Emil RASİMOĞLU. BAĞIŞLA…

Стандартный

EMİL

***
Bakirə otaqların üz tutduğu adamlardısa tənhalıq,
bütün qovuşanlar ayrılmağı bacarmayanlardı…
Çünki hələ də hamı ölür,
hələ də
fəsillərin çöl tərəfidi həyat…

…Əllərinin bətnindən hər gün ölü doğuluram
islanmış ağaclara balıqlar aldandıqca.
Daha qorxma,
tək adamlar qarımaz ki, dostum,
çək gözlərini saatdan,
bax, qollarına bükülən küçələrə…

…Sən demə,
bağışlamaq da xəyanət imiş,
qadın olmaq da,
elə azadlıq da…
Qəbirlər də diş çıxartdı görüş yerimizdə
Axı şəkillərimizin arxasından başladı uzaqlar…

…Bağışla,
bağışla qara paltarlı kibrit dənələrini !
İndi sənə qədər kim varsa- itgin payızdı…
…Səndən o yana bir qanad göy üzü də yox,
tərk etməyə vətən də,
gecələməyə bir kirayə adam da…

About Xeyrulla Xəyal

Xeyrulla Xəyal (Süleymanov Xeyrulla Cahangir oğlu) 18 noyabr 1953-cü ildə Azərbaycanda, Salyan rayonunun Ərəbqardaşbəyli kəndində anadan olub. 1972-ci ildə Əlibayramlı pedaqoji məktəbini, 1980-ci ildə Azərbaycan Dövlət Universitetini, 1984-cü ildə M. Qorki adına Ədəbiyyat institututunun aspiranturasını bitirmişdir. 1985-ci ildən Samarada yaşayır.

Обсуждение закрыто.