiş Vəfa Nağıya qarşı son iki ay ərzində müşahidə olunan təzyiqlərdən narahat olduğunu bildirir, bunu seçilmiş bələdiyyə üzvünün müstəqil fəaliyyətinə qarşı siyasi təzyiq hesab edir.
SMDT qeyd edir ki, Vəfa Nağı Neftçala rayon Xolqaraqaşlı kənd bələdiyyəsinə üzv
seçildikdən sonra bu qurumun hesabatlı və şəffaf qaydada çalışması üçün qanun çərçivəsində səylər göstərmiş, bələdiyyə sədrinin qanunauyğun şəkildə iclasları keçirməsini təklif etmiş, habelə bələdiyyə sədri Əlibala Səlimovdan bələdiyyənin maliyyəsinin əsaslarını öyrənməyə çalışmışdır. Bununla bağlı son dəfə iyunun 8-də Vəfa Nağı rəsmi qaydada müraciət edərək, bələdiyyənin büdcəsi və mülkiyyətinə dair məlumatların açıqlanmasını tələb edib. Ancaq bələdiyyə sədri Əlibala Səlimov bu müraciətləri cavablandırmaq əvəzinə Vəfa Nağıya qarşı gözdənsalma kampaniaysına başlayıb, ona və yaxınlarına təzyiq edib.
SMDT narahatlıqla bildirir ki, Xolqaraqaşlı bələdiyyəsinin üzvü Vəfa Nağıya qarşı təzyiq və gözdənsalma kampaniyasını yerli icra strukturları da himayə edib. Məsələn, iyunun 10-da Vəfa Nağının qardaşı Elşən Nağıyev Neftçala rayon polis idarəsinə dəvət olunub və onun 100 manat məbləğində inzibati qaydada cərimə olunduğu bildirilib. Buna səbəb kimi 15 aprel 2020-ci ildə Xolqaraqaşlı kəndində keçirilən etiraz aksiyasında iştirakı göstərilib. Ancaq həmin aksiyada 50-dən artıq kənd sakini iştirak etsə də, cərimə olunan yalnız Vəfa Nağının qardaşı olub.
İyunun 16-da keçirilmiş bələdiyyə iclası Vəfa Nağı ilə bələdiyyə sədri arasında mübahisə ilə keçib və bundan sonra Xolqaraqaşlı kəndində yenidən gözdənsalma hərəkətləri başlayıb. Bir qrup şəxs Vəfa Nağının “Lady Gaga” yazılmış çimərlik şəkillərini kənd ərazisində yayaraq, onunla bağlı kənd sakinlərinin rəyini dəyişməyə və gözdən salmağa çalışıblar. SMDT bu olayı şiddətlə qınayaraq, həm Vəfa Nağı, həm də onun ailə üzvlərinə qarşı mənəvi-psixolji təzyiqləri siyasi motivli hesab edir. Bu cür tədbirlər həmçinin kənd sakinlərinin yerli idarəçilikdə iştirakdan çəkindirməyə, kənd bələdiyyəsinin hesabatlılığı ilə bağlı tələbləri etibarsızlaşdırmağa yönəlib.
SMDT hesab edir ki, Xolqaraqaşlı kənd bələdiyyəsinin üzvü Vəfa Nağıya qarşı olaylar və həmin kənd bələdiyyəsi sədri Əlibala Səlimovun hərəkətləri yerli özünüidarəçiliklə bağlı ölkə Konstitusiyası, “Bələdiyyələrin statusu”, “Bələdiyyələrin maliyyəsinin əsasları”, “Bələdiyyə üzvünün statusu” və “İnformasiya əldə etmək” haqqında qanunların, habelə Azərbaycan Respublikasının qoşulduğu Yerli Özünüidarə üzrə Avropa Xartiyasının tələblərinin pozulmasıdır. SMDT hüquq-mühafizə orqanlarına müraciət edərək, baş verən olaylarla bağlı müvafiq tədbirlər görməyə, Vəfa Nağıya qarşı təzyiqlərin ətraflı araşdırmağa, ona təzyiq göstən şəxslərin müəyyən edilib məsuliyyətə cəlb olunmasını təmin etməyə çağırır.
Əlaqə:
E-poçt: emc.az2001@gmail.com
Telefon: +994503334674
Veb səhifə: http://www.smdtaz.org
Tvitter: SMDT_EMD

FACİƏLİ HƏLAK OLMUŞ PODPOLKOVNİK FƏXRƏDDİN ƏSGƏROVUN DOĞUM GÜNÜ

Стандартный

Fəxrəddin_Əsgərov

Fəxrəddin Əsgərov (d.29 iyun 1974Qazax r.- ö.29 yanvar 2008Xəzər dənizi) — Azərbaycan Silahlı Qüvvələrinin polkovnik-leytnantı, Azərbaycan Hərbi Hava Qüvvələrinin zabiti.

Fəxrəddin Əsgərov 1974-cü il 29 iyun tarixində Qazax rayonunda ziyalı ailəsində dünyaya gəlib. Orta təhsilini Qazax rayonunun 2 saylı orta məktəbində alıb. Məktəbi yüksək qiymətlərlə bitirib. Yuxarı siniflərdə oxuyanda könüllü kimi Qarabağ uğrunda gedən döyüşlərdə (Qazax rayonunun kəndlərində) iştirak edib.

1992-ci ildə Heydər Əliyev adına Azərbaycan Ali Hərbi Məktəbinə daxil olub və elə həmin il müsabiqə yolu ilə seçilərək təhsilini davam etdirmək üçün Türkiyə Respublikası Ali Hərbi Təyyarəçilik məktəbinə (Hava Harp Okulu) göndərilib. 1996-cı ildə ali təhsilini fərqlənmə ilə başa vurur.

Fəxrəddin Əsgərov evli və 2 övlad atası idi.

19962006-cı illərdə Kürdəmir rayonunda yerləşən N saylı hərbi hissədə xidmət edib. Bu dövr ərzində baş təyyarəçi vəzifəsindən hərbi hissə komandiri vəzifəsinə qədər yüksəlib.

20062008-ci illərdə isə başqa bir hərbi hissədə qərərgah rəisi vəzifəsində xidmət etmişdir. Təyyarəçi kimi xidmət etdiyi dövrdə L-39, Su-17Su-25MiQ-29 tipi döyüş təyyarələrini idarə etməyi qısa müddətdə mənimsəyərək ölkəmizin gənc təyyarəçilərinin yetişdirilməsində təlimatçı-təyyarəçi kimi fəal iştirak etmişdir.

10 dekabr 2005-ci il tarixdə 31 yaşında ikən polkovnik-leytenant rütbəsinə yüksəlmişdir. Həmin dövrün ən çox uçuş saatı olan pilotu olmuşdur. Xidmət müddətində 24 iyun 2003-cü il tarixdə «Hərbi xidmətlərə görə» medalı25 iyun 2006-cı il tarixdə  «Hərbi xidmətdə fərqlənməyə görə» III dərəcəli medalla təltif olunmuşdur.

2008-ci il yanvarın 29-da döyüş hazırlığı planı əsasında kapitan Əfqan Aslanovla birlikdə MiQ-29 təyyarəsi ilə, təlimatçı qismində, hava döyüşü uçuşu yerinə yetirərkən təyyarənin Xəzər dənizinin Şuraabad istiqamətinə düşüməsi nəticəsində həlak olurlar. Aparılan axtarışlar nəticəsində digər pilotun nəşi tapılıb dəfn edilir. Lakin Fəxrəddin Əsgərovun nəşi tapılmır. 

Vikipediya