16 FEVRAL — BÖYÜK MEMAR ZİVƏR BƏY ƏHMƏDBƏYOVUN DOĞUM GÜNÜ

Стандартный

Зивер-бек Ахмедбеков, (азерб. Zivər bəy Əhmədbəyov; 1873, Шемахы — 16 февраля 1925, Баку) — первый азербайджанский архитектор с высшим образованием, главный архитектор города Баку с 1918 по 1922 год.

Памятник_Зивербеку_Ахмедбекову

Zivər bəy Əhmədbəyov 1873-cü ildə Şamaxı şəhərində doğulub. Orta təhsilini Şamaxıda almışdır. 1902-ci ildə Peterburq İnşaat Mühəndisləri İnstitutunu bitirmişdir. 1910-cu ildən Bakı şəhərində yaşayıb. 1902-1917-ci illərdə Z.Əhmədbəyov Bakı Quberniyasının İdarəsində, sonra isə Bakı şəhər idarəsində memar işləmişdir. Azərbaycan Xalq Cümhuriyyəti elan olunduqdan sonra Bakı şəhərinin baş memarı olub.

1922-ci ilə kimi Bakı şəhərinin baş memarı olmuşdur. Şamaxıda Cümə məscidinin, İmam məscidinin, Bakıda Təzə Pir məscidinin,

Taza_Pir_mosque

 Göyçayda Əbülfəzlil Əbbas məscidinin(1898-1902), Əmircanda Murtuza Muxtarov məscidinin (1908) (məscidi Kərbəlayi Əhməd tikib) və Vladiqafqazda bir sıra yaşayış, məişət binaları onun layihəsilə tikilmişdir.

Əmircanda layihəsini verdiyi məscid isə Şərq memarlığının ən yaxşı incilərindən biri kimi UNESCO-nun tarixi abidələr siyahısına salınaraq qorunur.

Z.Əhmədbəyov öz layihələrində Qərbi Avropa və Şərq memarlıq ənənələrini böyük məharətlə birləşdirirdi. Bakıda Oftalmologiya institutunun binası və onun layihəsilə tikilən bir sıra yaşayış binaları bu gün də göz oxşayır.

Building_of_Scientific_Research_Institute_in_Baku

1917-ci ildə Z.Əhmədbəyov «İslam mədəniyyət abidələrini qoruyan», 1919-cu ildə isə Şamaxıda mədəniyyət abidələrinin öyrənilməsi ilə məşğul olan «Yeni Şirvan» cəmiyyətlərini yaradır.

Zivərbəy Əhmədbəyov 1925-ci ildə Bakıda vəfat etmişdir.

26 may 2011-ci ildə Bakıda «Nizami» metro stansiyası qarşısında Zivər bəy Əhmədbəyovun heykəlinin və onun adını daşıyan parkın açılışı olub.

Parkla üzbəüz bina Zivər bəy Əhmədbəyovun layihəsi əsasında inşa edilib.

vikipediya

 

Реклама

Обсуждение закрыто.