EŞQ OLSUN!

Vətənpərvər jurnalist Fuad Abbasov Azərbaycana çatan kimi yenilməz Azərbaycan ordusu sıralarına yazılmış və könüllü olaraq cəbhə bölgəsinə yollanmışdır. Müdafiə naziri Zakir Həsənov Fuad Abbasova çavuş rütbəsi verib. Ancaq Abbasovyn tezliklə general olacağı gözlənilir. Çünki Rusiyada yaşayan və Fuad Abbasovu dəstəkləyən on minlərlə  osmanılar demişkən, azeri erkek Azərbaycana qayıdıb Fuad Abbasovun komandanlığı altında döyüşməyə və tezliklə bayrağımızı Yerevanda Paşinyanın başına sancmağa hazırdır. Bu ordu yığılan kimi Ali Baş Komandan Əlahəzrət prezident Fuad Abbasovun çiyinlərinə şəxsən general poqonları taxacaq.

İndi qalıb erməni işğalçıları ilə döyüşməkdən ötrü əldən-ayaqdan gedən, osmanlıların sözü olmasın, azeri erkekleri Rusiyadan Azərbaycana daşımaq. Bunun üçün qardaş və bacı Türkiyə öz təyyarələrini verməyə hazırdır.

Fuad Abbasov isə cəbhə xəttində döyüş şücaətləri göstərir. Qəhrəman jurnalistimizin yaxında olduğunu eşidən erməni işğalçı əsgərləri qorxudan şalvarlarını bulayır, postlarını qoyub qaçırlar.

Eşq olsun qəhrəman junalist Fuad Abbasova!

Eşq olsun Rusiyada Fuad Abbasovu dəstəkləyən azəri erkeklere!

Eşq olsun Zakir Həsənova!

Eşq olsun bomba naziri Mədət Quliyevə!

Vallah, elə bizim nazirlərimizin hamısı bomba nazirlərdir!

Xalqımız bomba xalqdır!

Eşq olsun!

Mirzə ƏLİL

27.06. 2019, Samara