Daily Archives: 27.11.2016

27 NOYABRDA HƏLAK OLANLAR: AĞDAMLI KNYAZ ABBASOV

Стандартный

Knyaz Əliqulu oğlu Abbasov 1963-ci ildə Ağdam rayonunun Yusifcanlı kəndində anadan olub. 1992-ci il noyabrın 27-də Ağdam rayonunun Mərzili kəndi uğrunda gedən döyüş əməliyyatında həlak olmuşdur.

ŞƏHİDLƏR: BƏRDƏLİ QULAM QƏDİROV

Стандартный

Qulam_Qədirov.jpg

Qədirоv Qulam Əkbər оğlu 27 nоyabr 1972-ci ildə Bərdə rayonunun Yeni Daşkənd kəndində anadan оlmuşdur.

1990-1991-ci illərdə Özbəkistanın Çirkik şəhərində Sovet Ordusunda xidmət etmişdir.

Bərdə rayоn Hərbi Kоmisarlığı tərəfindən 10 may 1991-ci ildə Milli Orduya çağırılmışdır.

701-ci hərbi hissənin sıravi avtоmatçı əsgəri оlmuşdur.

19 yanvar 1994-cü ildə Kəlbəcər rayonunun Yanşaq kəndində gеdən döyüşdə şəhid оlmuşdur.

Bərdə rayonunun Yeni Daşkənd kəndində dəfn оlunmuşdur.

NOYABR 1988 — AZƏRBAYCANLILARIN DEPORTASİYASI

Стандартный

Azərbaycanlılarının-deportasiyası.jpg

1988-ci il noyabrın ortalarında Ermənistandan Azərbaycana 80 mindən artıq qaçqın pənah gətirmişdi. Noyabrın 17-də Bakıda “Azadlıq” meydanında keçirilən mitinq zamanı Ermənistanda yaşayan azərbaycanlılara muxtariyyət verilməsi tələbi ilə qətnamə qəbul edilmişdi. Ermənistan televiziyası həmin gün Bakıda keçirilən mitinqdən reportajlar göstərərək, həmin qətnamənin tələblərini dəfələrlə efirdə səsləndirmişdi. Noyabrın 22-də Ermənistan SSR Ali Sovetinin azərbaycanlı deputatların iştirakı olmadan növbədənkənar sessiyası çağırılmışdı. Sessiyanın keçirildiyi opera teatrının binasının qarşısına toplaşan mitinq iştirakçılarının hücumundan sonra Ermənistan rəhbərliyi mitinqçilərin tələbi ilə sessiyanın gedişini dayandırmış, deputatları və rayon rəhbərlərini “qayda-qanunu bərpa etmək” adı altında yerlərə göndərmişdi. Rayon rəhbərlərinə tapşırıq verilmişdi ki, bir həftə ərzində, yəni noyabrın 28-dək Ermənistanı azərbaycanlılardan təmizləmək aksiyasını başa çatdırsınlar.
Rusiya tarixçisi Yuri Pompeev 1988-ci ilin payızında azərbaycanlıların Ermənistandan deportasiyasını belə təsvir edir: “Müdafiəsiz, silahsız azərbaycanlıları adətən çılpaq və əliyalın evlərindən qovaraq deyirdilər: “Ləinətə gəlmiş türklər, rədd olun Ermənistandan!”

Ermənilər noyabrın 25-dən 26-na keçən gecə Kirovakan (indiki Vanadzor) şəhərinə bitişik Şaumyan (əvvəlki adı Vartanlı olmuşdur) kəndə silahlı hücum etmiş, 14 nəfər azərbaycanlını vəhşicəsinə öldürmüş və yandırmışdılar. Kəndin sağ qalan əhalisi qarlı-çovğunlu günlərdə dağlarla, meşələrlə gündüzlər gizlənib yalnız gecələr yol gedərək 13-14 gün ərzində Azərbaycana çatmışdılar. 
1988-ci ilin noyabrın 28-də Spitak (Hamamlı) rayonunda da azərbaycanlılara qarşı qırğınlar törədilmişdi. 3 nəfər öldürülmüş, 7 nəfər ağır yaralanmışdı.