GİZİR TEYMUR QASIMOV MİNGƏÇEVİRDƏ DƏFN EDİLİB

1992-ci il təvəllüdlü, Mingəçevir İnternat məktəbinin məzunu, tanınmış idmançı Qasımov Teymur Sabir oğlu Tərtər istiqamətində gedən döyüşlərdə həlak olub. 

Şəhid gizir Ağdərə rayonunun Talış kəndindəki yüksəklik uğrunda döyüşüb. Teymur Qasımov 2012-ci ildən ordu sıralarında olub.

On mindən yuxarı Mingəçevir sakini şəhidi son mənzilə yola salıb.

 Şəhid Mingəçevir şəhərindəki Şəhidlər xiyabanında dəfn edilib.