Daily Archives: 07.08.2019

ŞƏHİDLƏR: MAYOR FƏQAN XUDAVERDİYEV

Стандартный

Fəqan_Xudaverdiyev.jpg

Fəqan Baxış oğlu Xudaverdiyev (d. 7 avqust 1975, QaravəlliAğcabədi rayonuAzərbaycan SSR — v. 22 avqust 2008, Tərtər rayonuAzərbaycan) — Azərbaycan Quru Qoşunlarının mayoru. 22 avqust 2008-ci ildə Tərtər rayonunda şəhid olub.

Fəqan Xudaverdiyev 1975-ci ilin 7 avqustunda Ağcabədi rayonunun Qaravəlli kəndində anadan olub. 1983-1993-cü illərdə anadan olduğu kənddə orta təhsil alıb. Orta məktəbi bitirən kimi Bakı Ali Hərbi Birləşmiş Komandanlıq Məktəbinin «Taktiki Motatıcı Qoşunların Komandiri-Zirehli Tank və Avtomobil Texnikasının İstismarı Üzrə Muhəndis» fakültəsinə (indiki Heydər Əliyev adına Azərbaycan Ali Hərbi Məktəbi) daxil olan Fəqan Xudaverdiyev burada dörd il təhsil alıb və məzun olduğu 1997-ci ildən peşəkar hərbçi kimi hərbi xidmətə başlayıb. Şəhid olduğu günə qədər Tərtər, Şəki,Mingəçevir, Gəncədə yerləşən hərbi hissələrdə xidmət edərək mayor rütbəsinə qədər yüksəlmişdir. Bu müddətdə ərzində fəxri fərman, medal, sertifikat və diplomlarla mükafatlandırılmışdır.

Fəqan Xudaverdiyev 2000-ci ildə ailə həyatı qurub; Adəm (2001), Gültəkin (2002), Elton (2005) və Elcan (2007) adında dörd övladı yadigar qalıb.

vikipediya